സംസ്ഥാനത്ത് ഇന്നു മുതൽ രണ്ടാഴ്‌ച്ചത്തേക്ക് രാത്രികാല കർഫ്യൂ; പൊതുഗതാഗതത്തിന് നിയന്ത്രണമില്ല

കോവിഡ് രണ്ടാംതരംഗത്തിന്റെ പ്രതിരോധപ്രവർത്തനങ്ങളുടെ ഭാഗമായി സംസ്ഥാനത്ത് ചൊവ്വാഴ്ച്ച മുതൽ രണ്ടാഴ്‌ച്ചത്തേക്ക് രാത്രികാല കർഫ്യൂ ഏർപ്പെടുത്തും. രാത്രി ഒൻപതു മുതൽ രാവിലെ ആറുമണിവരെയാണ് കർഫ്യു. ചീഫ് സെക്രട്ടറിയുടെ നേതൃത്വത്തിൽ ചേർന്ന യോഗത്തിലാണ് തീരുമാനം. പൊതുഗതാഗതത്തിന് നിരോധനമില്ല. പരിപൂർണ അടച്ചുപൂട്ടലില്ല. അവശ്യ സർവീസുകളെ നിയന്ത്രണത്തിൽ നിന്ന് ഒഴിവാക്കും. സാധ്യമായ ഇടങ്ങളിൽ വർക് ഫ്രം ഹോം നടപ്പാക്കും. വിദ്യാർഥികളുടെ സ്വകാര്യ ട്യൂഷൻ ഒഴിവാക്കും, ഓൺലൈൻ ക്ലാസുകൾ മാത്രമേ ഉണ്ടാകൂ.

English Summary : Night curfew in the state for two weeks from today; There are no restrictions on public transportation