നടന് ബാലു വര്ഗീസിന്റെയും നടിയും മോഡലുമായ എലീന കാതറിന്റെയും വിവാഹ നിശ്ചയം കഴിഞ്ഞു. കൊച്ചിയില് നടന്ന വിവാഹ നിശ്ചയ ചടങ്ങില് അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. ഏറെ നാാളത്തെ പ്രണയത്തിനുശേഷമാണ് ബാലുവും എലീനയും വിവാഹിതരാകുന്നത്.
എലീനയുടെ പിറന്നാള് ദിനത്തിലാണ് ബാലു വിവാഹ അഭ്യര്ത്ഥന നടത്തിയത്. ഇക്കാര്യം എലീന തന്റെ ഇന്സ്റ്റഗ്രാം പേജിലൂടെ അറിയിച്ചതോടെയാണ് ഇരുവരും പ്രണയത്തിലാണെന്ന വിവരം ആരാധകര് അറിയുന്നത്. നടനും സംവിധായകനുമായ ലാലിന്റെ സഹോദരി പുത്രനാണ് ബാലു വര്ഗീസ്. ലാലും ആസിഫ് അലിയും കുടുംബ സമേതമാണ് ചടങ്ങിനെത്തിയത്.
ദിലീപ് നായകനായ ചാന്ത്പൊട്ടില് ഇന്ദ്രജിത്തിന്റെ ചെറുപ്പകാലം അഭിനയിച്ചാണ് ബാലു വര്ഗീസ് സിനിമയിലേക്കെത്തുന്നത്. ഹണി ബീ, കിങ് ലയര്, വിജയ് സൂപ്പറും പൗര്ണമിയും, ഇതിഹാസ തുടങ്ങി നിരവധി സിനിമകളില് അഭിനയിച്ചിട്ടുണ്ട്
