‘ആകാശ് സെൻ ‘ നായകനാകുന്ന ‘അറ്റ് (At)’ എന്ന ചിത്രത്തിന്റെ പുതിയ പോസ്റ്റർ പുറത്തിറങ്ങിയിരിക്കുന്നു. ‘ദ ഹണ്ട് ഈസ് ഓൺ ‘ എന്നക്യാപ്ഷനും, വാളുമായി നിൽക്കുന്ന ആകാശുമാണ് പോസ്റ്ററിലുള്ളത്. ഹിറ്റ് ചിത്രങ്ങളുടെ എഡിറ്റർ ആയിരുന്ന ഡോൺ മാക്സ് ഒരിടവേളക്ക് ശേഷം സംവിധാനം ചെയ്യുന്ന ചിത്രമാണ് അറ്റ്. ഇന്റർനെറ്റിലെ ഡാർക്ക് വെബിന്റെ പശ്ചാത്തലത്തിലാണ് ചിത്രത്തിന്റെ കഥാ പറയുന്നത്. മലയാളത്തിനു അത്ര പരിചിതമല്ലാത്ത ടെക്നോ ത്രില്ലർ ചിത്രം കൂടി.
ചിത്രത്തിന്റെ നേരത്തെ ഇറങ്ങിയ പോസ്റ്ററുകളും ടീസറും വളരെ ശ്രദ്ധനേടിയിരുന്നു. പത്തു കല്പനകൾ എന്ന ചിത്രത്തിന് ശേഷം ഡോൺ മാക്സ് സംവിധാനം ചെയുന്ന ചിത്രം നിർമ്മിക്കുന്നത് കൊച്ചുറാണി പ്രൊഡക്ഷൻസാണ്. ഇന്ത്യയിൽ ആദ്യമായി റെഡ് വി റാപ്റ്റർ ക്യാമറയിൽ പൂർണമായി ചിത്രികരീച്ച ആദ്യ ഇന്ത്യൻ ചിത്രമെന്ന ഖ്യാതിയും അറ്റിനുണ്ട്.
റേച്ചൽ ഡേവിഡ്, ശരൺജിത്ത്, സഞ്ജന ദോസ്, നയന എൽസ, ആരാധ്യ ലക്ഷ്മൺ, ബിബിൻ പെരുബള്ളി, സുജിത് രാജ് എന്നിവർ മറ്റു കഥാപാത്രങ്ങളായി അവതരിപ്പിക്കുന്നു. പ്രൊഡക്ഷൻ കൺട്രോളർ പ്രശാന്ത് നാരായണൻ, ചിത്രത്തിന്റെ സംഗീതം ഹുമറും, ഷാജഹാനും ചേർന്നാണ്.
