By admin 
വാടക കുടിശ്ശികയില് വീഴ്ച വരുത്തിയതിനെത്തുടര്ന്ന് ബോളിവുഡ് താരം മല്ലിക ഷെരാവത്തിനെയും കാമുകനെയും പാരിസിലെ ആഡംബര ഫ്ളാറ്റില് നിന്നും കുടിയിറക്കാന് ഫ്രഞ്ച് കോടതി ഉത്തരവിട്ടതായി റിപ്പോർട്ട്. ഡിസംബര് 14 ന് മുന്പ് അപ്പാര്ട്മെന്റ് ഒഴിഞ്ഞുകൊടുക്കണമെന്നും കുടിശ്ശിക തുക നല്കണമെന്നും കോടതി ഉത്തരവിട്ടിരുന്നു.
ഫ്ലാറ്റിന്റെ കുടിശ്ശികയായി 78787 യൂറോ ഏകദേശം 64 ലക്ഷം ഇന്ത്യന് രൂപ നല്കാണുന്നെണ്ടെന്ന വീട്ടുടമസ്ഥന്റെ പാരാതിയിലാണ് കോടതി ഉത്തരവ്. കഴിഞ്ഞ വര്ഷം ജനുവരിയിലാണ് ഇരുവരും ചേര്ന്ന് 6054 യൂറോ ഏകദേശം 4 ലക്ഷത്തി അറുപതിനായിരം രൂപ മാസവാടയ്ക്ക് പാരിസിലെ ഫ്ളാറ്റില് താമസമാരംഭിച്ചത്. എന്നാല് ഒരു വര്ഷത്തിനിടെ വാടകയിനത്തില് വെറും 2715 യൂറോ മാത്രമാണ് മല്ലിക നൽകിയത്. തുടര്ന്ന് വീട്ടുടമസ്ഥൻ കോടതിയില് കേസ് ഫയല് ചെയ്യുകയായിരുന്നു.
എന്നാൽ മാധ്യമങ്ങളിൽ വന്ന വാർത്ത മല്ലിക ഷെരാവത്ത് നിഷേധിച്ചു. തന്റെ പേരിൽ മറ്റാരെങ്കിലുമായിരിക്കാം അപ്പാർട്മെന്റ് എടുത്തതെന്നും തനിക്ക് അത്തരത്തിലുള്ള അപ്പാര്ട്മെന്റ് പാരിസിലില്ലെന്നായിരുന്നു മല്ലിക പറഞ്ഞു.