തിയേറ്ററുകളില്‍ വമ്പന്‍ ഹിറ്റായ ചിത്രമാണ് തണ്ണീര്‍മത്തന്‍ ദിനങ്ങള്‍. ചിത്രത്തിലൂടെ ഏറെ പ്രതീക്ഷയുണര്‍ത്തുന്ന നിരവധി താരങ്ങളെയാണ് മലയാള സിനിമയ്ക്ക് ലഭിച്ചത്. തണ്ണീര്‍ മത്തന്‍ ദിനങ്ങളിലെ സ്റ്റെഫി എന്ന ശക്തമായ കഥാപാത്രത്തെ അവതരിപ്പിച്ച് ശ്രദ്ധേയയായ നടിയാണ് ഗോപിക രമേഷ്. ഗോപികയുടെ പുത്തന്‍ ഫോട്ടോഷൂട്ട് ചിത്രങ്ങള്‍ സോഷ്യല്‍ മീഡിയയില്‍ വൈറലാകുകയാണ്.
തണ്ണീര്‍ മത്തന്‍ ദിനങ്ങളില്‍ ജെയ്സണ് കീര്‍ത്തിയെ ഒഴിവാക്കിയാലോ എന്ന് ആലോചിക്കുന്ന സമയത്ത് ലൈന്‍ വലിക്കാന്‍ നോക്കുന്ന പെണ്‍കുട്ടിയായാണ് ഗോപിക ചിത്രത്തിലെത്തിയത്. തണ്ണീര്‍ മത്തനില്‍ താരം ഒരു മൂളലിലൂടെയാണ് പ്രേക്ഷകര്‍ ഓര്‍മ്മിക്കപ്പെടുന്നത്. തണ്ണീര്‍ മത്തന്‍ ദിനങ്ങള്‍ ഗോപികയുടെ ആദ്യ സിനിമയായിരുന്നു. ചിത്രമിറങ്ങിയ ശേഷം ഇന്‍സ്റ്റാഗ്രാമില്‍ നിരവധി ഫോളോവേഴ്സാണ് താരത്തിന് ലഭിച്ചിരിക്കുന്നത്.
തണ്ണീര്‍മത്തന്‍ ദിനങ്ങളില്‍ ജെയ്സണ് എന്ന കഥാപാത്രത്തെ അവതരിപ്പിച്ച മാത്യു ഗോപിക അവതരിപ്പിച്ച സ്റ്റെഫി എന്ന കഥാപാത്രത്തെകുറിച്ച് പറയുന്നത് അവള്‍ക്കൊരു വികാരവും ഇല്ലെന്നേ… എന്ത് ചോദിച്ചാലും ഉം ഉം എന്ന് മൂളിക്കൊണ്ടിരിക്കും എന്നാണ്. ചിത്രത്തില്‍ ഗോപിക വളരെ കുറച്ച് സീനുകളില്‍ മാത്രമേ അഭിയനിച്ചിട്ടുള്ളൂ, എങ്കിലും സ്റ്റെഫി എന്ന കഥാപാത്രം ചിത്രമിറങ്ങിയ ശേഷം ട്രോളുകളിലെ നിറസാന്നിധ്യമായിരുന്നു.