തിരുവനന്തപുരം : സംസ്ഥാനത്ത് റെക്കോഡ് നിരക്കിൽ പെട്രോൾ, ഡീസൽ വില. ഇന്ന് പത്ത് പൈസ കൂടി തിരുവനന്തപുരത്ത് പെട്രോൾ ലിറ്ററിന് വില 78.47 രൂപയിലെത്തി. ഡീസലിന് ലിറ്ററിന് 71.33 രൂപയാണ്. 2013ന് ശേഷമുള്ള ഏറ്റവും ഉയർന്ന നിരക്കാണിത്.
രാജ്യാന്തര തലത്തിൽ അസംസ്കൃത എണ്ണവില ഉയരുന്നതാണ് വിലക്കയറ്റത്തിന് കാരണം. കഴിഞ്ഞവർഷം ജൂലൈ ഒന്നിനാണ് പെട്രോൾ, ഡീസൽ വിലകൾ പ്രതിദിനം മാറ്റാൻ ആരംഭിച്ചത്. പ്രതിദിനം വില മാറ്റിത്തുടങ്ങിയതിനുശേഷം ഡീസൽ, പെട്രോൾ വില കുതിച്ചുയരുകയാണ്.
