രണ്ടാംതരംഗത്തിലെ മുഖ്യലക്ഷണം ശ്വാസതടസമെന്ന് ഐസിഎംആർ

കോവിഡ് രണ്ടാംതരംഗത്തിൽ പ്രധാന രോഗലക്ഷണം ശ്വാസതടസമെന്ന് ഐസിഎംആർ ഡയറക്ടർ ജനറൽ പ്രൊഫ. ബൽറാം ഭാർഗവ. ‘കഴിഞ്ഞ തരംഗവുമായി താരതമ്യപ്പെടുത്തിയാൽ ഈ തരംഗത്തിൽ മരണശതമാനത്തിൽ കാര്യമായ വ്യത്യാസമില്ല. എന്നാൽ, രണ്ടാംതരംഗത്തിൽ ശ്വാസതടസമാണ് പ്രധാനലക്ഷണമായി കാണുന്നത്. ആദ്യതരംഗത്തിലെ രോഗലക്ഷണങ്ങൾ കുറച്ചുകൂടി തീവ്രമായിരുന്നു. ചുമയും സന്ധിവേദനയും തലവേദനയും ആളുകളെ ബുദ്ധിമുട്ടിച്ചിരുന്നു. രണ്ടാം തരംഗത്തിൽ കൂടുതൽ പേരും ബുദ്ധിമുട്ടുന്നത് ശ്വാസതടസത്തിനാലാണ്. അതുകൊണ്ടാണ്, ഓക്സിജൻ ആവശ്യം ഇപ്പോൾ കൂടിയിട്ടുള്ളത്’– പ്രൊഫ. ബൽറാം ഭാർഗവ ചൂണ്ടിക്കാണിച്ചു.

English Summary : The main symptom of the second wave is shortness of breath, says ICMR