തനിക്ക് കിട്ടിയ കഥാപത്രങ്ങളെല്ലാം മനോഹരമായി അവതരിപ്പിച്ച് കൈയടി നേടിയ നടിയാണ് ഐശ്വര്യലക്ഷ്മി. അഭിനയിച്ച സിനിമകള്‍ എല്ലാം വിജയം. ഏതു തരം കഥാപാത്രത്തേയും അഭിനയിച്ചു ഫലിപ്പിക്കും. ഇതൊക്കെയാണ് മലയാളികള്‍ക്ക് ഐശ്വര്യലക്ഷ്മിയെപ്പറ്റി പറയാനുണ്ടാവുക. എന്നാല്‍ ഇപ്പോള്‍ താരത്തിന്റെ ഫോട്ടോ ഷൂട്ടാണ് ചര്‍ച്ചാവിഷയം.
ഹോട്ട് ലുക്കിലാണ് ഐശ്വര്യ ചിത്രങ്ങളിലെത്തിയിരിക്കുന്നത്. തനിക്ക് ചിന്തിക്കാന്‍ പോലും കഴിയാത്ത വസ്ത്രങ്ങളാണെന്നും എന്നാല്‍ പിന്നെ ഇഷ്ടമാവുകയായിരുന്നുവെന്നും താരം പറയുന്നു.
ചിത്രത്തിന് രസകരമായ കമന്റുകളാണ് ആരാധകര്‍ നല്‍കുന്നതും.
ഇപ്പോള്‍ തമിഴിലും തന്റെ സാന്നിദ്ധ്യം അറിയിച്ചിരിക്കുകയാണ് ഐശ്വര്യ. വിശാല്‍ ചിത്രം ആക്ഷനായിരുന്നു ഐശ്വര്യയുടെ തമിഴ് അരങ്ങേറ്റ ചിത്രം. മണിരത്നത്തിന്റെ ബ്രഹ്മാണ്ഡ ചിത്രമായ പൊന്നിയിന്‍ സെല്‍വനിലാണ് ഐശ്വര്യ ഇപ്പോള്‍ അഭിനയിച്ചു കൊണ്ടിരിക്കുന്നത്.