കിൻഫ്ര പാർക്കിൽ ആരംഭിക്കാൻ അനുമതി ലഭിച്ച ബ്രൂവറിയുടെ മേൽവിലാസം വ്യാജം. പവര് ഇന്ഫ്രാ ടെക്കിന്റെ വിലാസത്തില് ഒരു സ്ഥാപനം പ്രവര്ത്തിക്കുന്നില്ലെന്ന് കണ്ടെത്തല്. ഡല്ഹിയില് അരുണാചല് മുന് മുഖ്യമന്ത്രി മുകുട് മിതിയുടെ വീടിന്റെ വിലാസമാണ് കമ്പനി നൽകിയിരിക്കുന്നത്. പതിനഞ്ചു വർഷത്തിനിടെ കമ്പനി ഈ വിലാസത്തിൽ പ്രവർത്തിച്ചിട്ടില്ല എന്ന് സെക്യൂരിറ്റി.
ഡി-954 സെക്കന്ഡ് ഫ്ളോര് ന്യൂഫ്രണ്ട്സ് കോളനി, ഡല്ഹി എന്നാണ് പവര് ഇന്ഫ്രാ ടെക് കമ്പനിയുടെ രജിസ്ട്രേഡ് മേല്വിലാസം. കമ്പനിയുടെ വെബ്സൈറ്റിലും ഈ വിലാസമുണ്ട് കമ്പനി എങ്ങനെ ഈ വിലാസം ഉപയോഗിച്ചു എന്നറിയില്ലെന്ന് മുകുട് മിതിയുടെ ഓഫീസ്.
