ലോക് ഡൗണ്‍ കാലവും സോഷ്യല്‍ മീഡിയയില്‍ ആക്ടീവായിരുന്ന താരമാണ് മോഹന്‍ലാല്‍. പുതിയ വിശേഷങ്ങളും ചിത്രങ്ങളുമെല്ലാം പങ്കുവെച്ച് താരം എത്തിയിരുന്നു. പാചക പരീക്ഷണങ്ങളും വായനയുമൊക്കെയായി ഒഴിവു സമയങ്ങള്‍ ഫലപ്രദമായി ഉപയോഗിക്കുകയാണ് താരം.
ലോക്ക്ഡൗണ്‍ കാലം ചെന്നൈയിലെ വീട്ടില്‍ കുടുംബത്തിനൊപ്പാണ് ചെലവഴിക്കുന്നത്. ഇത്തവണ വളര്‍ത്തുനായ ബെയിലിക്കൊപ്പമുളള ചിത്രങ്ങളാണ് ലാലേട്ടന്‍ സോഷ്യല്‍ മീഡിയയില്‍ പോസ്റ്റ് ചെയ്തിരിക്കുന്നത്. ബെയ്ലിയെ സ്‌നേഹപൂര്‍വ്വം ചേര്‍ത്തു പിടിച്ചു കൊണ്ടുള്ള ചിത്രങ്ങള്‍ ആരുടെയും ശ്രദ്ധ കവരും.
ചിത്രങ്ങള്‍ പുറത്തിറങ്ങി നിമിഷ നേരങ്ങള്‍ക്കുളളിലാണ് അത് സമൂഹ മാധ്യമങ്ങളില്‍ തരംഗമായിരിക്കുന്നത്. പിന്നാലെ ലൈക്കും കമന്റുകളുമായി ആരാധകരും എത്തിയിരുന്നു. ലോക് ഡൗണ്‍ കാലത്തെ മോഹന്‍ലാലിന്റെ താടി ലുക്കും നേരത്തെ സോഷ്യല്‍ മീഡിയയില്‍ വൈറലായിരുന്നു. താടി കൂടുതല്‍ നീട്ടിക്കൊണ്ടുളള ലുക്കിലാണ് പിറന്നാള്‍ ദിനത്തിലും അദ്ദേഹത്തെ എല്ലാവരും കണ്ടത്.