ഏതൊരു നടന്റെയും നിലനിൽപ് ആരാധകരുടെ സ്നേഹമാണ്. സിനിമ പ്രേമികളുടെ സിനിമയോടുള്ള നല്ല കഥാപാത്രങ്ങളോടുള്ള അടങ്ങാത്ത ആവേശമാണ് സിനിമയുടെ വിജയം. മോഹൻലാലിൻറെ ആരാധകരുടെ കഥ പറയുന്ന ചിത്രം തിയേറ്ററിൽ നിറഞ്ഞോടുമ്പോൾ ദിലീപ് ആരാധകർക്കും സന്തോഷിക്കാൻ ഒരു ചിത്രം വരുന്നു.
ജനപ്രിയ നടൻ ദിലീപിന്റെ ആരാധകന്റെ കഥ പറയുന്ന ചിത്രമാണ് “ഷിബു”. ഗോകുലും അർജുനും ചേർന്നാണ് സിനിമ സംവിധാനം ചെയ്യുന്നത്. ദിലീപിന്റെ കടുത്ത ആരാധകനും സിനിമ പ്രേമിയുമായ യുവാവിന്റെ കഥയാണ് ഷിബു. പുതുമുഖം കാർത്തിക് രാമകൃഷ്ണനാണ് ചിത്രത്തിലെ നായകൻ.
