എറണാകുളം മഹാരാജാസ് കോളേജിലെ എസ്എഫ്ഐ നേതാവ് അഭിമന്യുവിന്റെ കൊലപാതകത്തെക്കുറിച്ച് തന്റെ ഫെയ്സ്ബുക്കില് ചിന്താ ജെറോമിന്റെ കുറിപ്പിനെതിരെ സോഷ്യല് മീഡിയയിൽ വ്യാപക വിമര്ശനങ്ങള്ക്ക് ഇടയാക്കിയിരുന്നു . ഇടതുപക്ഷ അനുഭാവികള് തന്നെ ഇതിനെതിരെ രംഗത്ത് വന്നിരുന്നു . ഇപ്പോൾ മുന് എംഎല്എ സൈമണ് ബ്രിട്ടോ യുടെ ഭാര്യ സീന ഭാസ്കര് ഇതിനെതിരെ തന്റെ ഫേസ്ബുക്കിൽ പ്രതികരിച്ചിരിക്കുകയാണ് .
” അധികാരം മനുഷ്യനെ മദി ചിത്തനാക്കും. സ്വന്തം സഖാവ് പിടഞ്ഞ് വീണ് നിശ്ചലനാവുമ്പോൾ ഒറ്റപ്പെട്ട സംഭവത്തിലെ ഒരു സഹോദരനാകും…
കാരണം അവർ ചവിട്ടിക്കായറാനുള്ള പടവുകൾ തീർക്കുന്ന തിരക്കിലാണ്…
രക്തസാക്ഷികളും സഖാക്കളും ” ഉയരുപതാ കെ പാറുപതാകെ വാനിലുയർന്ന് പാറുപതാകെ ” എന്ന് ചങ്കു പൊട്ടി വിളിക്കുമ്പോൾ ഇവർ സ്വപ്ന ലോകത്തിലേയ്ക്ക് മറഞ്ഞ് സ്വന്തം ഉയർച്ച…
ഉയരും ഞാൻ…. പടരും ഞാൻ നാടാകെ…
പക്ഷേ ഈ പടർച്ച ഒരു അർബുദമാണെന്ന തിരിച്ചറിവ് കൂടെയുള്ളവർക്കുണ്ട്… ഇവരെ ഉയർത്തിയവർക്ക് തിരിച്ചറിയാനാവും…
സമൂഹത്തെ കടന്നു പിടിച്ചിരിക്കുന്ന അർബുദങ്ങളെ ഭേദമാക്കാൻ സമയമതിക്രമിച്ചിരിയ്ക്കുന്നു…
” Come and see blood on the Street ” എന്ന് പാടിയ നെരൂദയ്ക്ക് ചിന്ത ഭാഷയിൽ ഇപ്പോൾ ഭ്രാന്താണൊ???
ശ്രീമതി. ചിന്താ ജറോമിനും, സിന്ധു ജോയിക്കും നമോവാകം… ”
