തമിഴ് സിനിമാ പ്രേമികൾ ഏറെ ആകാംഷയോടെ കാത്തിരിക്കുന്ന സൂപ്പർ സ്റ്റാർ രജനി ചിത്രമാണ് ദർബാർ. രജനിയും യുവനിര ഹിറ്റ്മേക്കറായ , സംവിധായകൻ എ.ആർ.മുരുകദാസും ഒന്നിന്നിക്കുന്ന പ്രഥമ ചിത്രം കൂടിയായതിനാൽ ആരാധകരിൽ ദർബാർ പ്രതീക്ഷ വർധിപ്പിച്ചിരിക്കയാണ്. മാസ്സ് ആക്ഷൻ ചിത്രമായ ദർബാറിൽ തെന്നിന്ത്യൻ താര റാണി നയൻതാരയാണ് രജനിയുടെ നായിക എന്നതാണ് മറ്റൊരു പ്രത്യേകത. വളരെ നാളുകൾക്ക് ശേഷം രജിനി പോലീസ് വേഷം ചെയ്യുന്നു എന്ന സവിശേഷതയും ദർബാറിനുണ്ട്.
തന്റെ ചിത്രത്തെ കുറിച്ച് രചയിതാവും സംവിധായകനുമായ മുരുകദാസ് വിവരിക്കുന്നു…..
“മുംബയിൽ നടക്കുന്ന ഒരു പോലീസ് സ്റ്റോറിയാണ് ദർബാർ. ഇതിൽ മുംബൈ പോലീസ് അസിസ്റ്റന്റ് കമ്മീഷണർ കഥാപാത്രമാണ് രജനിയുടേത്. സിനിമയിൽ രാഷ്ട്രീയമില്ല. നിയമത്തിന്റെ കണ്ണു കൊണ്ട് നോക്കാതെ ധർമ്മത്തിന്റെ മാർഗത്തിലൂടെ നടക്കുന്ന ആളാണ് എന്നത് കൊണ്ട് ഇൗ അസിസ്റ്റന്റ് കമ്മീഷണർക്ക് ശത്രുക്കൾ ഏറെ. വില്ലൻ സുനിൽ ഷെട്ടിയുടെ ജനവിരുദ്ധ പ്രവർത്തനങ്ങൾക്ക് അദ്ദേഹം തടയിടുന്നൂ. അതിൽ നായകൻ എങ്ങനെ വിജയിക്കുന്നു എന്നതാണ് കഥയുടെ രത്നച്ചുരുക്കം.
സൂപ്പർ സ്റ്റാറിനെ എങ്ങനെ നോക്കിയാലും സ്റ്റൈലായിരിക്കും. താടി വെച്ചാൽ കൂടുതൽ സ്റൈലായിരിക്കും. അതു കൊണ്ട് താടി വെച്ചു. ഇത് വിമർശന വിധേയമായി. ഇതിനെ കുറിച്ച് ചില ഉന്നത പോലീസ് ഉദ്യോഗസ്ഥരോട് അഭിപ്രായം തേടിയിരുന്നു. ആരോഗ്യപരമായ കാരണങ്ങളാലോ, മതപരമായോ അല്ലെങ്കിൽ ഉന്നത ഉദ്യോഗസ്ഥരുടെ അനുമതി നേടിയോ പോലീസിലും മിലിട്ടറിയിലും ഉള്ളവർക്ക് താടി വളർത്താം എന്ന് അവർ പറഞ്ഞു. അതു കൊണ്ട് ലോജിക്ക് പ്രശ്നം ഉദിക്കുന്നില്ല.പതിവു രജനി സിനിമകളിലെന്ന പോലെ ദർബാറിൽ ആവേശം അലതല്ലുന്ന പഞ്ച് ഡയലോഗുകൾ ഉണ്ട്. ഇൗ സിനിമ ഭാഷാ ഭേദമന്യേ ലോകമെമ്പാടുമുള്ള ഇന്ത്യക്കാർക്ക് ആസ്വദിക്കാൻ കഴിയുന്ന രീതിയിലാണ് ചിത്രീകരിച്ചിരിക്കുന്നത്. എങ്കിലും വർത്തമാന കാല സംഭവങ്ങൾ ചിലതൊക്കെ പ്രതിപാദിച്ചിട്ടുമുണ്ട്. രജനി സിനിമകളിലെ പ്രത്യേകത തന്നെ അദ്ദേഹത്തിന്റെ നിഷ്കളങ്കതയും ഹാസ്യവുമാണ് . എന്നാൽ പത്തു വർഷമായി അദ്ദേഹം അതിൽ നിന്നും അകന്ന പോലെ തോന്നി.
ദർബാറിൽ തൊണ്ണൂറുകളിലെ രജനിയെ വീണ്ടും കാണാം. അതേ സമയം പുതിയ അപ്ഡേറ്റുകളുമായിട്ടാണ് അദ്ദേഹം സ്ക്രീനിൽ പ്രത്യക്ഷപ്പെടുക. പ്രായമായാൽ ചിലരുടെ ശബ്ദത്തിന് മാറ്റം വരും , മുഖം ക്ഷീണിക്കും. എന്നാൽ രജനിയുടെ ശരീരം മാത്രമല്ല മനസ്സും ചെറുപ്പമാണ്. ഇപ്പോഴും അദ്ദേഹം ഫോർട്ടി പ്ലസ് യുവാവാണ്.
പുരുഷ മേധാവിത്വ ലോകത്ത് യാതൊരു പിൻബലവും ഇല്ലാതെ സിനിമയിൽ വിജയ പതാക നാട്ടിയ നായിക നടിയാണ് നയൻതാര. സ്ത്രീ സമൂഹത്തിന് തന്നെ ഒരു നല്ല ഉദാഹരണമാണവർ. മികച്ച അഭിനേത്രി. അവരുടെ നായികാ സാന്നിധ്യവും ദർബാറിനെ കൂടുതൽ കളർ ഫുള്ളാക്കിയിട്ടുണ്ട് . ആർക്കിടെക്ട് ആയിട്ടാണ് നയൻതാര അഭിനയിക്കുന്നത്. സിനിമയിൽ സ്ത്രീകൾക്ക് നേരെയുള്ള ലൈംഗീക അതിക്രമങ്ങൾ ദൃശ്യവൽക്കരിച്ചിട്ടുണ്ട്. മുംബയിലാണ്‌ ദർബാർ പൂർണമായും ചിത്രീകരിച്ചത്.”
ദർബാറിലെ മറ്റു പ്രധാന താരങ്ങൾ സുനിൽ ഷെട്ടി, നിവേദ തോമസ്, അതുൽ കുൽക്കർണി, യോഗി ബാബു, പ്രാട്ടിക് ബബ്ബാർ, രവി കിഷൻ, സൗരഭ് ശുക്ല ഹരീഷ് ഉത്തമൻ, മനോബാല, സുമൻ, ആനന്ദരാജ്, ബോസ് വെങ്കട്ട്‌ എന്നിവരാണ്. സന്തോഷ് ശിവൻ ഛായാഗ്രഹണവും അനിരുദ്ധ് രവിചന്ദർ സംഗീത സംവിധാനവും നിർവഹിച്ചിരിക്കുന്നു.
ലൈക്കാ പ്രൊഡക്ഷൻസിന്റെ ബാനറിൽ സുഭാഷ്കരൻ നിർമ്മിച്ച ദർബാർ പൊങ്കൽ ഉത്സവത്തോടനുബന്ധിച്ച് ജനുവരി 9 ന് ലോകമെമ്പാടും റിലീസ് ചെയ്യും.
കേരളത്തിൽ ഗൃഹലക്ഷ്മി പ്രൊഡക്ഷൻസും എസ് ക്യൂബ് ഫിലിംസുമാണ്‌ ചിത്രം പ്രദർശനത്തിനെത്തിക്കുന്നത്. കേ രളത്തിൽൽ പരം സ്ക്രീനുകളിൽ ദർബാർ റിലീസ് ചെയ്യുമെന്നാണ് സൂചന.
# സി. കെ. അജയ് കുമാർ, പി ആർ ഒ