ചരിത്രം  ആവർത്തിക്കാൻ വീണ്ടും പൊന്നിയിൻ സെൽവൻ !

പിഎസ്-2 ഏപ്രിൽ 28 ന്, മോഷൻ പോസ്റ്റർ പുറത്ത് വിട്ടു !!!

മണിരത്നം സംവിധാനം ചെയ്ത ബ്രഹ്മാണ്ഡ ചിത്രമായ രണ്ടു ഭാഗങ്ങളുള്ള  പൊന്നിയിൻ സെൽവൻ്റെ ആദ്യ ഭാഗമായ പിഎസ്-1 കഴിഞ്ഞ സെപ്റ്റംബർ 30 നാണ് ലോക വ്യാപകമായി റീലീസ്  ചെയ്തത്. ഇന്ത്യൻ സിനിമയുടെ തന്നെ ഇതു വരെയുള്ള റെക്കോർഡ് തകർത്തു കൊണ്ട്  പ്രേക്ഷകരെ ആവേശം കൊള്ളിച്ച് ആഗോള തലത്തിൽ ബോക്സ് ഓഫീസിൽ കളക്ഷൻ തൂത്തു വാരിയ സിനിമയാണിത്.മണിരത്നത്തിൻ്റെ ഡ്രീം പ്രോജേക്റ്റായ ഈ ചിത്രത്തെ കുറിച്ചുള്ള ചൂടു പിടിച്ച ചർച്ചകൾ സമൂഹ മാധ്യമങ്ങളിൽ ഇന്നും തുടരുകയാണ്. താര നിബിഡമായ പൊന്നിയിൻ സെൽവൻ്റെ രണ്ടാം ഭാഗമായ പിഎസ്- 2 നെ പ്രേക്ഷകർ ആകാംഷയോടെയാണ് കാത്തിരിക്കുന്നത് . ഇത്തരുണത്തിൽ റിലീസ് തീയ്യതി ഔദ്യോഗികമായി പ്രഖ്യാപിച്ച്, റിലീസിനു മുന്നോടിയായി മോഷൻ പോസ്റ്റർ പുറത്തിറക്കി പ്രേക്ഷകരുടെ ആകാംഷയും പ്രതീക്ഷയും ഇരട്ടിയാക്കിയിരിക്കയാണ്  നിർമ്മാതാക്കളായ ലൈക്കാ പ്രൊഡക്ഷൻസും മെഡ്രാസ്  ടാക്കീസും. ഏപ്രിൽ28 നാണ് പിഎസ്-2 പ്രദർശനത്തിനെത്തുക. സിനിമയുടെ ഇന്നേ വരെയുള്ള ചരിത്രത്തിൽ ജന പ്രീതിയുടെ കാര്യത്തിൽ സർവ്വകാല റെക്കോർഡാണ് പിഎസ്-1 തിരുത്തി കുറിച്ചത്. കേരളത്തിലും പിഎസ്-1 ആവേശകരമായ  ഉജ്ജ്വല  വിജയം നേടി. കേരളത്തിൽ നിന്നു മാത്രം ചിത്രം ഇരുപത്തിയഞ്ച്  കോടിയോളം രൂപയുടെ കളക്ഷൻ നേടിയതായിട്ടാണ് റിപ്പോർട്ട്.ശ്രീ ഗോകുലം മൂവീസാണ്  ചിത്രം കേരളത്തിൽ റിലീസ് ചെയ്തത്.

കോവിഡാനന്തരം സിനിമയുടേയും തിയറ്ററുകളുടെയും ഭാവി ആശങ്കയിലാണ് എന്ന് കരുതിയ വേളയിൽ  കുട്ടികൾ മുതൽ തൊണ്ണൂറു പിന്നിട്ട വൃദ്ധരെ വരെ തിയറ്ററുകളിലേക്ക് ആകർഷിച്ച് ചരിത്രം തിരുത്തി കുറിച്ചു പൊന്നിയിൻ സെൽവൻ-1. ഇനി രണ്ടാം ഭാഗത്തിനായി ആകാംഷയോടെ കാത്തിരിക്കുകയാണ് ആരാധകർ. ആദ്യ ഭാഗത്തിൽ നാല്പത്തി എട്ടിൽ പരം വരുന്ന പ്രധാന കഥാപാത്രങ്ങളെ പ്രേക്ഷകർക്ക് പരിചയപ്പെടുത്തി. ഇനി രണ്ടാം ഭാഗത്തിലാണ് യഥാർത്ഥ കഥ പറയാനിരിക്കുന്നതത്രേ. വിക്രം,കാർത്തി, ജയം രവി, ഐശ്വര്യാ റായ്, തൃഷ,  റഹ്മാൻ, ശരത് കുമാർ, ജയറാം, ബാബു ആൻ്റണി, ലാൽ,അശ്വിന്‍ കാകുമാനു, റിയാസ് ഖാന്‍, ശോഭിതാ ധൂലിപാല,ഐശ്വര്യ ലക്ഷ്മി, ജയചിത്ര എന്നിവർ അവതരിപ്പിക്കുന്ന  കഥാപാത്രങ്ങളിലൂടെ ചരിത്ര കഥയുടെ അന്തർധാരയിലൂടെയത്രെ രണ്ടാം ഭാഗത്തിൻ്റെ സഞ്ചാരം.ഏ. ആർ.റഹ്മാൻ്റെ സംഗീതവും , രവി വർമ്മൻ്റെ  ഛായ ഗ്രഹണവും, തോട്ടാ ധരണിയുടെ  കലാ സംവിധാനവും പൊന്നിയിൻ ശെൽവനിലെ ആകർഷക ഘടകങ്ങളാണ് . 

# സി.കെ.അജയ് കുമാർ, പി ആർ ഒ 

സൈനു ചാവക്കാടന്റെ പോയിൻ്റ് റേഞ്ച് എന്ന ചിത്രത്തിന്റെ ഷൂട്ടിങ് പോണ്ടിച്ചേരിയില്‍ പൂർത്തിയായി.

ഡിഎം പ്രൊഡക്ഷൻ ഹൗസിന്റെ ബാനറില്‍ ഷിജി മുഹമ്മദും തിയ്യാമ്മ പ്രൊഡക്ഷൻസും ചേർന്നു നിര്‍മ്മിക്കുന്ന ആക്ഷൻ ത്രില്ലർ ചിത്രമായ പോയിൻ്റ് റേഞ്ച്
മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലായിട്ടാണ് റിലീസിനൊരുങ്ങുന്നത്.

കോഴിക്കോട് ,പോണ്ടിച്ചേരി എന്നിവിടങ്ങളിലായിരുന്നു ചിത്രീകരണം നടന്നത്. സഹ നിര്‍മ്മാണം സുധീർ 3D ക്രാഫ്റ്റ്.

ശരത്ത് അപ്പാനി, റിയാസ്ഖാൻ, ഹരീഷ് പേരടി, ചാർമിള,മുഹമ്മദ് ഷാരിക്, സനൽ അമാൻ, ഷഫീക് റഹിമാൻ , ജോയി ജോൺ ആന്റണി,ആരോൾ ഡി ഷങ്കർ, രാജേഷ് ശര്‍മ,അരിസ്റ്റോ സുരേഷ്, ബിജു കരിയിൽ ( ഗാവൻ റോയ്), പ്രേംകുമാര്‍ വെഞ്ഞാറമൂട്, ഡയാന ഹമീദ്,സുമി സെൻ , ഫെസ്സി പ്രജീഷ് തുടങ്ങി മലയാളത്തിലേയും തമിഴിലേയും പ്രമുഖ താരങ്ങൾ സിനിമയുടെ ഭാഗമായി..

മിഥുൻ സുബ്രൻ എഴുതിയ കഥയ്ക്ക്
ബോണി അസ്സനാർ തിരക്കഥ രചിച്ചിരിക്കുന്നു.

ടോൺസ് അലക്സാണ് ചിത്രത്തിൻ്റെ ഛായാഗ്രഹണവും ചിത്രസംയോജനവും നിർവഹിക്കുന്നത്.

പ്രൊഡക്ഷൻ കൺട്രോളർ :
ഹോച്ചിമിൻ കെ സി

ചിത്രത്തിലെ ഗാനങ്ങൾ എഴുതിയിരിക്കുന്നത് ഫ്രാൻസിസ് ജിജോയും, അജയ് ഗോപാലും , അജു സാജനും ചേർന്നാണ്.

കലാസംവിധാനം:
ഷെരീഫ് CKDN

മ്യൂസിക് :
പ്രദീപ് ബാബു
ബിമൽ പങ്കജ്
സായി ബാലൻ

ആക്ഷൻ:
റണ്‍ രവി

പിആർഒ : 
ശബരി

മമ്മൂട്ടിയെ നായകനാക്കി ബി.ഉണ്ണികൃഷ്ണൻ സംവിധാനം ചെയ്ത് തീയേറ്റർ റിലീസിനൊരുങ്ങുന്ന ഏറ്റവും പുതിയ ചിത്രം ക്രിസ്റ്റഫറിലെ പുതിയ ക്യാരക്ടർ പോസ്റ്റർ റിലീസ് ചെയ്തു. തെന്നിന്ത്യൻ താരം വിനയ് റായ്  അവതരിപ്പിക്കുന്ന സീതാറാം ത്രിമൂർത്തി എന്ന വില്ലൻ കഥാപാത്രത്തിന്റെ പോസ്റ്ററാണ് പുറത്തുവന്നിരിക്കുന്നത്. “ദി ആൻ്റഗോണിസ്റ്റ് ”  എന്ന ടാഗ് ലൈനിൽ ഉള്ള വില്ലൻ്റെ മുഖം വെളിപ്പെടുത്താതെയുള്ള കഥാപത്രത്തെ പോസ്റ്ററിൽ കാണാം. വിനയ് റായ് ആദ്യമായി മലയാളത്തിൽ അഭിനയിക്കുന്ന ചിത്രം കൂടിയാണിതെന്ന പ്രത്യേകത കൂടിയുണ്ടിതിന്. ബയോഗ്രഫി ഓഫ് എ വിജിലന്‍റ് കോപ്പ്’ എന്ന ടാ​ഗ് ലൈനോടെ എത്തുന്ന ക്രിസ്റ്റഫര്‍ നിർമ്മിക്കുന്നത് ആർ.ഡി ഇല്യൂമിനേഷന്‍സ് എൽ.എൽ.പി ആണ്. ത്രില്ലർ ഗണത്തിലുള്ള ചിത്രത്തിൻ്റെ തിരക്കഥ ഒരുക്കുന്നത് ഉദയകൃഷ്ണയാണ്. അമല പോൾ കൂടാതെ സ്നേഹ, ഐശ്വര്യ ലക്ഷ്മി എന്നിങ്ങനെ മൂന്ന് നായികമാരാണ് ചിത്രത്തിലുള്ളത്.

ദിലീഷ് പോത്തൻ, സിദ്ദിഖ്, ജിനു എബ്രഹാം, വിനീതകോശി, വാസന്തി തുടങ്ങിയവരോടൊപ്പം മുപ്പത്തിയഞ്ചോളം പുതുമുഖങ്ങളും ചിത്രത്തില്‍ വേഷമിടുന്നു. പൊലീസ് ഉദ്യോഗസ്ഥനായാണ് മമ്മൂട്ടി ചിത്രത്തില്‍ എത്തുന്നത്. ഓപ്പറേഷൻ ജാവ ഒരുക്കിയ ഫൈസ് സിദ്ദിഖ് ആണ് ചിത്രത്തിൻ്റെ ഛായാഗ്രഹണം നിർവ്വഹിക്കുന്നത്. സംഗീതം: ജസ്റ്റിൻ വർഗീസ്, എഡിറ്റിംഗ്: മനോജ്, പ്രൊഡക്ഷൻ കൺട്രോളർ: അരോമ മോഹൻ, കലാ സംവിധാനം: ഷാജി നടുവിൽ, വസ്ത്രാലങ്കാരം: പ്രവീൺ വർമ്മ, ചമയം: ജിതേഷ് പൊയ്യ, ആക്ഷൻ കൊറിയോഗ്രഫി: സുപ്രീം സുന്ദർ, ചീഫ് അസോസിയേറ്റ്: സുജിത്ത് സുരേഷ്, സൗണ്ട് മിക്സിങ്: രാജകൃഷ്ണൻ എം.ആർ, സൗണ്ട് ഡിസൈൻ: നിധിൻ ലൂക്കോസ്, കളറിസ്റ്റ്: ഷൺമുഖ പാഡ്യൻ, ഡി.ഐ: മോക്ഷ പോസ്റ്റ്, പി.ആർ.ഒ: പി ശിവപ്രസാദ്, മാർക്കറ്റിംഗ്: ഒബ്സ്ക്യൂറ എൻ്റർടൈൻമെൻ്റ്സ്, സ്റ്റിൽസ്: നവീൻ മുരളി, ഡിസൈൻ: കോളിൻസ് ലിയോഫിൽ എന്നിവരാണ് മറ്റ് അണിയറ പ്രവർത്തകർ.

പ്രേക്ഷകരുടെ ഇഷ്ടപെട്ട താരം കൂടിയാണ് വിജയ് ദേവരകൊണ്ട. അഞ്ചു  വർഷമായി ഇദ്ദേഹം ഓരോ  ക്രിസ്മസിനും വിജയ് ആരാധകർക്ക് സമ്മാനം നൽകാറുണ്ട്. ഇത്തവണയും ആ പതിവ് തെറ്റിച്ചിട്ടില്ല 100 പേർക്കാണ് തന്റെ ചെലവിൽ ഒരു ഹോളിഡേ ട്രിപ്പ്‌ പ്ലാൻ ചെയ്തിരിക്കുന്നത്

ആരാധകർക്കു ഒരു പോൾ നടത്തികൊണ്ടാണ് വിജയ് സർപ്രൈസ്  ഒരുക്കിയിരിക്കുന്നത്. എവിടെ പോകണമെന്ന് സ്ഥലവും ആരാധകർക്കു തന്നെ വോട്ടിങ്ങിലൂടെ തിരഞ്ഞെടുക്കാം എന്ന പ്രേത്യേകതകൂടി ഉണ്ടായിരുന്നു.

ഇന്ത്യയിലെ കടൽതീരങ്ങൾ, മലനിരകൾ, കൾചറൽ ട്രിപ്പ്‌, ഇന്ത്യയിലെ മരുഭൂമികൾ എന്നാണ് ഓപ്ഷനുകൾ നൽകിയത്. ഇതിൽ 42 ശതമാനം ആളുകളും വോട്ട് നൽകിയത് ഇന്ത്യയിലെ മലനിരകളിൽ പോകാനായിരുന്നു. വിജയ് ദേവരകൊണ്ടയുടെ പുതിയ ചിത്രം ‘കുശി’ യാണ് സാമന്ത നായികയാകുന്ന ചിത്രം കൂടിയാണ്.

ജെയിംസ് കമാറൂൺ സംവിധാനം ചെയ്ത അവതാർ : ദി വേ ഓഫ് വാട്ടർ വൻ വിജയം നേടികൊണ്ടിരിക്കുന്നു. ലോകമെമ്പാടുമുള്ള പ്രേക്ഷകർ കാത്തിരുന്ന അവതാർ രണ്ടാം ഭാഗത്തെ അത്ഭുതത്തോടെയാണ് വരവേറ്റത്.

അവതാറിന്റെ ആദ്യഭാഗം 2009 ൽ പുറത്തിറങ്ങി പതിമൂന്ന് വർഷത്തിനു ശേഷമാണ് അവതാർ ദി വേ ഓഫ് വാട്ടർ ഡിസംബർ 16 ന് പുറത്തിറങ്ങിയത്. 7000 കോടി ബോക്സ്‌ ഓഫീസ് പിന്നിട്ട ചിത്രം കൂടിയാണ്. ഈ അടുത്തിടെ ഇന്ത്യയിൽ ഇറങ്ങിയ സർക്കസ് എന്ന ചിത്രത്തെ പിൻതള്ളികൊണ്ടാണ് അവതാർ രണ്ടാം ഭാഗം തീയേറ്ററിൽ ഓടുന്നത്. ഇംഗ്ലീഷ്, ഹിന്ദി, തമിഴ്, തെലുങ്ക്, കന്നഡ, മലയാളം എന്നി ഭാഷകളിലാണ് ചിത്രം റിലീസ് ചെയ്തത്.

പ്രേക്ഷകരുടെ ഇഷ്ട്ടപെട്ട നായികയാണ് കൊല്ലം സ്വദേശിയായ നൂറിൻ ഷെരിഫ്. ഇപ്പോൾ നൂറിൻ ഷെരീഫിന്റെ വിവാഹ വാർത്തയാണ് പുറത്തു വന്നിരിക്കുന്നത്.തിരക്കഥകൃത്തും നടനുമായ ഫഹിം സഫറാണ് വരൻ. അടുത്ത സുഹൃത്തുക്കളായിരുന്നു ഇവർ. ബേക്കലിലെ ഒരു റിസോർട്ടിൽ വെച്ചായിരുന്നു വിവാഹ നിശ്ചയം. ഇരുവരുടെയും ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്.

ഒരു അഡർ ലൗ എന്ന ചിത്രത്തിൽ പ്രേക്ഷകരുടെ പ്രിയങ്കരിയായി മാറിയ നടിയാണ് നൂറിൻ ഷെരിഫ് . കൈയിലെ മെഹന്ദിയുടെ ചിത്രമാണ് ഇൻസ്റ്റാഗ്രാമിലൂടെ പങ്കുവെച്ചിരിക്കുന്നത്.

പ്രേക്ഷകരുടെ കാത്തിരിപ്പിന് വിരാമമിട്ടുകൊണ്ട് ലിജോ ജോസ് പല്ലിശ്ശേരിസംവിധാനം ചെയ്ത് മോഹൻലാൽ ചിത്രത്തിനു  പേര് പ്രഖ്യപിച്ചു. ‘മലൈകോട്ടെ വാലിബൻ’ എന്നാണ് പേര് നൽകിയത്.

ആമേൻ മൂവി മോൺസ്റ്ററി, മാക്സ് ലാബ് സിനിമാസ്, ജോൺ മേരി ക്രീയേറ്റീവ് ലിമിറ്റേഡും ചേർന്നാണ് ചിത്രം നിർമ്മിക്കുന്നത്. നൻ പകൽ മയക്കം എന്ന ചിത്രമാണ് ലിജോ ജോസ് പല്ലിശ്ശേരി അവസാനമായി ചെയ്തത്. ഈ ചിത്രത്തിൽ ചെമ്പോത്ത് സൈമൺ എന്ന ഗുസ്തികാരനായിട്ടാണ് മോഹൻലാൽ അഭിനയിച്ചിരിക്കുന്നത്.

ദൃശ്യം 2, ത്വൽത്ത്മാൻ എന്ന ചിത്രത്തിനു ശേഷം മോഹൻലാലും ലിജോ ജോസും ഒരുമിക്കുന്ന ചിത്രം കൂടിയാണ്. ഈ ചിത്രത്തിലെ മോഹൻലാലിൻറെ കഥാപാത്രവും ചിത്രത്തിന്റെ പേരിനും ഒരുപാട് സാദൃശ്യമുണ്ടെന്നും സംവിധായകൻ കൂട്ടിച്ചേർത്തു.

2022-ൽ ബോളിവുഡ്ലെ സർക്കസ് എന്ന ചിത്രത്തിനു മോശപ്രതികരണമാണ് പ്രേക്ഷകരിൽനിന്ന് ലഭിക്കുന്നത്.രോഹിത് ഷെട്ടി സംവിധാനം ചെയ്ത ചിത്രത്തിൽ രൺവീർ സിംഗാണ്  നായകൻ. പഴയ കഥയെ ആസ്പദമാക്കിയാണ് ചിത്രം തയ്യാറാക്കിയിരിക്കുന്നതെന്നും പ്രേക്ഷകർ അഭിപ്രായപ്പെടുന്നു.

രൺവീർ സിംഗിന്റെ ഇരട്ടവേഷവും അനാവശ്യ ഗാന രംഗങ്ങളുമാണ് ഈ ചിത്രത്തിൽ ബോറാക്കിയിരിക്കുന്നത് എന്ന് പ്രേക്ഷകർ. ഈ ചിത്രത്തെ ഒരുക്കിയിരിക്കുന്നത് ഷേക്സ്പിയറിന്റെ കോമഡി ഓഫ് ഡ്രാമ എന്ന നാടകത്തിനെ ആസ്പദമാക്കിയാണ്.ദീപിക പദുകോൺ  കാമിയോ റോളിൽ എത്തുന്നുണ്ട്.ജോണി ലിവർ, വരുൺ ശർമ്മ, പൂജാ ഹെഗ്ഡേ എന്നിവരും കഥാപാത്രങ്ങളായി വരുന്നുണ്ട്.

മലയാളത്തിലെ പ്രശസ്ത ചലച്ചിത്ര നടനും മെഗാസ്റ്റാർ മമ്മൂട്ടിയുടെ മകനുമാണ് ദുൽഖർ സൽമാൻ. സിനിമപ്രേമികളുടെ ഇഷ്ട താരവുമായ ദുൽഖർ സൽമാന്റെയും ഭാര്യ അമാലിന്റെയും പതിനൊന്നം വിവാഹവാർഷികമായിരുന്നു വ്യാഴാഴ്ച. ഭാര്യയ്ക്കു ആശംസകൾ അറിയിച്ചു കൊണ്ടും ഏറെ വൈകിപ്പോയ വാർത്തയാണെന്നും അദ്ദേഹം കൂട്ടിചേർത്തു.

2011 ഡിസംബർ 11നാണ് ഇരുവരുടെയും വിവാഹം നടന്നത്. മറിയം അമീറാ സൽമാൻ എന്ന മകളുമുണ്ട്. മലയാളം, തമിഴ്, തെലുങ്ക്,hindi എന്നിങ്ങനെ നിരവധി ഭാഷകളിലും അഭിനായിച്ചിട്ടുണ്ട്. സെക്കന്റ്‌ ഷോ എന്ന ചിത്രത്തിൽ കൂടെയാണ് അഭിനയത്തിലേക്കു കാലെടുത്തുവെച്ചത്. മികച്ച നടനുള്ള കേരള സംസ്ഥാന ചലച്ചിത്ര പുരസ്കാരവും ചാർളി എന്ന ചിത്രത്തിലൂടെ ലഭിച്ചു.

പതിനൊന്നു വർഷം ഞങ്ങളുടെ ജീവിതത്തിലെ വലിയൊരു നാഴിക്കല്ലാനെന്നും അവൾ അമ്മയായപ്പോൾ എന്റെ താടി നരച്ചപ്പോഴും  ഞങ്ങൾ വീട് വാങ്ങിയതും എല്ലാം ഓർക്കുമ്പോൾ ഒരു കഥപോലെ തോന്നുന്നുയെന്നും പങ്കുവെച്ചു.

ചിത്രം ജനുവരി 20ന് റിലീസിനെത്തും

ലെനയെ കേന്ദ്ര കഥാപാത്രമാക്കി സംവിധായകൻ റഹിം ഖാദർ സംവിധാനം ചെയ്യുന്ന ഏറ്റവും പുതിയ ചിത്രമാണ് ‘വനിത’. ചിത്രത്തിൻ്റെ ഫസ്റ്റ്ലുക്ക് പോസ്റ്റർ റിലീസായി. ഷട്ടർ സൗണ്ട് എൻ്റർടെയിൻമെൻ്റ്, മൂവി മേക്കേഴ്‌സ് എന്നീ ബാനറുകളിൽ ജബ്ബാർ മരക്കാർ ആണ് ചിത്രം നിർമ്മിക്കുന്നത്. ചിത്രം ജനുവരി 20 ന് റിലീസിനെത്തുമെന്ന് അണിയറ പ്രവർത്തകർ അറിയിച്ചു. ഷമീർ ടി മുഹമ്മദ് ആണ് ഛായാഗ്രാഹകൻ. വനിത എന്ന കേന്ദ്ര കഥാപാത്രത്തെയാണ് ലെന അവതരിപ്പിക്കുന്നത്. ലെനയുടെ സിനിമാ ജീവിതത്തിലെ തന്നെ ശക്തമായ കഥാപാത്രമായിരിക്കും ‘വനിത’ എന്ന് നിസംശയം പറയാം.

ലെനയെ കൂടാതെ സീമ ജി നായർ, നവാസ് വള്ളിക്കുന്ന്, ശ്രീജിത്ത്‌ രവി, സലിം കുമാർ, കലാഭവൻ നവാസ് എന്നിവരും ഒരു കൂട്ടം യഥാർത്ഥ പോലീസ്കാരും ചിത്രത്തിൽ മുഖ്യ വേഷങ്ങളിലെത്തുന്നു. ചിത്രത്തിൻ്റെ എക്സിക്യൂട്ടീവ് പ്രൊഡ്യൂസർ നിഷാദ് ഹംസയും, പ്രൊജക്ട് ഡിസൈനർ സമദ് ഉസ്മാനും ആണ്. എഡിറ്റിംങ്: മെൻ്റോസ് ആൻ്റണി, സംഗീതം: ബിജിപാൽ, കോസ്റ്റ്യൂം: അബ്ബാസ് പാണാവള്ളി, മേക്കപ്പ്: ബിബിൻ തൊടുപുഴ, ഓഡിയോഗ്രാഫി: എം.ആർ രാജകൃഷ്ണൻ, പ്രൊഡക്ഷൻ കൺട്രോളർ: ഷറഫ് കരുപ്പടന്ന, സൗണ്ട് ഡിസൈനർ: വിക്കി – കൃഷ്ണൻ, ലൊക്കേഷൻ മാനേജർ: സജീവ് കൊമ്പനാട്, വി.എഫ്.എക്സ്:  ജിനീഷ് ശശിധരൻ, പി.ആർ.ഒ: പി.ശിവപ്രസാദ്, ഡിസൈനിങ്: രാഹുൽ രാജ് എന്നിവരാണ് മറ്റ് അണിയറ പ്രവർത്തകർ.

പെഗാസസ് ഗ്ലോബൽ പ്രൈവറ്റ് ലിമിറ്റഡിന്റെ ബാനറിൽ ജെബിത അജിത് നിർമിക്കുന്ന ദ്വിഭാഷാ ചിത്രം ‘ആഗസ്റ്റ്  27’ൻ്റെ ടീസർ റിലീസായി. സൗന്ദര്യമത്സരംഗത്ത് പ്രമുഖ സ്ഥാനം വഹിക്കുന്ന ഡോ. അജിത് രവി പെഗാസസാണ്  ചിത്രത്തിന്റെ സംവിധാനം. ചിത്രത്തിൻ്റേതായി അടുത്തിടെ പുറത്തിറങ്ങിയ  ഫസ്റ്റ് ലുക്ക് പോസ്റ്ററും ഏറെ ജനപ്രീതി നേടിയിരുന്നു. കുമ്പളത്ത് പദ്മകുമാർ കഥയും തിരക്കഥയും തയ്യാറാക്കിയിരിക്കുന്ന ചിത്രത്തിന്റെ ഛായാഗ്രഹണം നിവ്വഹിച്ചിരിക്കുന്നത് കൃഷ്ണ പി.എസ് ആണ്.

ഷിജു അബ്‌ദുൾ റഷീദ്, ജസീല, റിഷാദ്,  സുഷ്മിത ഗോപിനാഥ്‌ , എം .ആർ ഗോപകുമാർ, സജിമോൻ പാറയിൽ, നീന കുറുപ്പ്, താര കല്യാൺ എന്നിവർ ചിത്രത്തിൽ കേന്ദ്ര കഥപാത്രങ്ങളെ അവതരിപ്പിച്ചിരിക്കുന്നു. കുടുംബബന്ധങ്ങളുടെ കഥയാണ്  ചിത്രത്തിൻ്റെ ഇതിവൃത്തം. ശാന്തി അലൻ, അമൽ വിജയ്, വള്ളിക്കോട് രമേശൻ, മധു മുണ്ഡകം എന്നിവരുടെ വരികൾക്ക് അഖിൽ വിജയ്, സാം ശിവ എന്നിവർ സംഗീതം നൽകിയിരിക്കുന്നു. ചിത്രത്തിന്റെ പശ്ചാത്തല സംഗീതം ഒരുക്കിയിരിക്കുന്നത് സാനന്ദ് ജോർജ്ജ് ആണ്. കലാസംവിധാനം: ഗ്ലാട്ടൻ പീറ്റർ, സഹസംവിധായകർ: സബിൻ. കെ. കെ, കെ. പി അയ്യപ്പദാസ്. മേക്കപ്പ്: സൈജു, എഡിറ്റിങ്: ജയചന്ദ്ര കൃഷ്‌ണ, വസ്ത്രാലങ്കാരം: റസാഖ് തിരൂർ, പ്രൊഡക്ഷൻ കൺട്രോളർ: ജബ്ബാർ മതിലകം, ജിതിൻ മലയിൻകീഴ്, കളറിസ്റ്റ്: മഹാദേവൻ, സൗണ്ട് ഇഫക്ട്സ്: രാജ് മാർത്താണ്ഡം, സ്റ്റിൽസ്: ജിനീഷ്, ഡിസൈൻ: ഷിബു പത്തുർ(പെഗാസസ്), പി.ആർ.ഒ: പി ശിവപ്രസാദ് എന്നിവരാണ് മറ്റ് അണിയറ പ്രവർത്തകർ. ചിത്രം മാർച്ച് മാസത്തിൽ റിലീസിനെത്തുമെന്ന് അണിയറ പ്രവർത്തകർ അറിയിച്ചു.

വിഷ്ണു ശശിശങ്കർ സംവിധാനം ചെയ്യുന്ന ഉണ്ണി മുകുന്ദൻ നായകനായി അഭിനയിക്കുന്ന ചിത്രമാണ് ‘മാളികപ്പുറം’. ഡിസംബർ 30 ന് ‘മാളികപ്പുറം’ തീയേറ്ററുകളിൽ എത്തുമെന്ന് ഉണ്ണി മുകുന്ദൻ മീഡിയായിലൂടെ പങ്കുവെച്ചിരിക്കുന്നു.

തുടക്കംതന്നെ ചിത്രത്തിന്റെ ഗാനങ്ങളും ട്രൈലറുകളും പ്രേക്ഷകർ ഏറ്റെടുത്തിരുന്നു. എട്ടു വയസുകാരി കല്യാണിയും അവളുടെ അയ്യപ്പനുമാണ് ചിത്രത്തിന്റെ ഉള്ളടക്കം. ഇന്ദ്രൻസ്, സമ്പത്ത് റാം, ദേവാനന്ദ രമേശ്‌ പിഷാരടി, മനോജ്‌ കെ ജയൻ, സൈജു കുറുപ്പ് എന്നിവരാണ് മറ്റു കഥാപാത്രങ്ങൾ.

വിഷ്ണു നമ്പൂതിരി ഛായഗ്രഹണം, രചന അഭിലാഷ് പിള്ള, സംഗീതം രഞ്ജിൻ, സുരേഷ് കൊല്ലം കലസംവിധാനം, മേക്കപ്പ് ജിത്ത് പയ്യനൂർ,വസ്ത്രലങ്കാരം അനിൽ ചെമ്പൂർ. സംവിധായാകാൻ തന്നെ എഡിറ്റിംഗും ചെയുന്നു. ചിത്രത്തിന്റെ നിർമ്മാണം ആൻ മെഗാ മീഡിയയും കാവ്യാ ഫിലിം കമ്പനി എന്നി ബാനറിൽ നീത പിന്റോയും പ്രിയ വേണുവുമാണ്.