ഓ.ടി.ടി. റിലീസ് ചെയ്ത് മണിക്കൂറുകള്ക്കകം പ്രേക്ഷക പ്രശംസ പിടിച്ചുപറ്റിയ ചിത്രമാണ് ജീത്തു ജോസഫ് സംവിധാനം ചെയ്ത് മോഹന്ലാല് നായകനായ ദൃശ്യം 2. റിലീസായി മണിക്കൂറുകള്ക്കുള്ളില് വ്യാജപതിപ്പ് ടെലഗ്രാമില് വന്നതും വാര്ത്തയായിരുന്നു. സീക്വലിലെ ആദ്യ ചിത്രം പല ഭാഷകളിലായി റീമേക്ക് ചെയ്യപ്പെട്ടിരുന്നു. അതില് മിക്കവയും വലിയ വിജയവും ആയിരുന്നു.
ആദ്യ ഭാഗത്തെപ്പോലെ തന്നെ രണ്ടാം ഭാഗവും വന് വിജയമാകുന്നു. റിലീസായി ഇരുപത്തിനാല് മണിക്കൂറുകള് തികയുന്നതിന് മുന്നേ അണിയറ പ്രവര്ത്തകരില് നിന്ന് ഇപ്പോള് പുറത്തുവരുന്നത് മറ്റൊരു വാര്ത്തയാണ്.
ചിത്രം തെലുങ്കിലേക്ക് റീമേക്ക് ചെയ്യുന്നു. ദൃശ്യത്തിന്റെ ആദ്യഭാഗം തെലുങ്കില് റീമേക്ക് ചെയ്തപ്പോള് വെങ്കിടേഷാണ് നായകനായി എത്തിയത്. രണ്ടാം ഭാഗത്തിലും വെങ്കിടേഷ് തന്നെയാവും നായകനായി എത്തുന്നത്. ആദ്യ ഭാഗത്തില് നായികയായി അഭിനയിച്ച മീന രണ്ടാം ഭാഗത്തിലും അഭിനയിക്കും. മലയാളത്തില് ആശാ ശരത് ചെയ്ത വേഷം തെലുങ്കില് നദിയ മൊയ്തുവാണ് ചെയ്തത്.
ചിത്രത്തിന്റെ ആദ്യ ഭാഗം സംവിധാനം ചെയ്തത് നടി ശ്രീപ്രിയയായിരുന്നു. ആന്റണി പെരുമ്ബാവൂര് നിര്മ്മിക്കുന്ന രണ്ടാം ഭാഗത്തിന്റെ സംവിധാനം ജീത്തു ജോസഫ് തന്നെ നിര്വ്വഹിക്കും.
English Summary : George Kutty returns to Telugu