ബിഗ്സ്‌ക്രീനിലും മിനി സ്‌ക്രീനിലും ഒരുപോലെ തിളങ്ങിയ താരമാണ് ധന്യ മേരി വര്‍ഗീസ്. സിനിമയില്‍ കത്തി നിന്നിരുന്ന സമയത്തായിരുന്നു ധന്യ- ജോണ്‍ വിവാഹം. ഇതിനെ തുടര്‍ന്ന് അഭിനയ രംഗത്തില്‍ നിന്ന് താരം വിട്ടു നില്‍ക്കുകയായിരുന്നു. ചെറിയ ഇടവേളയ്ക്ക് ശേഷം താരം മടങ്ങി എത്തിയിരിക്കുകയാണ്. ഇപ്പോഴിതാ ജീവിതത്തില്‍ നേരിടേണ്ടി വന്ന വെല്ലുവിളികളെ കുറിച്ച് വെളിപ്പെടുത്തുകയാണ് താരം. പ്രതീക്ഷിക്കാത്ത സമയത്താണ് തങ്ങളെ തേടി ഓരോ പ്രശ്നങ്ങള്‍ വന്നെത്തിയത്. ശരിക്കും ഒറ്റപ്പെട്ട അവസ്ഥയായിരുന്നു. ജീവിതത്തില്‍ ഇത്രയധികം പ്രതിസന്ധികള്‍ ഉണ്ടായപ്പോള്‍ ആത്മഹത്യയെ കുറിച്ച് രണ്ടു പേരും മാറി മാറി ചിന്തിച്ചിരുന്നു. ഒന്ന് ഉറങ്ങി എഴുന്നേല്‍ക്കുമ്പോഴേയ്ക്കും സ്വപ്നത്തില്‍ പോലും വിചാരിക്കാത്ത പല പ്രശ്നങ്ങളാണ് ജീവിതത്തില്‍ നടന്നത്- ധന്യ പറഞ്ഞു.
ആ സമയത്ത് ഒന്നിച്ചു നില്‍ക്കാന്‍ ദൈവം എന്നേയും ജോണിനേയും അനുഗ്രഹിച്ചു. പിന്നെ ഞങ്ങള്‍ നന്നായി പ്രാര്‍ഥിക്കുമായിരുന്നു. ഞങ്ങള്‍ക്ക് പരസ്പരം പിന്തുണയ്ക്കാന്‍ സാധിച്ചു. എനിക്ക് പുള്ളിയെ മനസ്സിലാക്കാന്‍ പറ്റി, അതുപോലെ അദ്ദേഹം എന്റെ വിഷമങ്ങളും മനസ്സിലാക്കി. മറ്റ് എല്ലാവരേക്കാലും കൂടുതല്‍ അദ്ദേഹത്തിന് പിന്തുണ നല്‍കാന്‍ തനിയ്ക്ക് സാധിച്ചു. ആ സമയം ശരിക്കും ഞങ്ങള്‍ മാത്രമായി ചുരുങ്ങുകയായിരുന്നു. ശരിക്കും ആ ഒരു അവസ്ഥ അനുഭവിക്കുന്നത് ഒരു അനുഗ്രഹം തന്നെയാണ്. നമ്മള്‍ കൂടുതല്‍ ശക്തരാകും. നമ്മള്‍ ഒരു മീഡിയ പേഴ്സണ്‍സാണ്. എന്താണ് നാളെ വരാന്‍ പോകുന്നതെന്നോ, അല്ലെങ്കില്‍ എന്താണ് ഇപ്പോള്‍ സംഭവിക്കുന്നതെന്നോ ചിന്തിക്കുന്നില്ല. നാളെ പുറത്തിറങ്ങി കഴിഞ്ഞാല്‍ എങ്ങനെ ആളുകളുടെ മുഖത്ത് നോക്കുമെന്ന് ചിന്തിക്കും. ഞാന്‍ ഇതൊക്കെ എന്റെ ജീവിതത്തില്‍ നേരിട്ടതാണ്. ജീവിതത്തില്‍ ഒരിക്കലും കരയില്ലെന്നും ധന്യ പറഞ്ഞു. ആ അവസ്ഥയൊക്കെ കഴിഞ്ഞു പോയതാണ്. അതൊക്കെ മറി കടന്നാണ് ഇവിടെ എത്തി നില്‍ക്കുന്നതെന്നും ധന്യ പറഞ്ഞു.