ലോകം മുഴുവന്‍ കൊറോണ ഭീതിയിലാണ്ടിരിക്കുമ്പോള്‍ എല്ലാവരും സ്വയം പ്രതിരോധത്തിലാണ്. വിദേശത്തുനിന്ന് തിരിച്ചെത്തിയ
നടി മംമ്ത മോഹന്‍ദാസും സെല്‍ഫ് ക്വാറെൈന്റനിലാണ്.
കൃത്യമായ മുന്‍കരുതല്‍ എടുക്കണമെന്ന് പ്രേക്ഷകരെ ഓര്‍മിപ്പിക്കുകയാണ് താരമിപ്പോള്‍. രോഗ ലക്ഷണങ്ങള്‍ ഇല്ലെങ്കിലും വിദേശയാത്ര കഴിഞ്ഞ് 14 ദിവസം എങ്കിലും നിര്‍ബന്ധമായും ഹോം ഐസലോഷനില്‍ കഴിയണമെന്ന നിര്‍ദ്ദേശത്തെത്തുടര്‍ന്ന് താരം ഇപ്പോള്‍ കൊച്ചിയിലെ വീട്ടിലാണ്. യുഎസിലെ ലോസഞ്ചല്‍സ് നിന്ന് 17 നാണ് താരം കൊച്ചിയില്‍ എത്തിയത്.
ഇന്‍സ്റ്റഗ്രാമില്‍ ലൂടെയാണ് മംമ്ത ചിത്രങ്ങള്‍ പുറത്ത് വിട്ടിരിക്കുന്നത്. നിരവധി പേരാണ് താരത്തിനെ പ്രശംസിച്ച് എത്തിയിരിക്കുന്നത്. മമ്മൂട്ടി നായകനായെത്തിയ ബിഗ്ബി സിനിമയുടെ രണ്ടാം ഭാഗമായ ബിലാലിന്റെ ഷൂട്ടിംഗിനായാണ് താരം കൊച്ചിയില്‍ എത്തിയത്. ഈ മാസം 21നാണ് ഷൂട്ടിംഗ് ആരംഭിക്കാനിരുന്നത്. പ്രൊഡക്ഷന്‍ വര്‍ക്കുകള്‍ ആയി ബന്ധപ്പെട്ട ചര്‍ച്ചകള്‍ ഫോണിലൂടെ നടക്കുകയാണെന്നും സോഷ്യല്‍ മീഡിയയില്‍ മാസ്‌ക് ധരിച്ച് ചിത്രം പങ്കു വെച്ച് താരം എഴുതി. ചിത്രം ഇതിനോടകം സോഷ്യല്‍ മീഡിയയില്‍ വൈറലാണ്.