നടനും സംവിധായകനുമായ വിഷ്ണു ജി രാഘവ് സംവിധാനം ചെയ്യുന്ന “വാശി”യുടെ റിലീസ് പ്രഖ്യാപിച്ചു.
ടൊവിനോ തോമസ്, കീർത്തി സുരേഷ് എന്നിവർ കേന്ദ്ര കഥാപാത്രങ്ങളാകുന്ന ചിത്രം ജൂൺ 17 ന് തീയറ്ററുകളിൽ എത്തും. ടൊവിനോയും കീര്ത്തിയും ആദ്യമായി ഒന്നിക്കുന്ന ചിത്രംകൂടിയാണ് ഇത്.
അഡ്വ എബിൻ, അഡ്വ മാധവി എന്നീ കഥാപാത്രങ്ങളെയാണ് ടൊവിനോയും കീർത്തിയും ചിത്രത്തിൽ അവതരിപ്പിക്കുന്നത്.
ചലച്ചിത്ര നിര്മ്മാണ കമ്പനിയായ രേവതി കലാമന്ദിറിന്റെ ബാനറില് ജി സുരേഷ് കുമാറാണ് ചിത്രം നിര്മ്മിക്കുന്നത്. അച്ഛന് പ്രൊഡ്യൂസ് ചെയ്യുന്ന സിനിമയില് മകളായ കീര്ത്തി നായികയാകുന്നു എന്ന പ്രത്യേകതയും സിനിമയ്ക്കുണ്ട്. മേനക സുരേഷ്, രേവതി സുരേഷ് എന്നിവരാണ് സഹനിര്മ്മാതാക്കള്. ജാനിസ് ചാക്കോ സൈമണ് കഥയെഴുതുന്ന ചിത്രത്തിന്റെ തിരക്കഥ നിര്വഹിക്കുന്നത് സംവിധായകന് വിഷ്ണു ജി രാഘവ് തന്നെയാണ്.
English Summary : Vaashi release on June 17th
