പത്തനംതിട്ട: കാമുകിയെ ഇംപ്രസ് ചെയ്യനായായി അപകമുണ്ടാക്കി രക്ഷകനായി എത്തിയ കാമുകൻ അറസ്റ്റിൽ. അപകടമുണ്ടാക്കിയ ശേഷം രക്ഷകനായി പ്രത്യക്ഷപ്പെടുകയെന്ന തലതിരഞ്ഞ പദ്ധതി നടപ്പാക്കി കാമുകനും സുഹൃത്തുമാണ് കുടുങ്ങിയത്. യുവതിയെ കാറിടിപ്പിച്ച് വീഴ്ത്തിയ ശേഷം കാമുകൻ രക്ഷകനായെത്തുന്ന പദ്ധതിയാണ് ഇരുവരും ചേർന്ന് നടപ്പാക്കിയത്. സംഭവത്തിൽ പത്തനംതിട്ട സ്വദേശി രഞ്ജിത്ത് രാജൻ സുഹൃത്ത് അജാസ് എന്നിവരെ പൊലീസ് അറസ്റ്റുചെയ്തു. സിനിമാക്കഥകളെ പോലും വെല്ലുന്നതായിരുന്നു ഇവരുടെ ​പദ്ധതി.

സ്കൂട്ടറിൽ സഞ്ചരിക്കവേ പിറകിലൂടെ കാറിലെത്തിയ അജാസ് യുവതിയെ അപകടപ്പെടുത്തി. അപകടം നടന്നയുടനെ സ്ഥലത്തെത്തിയ രഞ്ജിത്ത് രാജൻ യുവതിയെ ആശുപത്രിയിൽ എത്തിച്ചു. സംഭവത്തിൽ സംശയം തോന്നിയ യുവതി ഇക്കാര്യം പൊലീസിനോട് വെളിപ്പെടുത്തി. തുടർന്ന് സിസിടിവി ദൃശ്യങ്ങളും ഫോൺ രേഖകളും ശേഖരിച്ച പൊലീസ് പ്രതികളെ ചോദ്യംചെയ്തു. ചോദ്യം ചെയ്യലിൽ രഞ്ജിത്ത് കുറ്റം സമ്മതിക്കുകയും ചെയ്തു.

യുവതിയുമായുള്ള പിണക്കം മാറ്റാനും കുടുംബവുമായി കൂടുതൽ ബന്ധം സ്ഥാപിക്കാനുമായിരുന്നു രഞ്ജിത്തിന്റെ സാഹസം. ഇതുവഴി യുവതിയെ വിവാഹം കഴിക്കാമെന്നും ഇയാൾ പദ്ധതിയിട്ടു. ഡിസംബർ 23-നാണ് രഞ്ജിത്തും അജാസും ചേർന്ന് അപകടം ആസൂത്രണം ചെയ്ത് പദ്ധതി നടപ്പാക്കിയത്. വാഴമുട്ടം ഈസ്റ്റിൽവെച്ചാണ് യുവതിയുടെ സ്കൂട്ടറിൽ അജാസ് കാറിടിപ്പിച്ചത്.

അപകടത്തിന് പിന്നാലെ രക്ഷകനായി അഭിനയിച്ച് സംഭവസ്ഥലത്ത് എത്തിയ രഞ്ജിത്ത് യുവതി തന്റെ ഭാര്യയെന്നാണ് നാട്ടുകാരോട് പറഞ്ഞത്. തുടർന്ന് യുവതിയെ കാറിൽ കയറ്റി രഞ്ജിത്ത് കോന്നിയിലെ ആശുപത്രിയിലേക്ക് കൊണ്ടുപോകുകയും ചെയ്തു. യുവതിക്ക് സാരമായ പരുക്കുണ്ട്. വലതുകൈക്കുഴ തെറ്റിയിട്ടുണ്ട്. സംഭവത്തിൽ വധശ്രമം അടക്കമുള്ള വകുപ്പുകൾ ചുമത്തി പൊലീസ് കേസെടുത്തു.

കൊച്ചി: ലൈം​ഗികാരോപണക്കേസിൽ രാഹുലിന്റെ അറസ്റ്റ് തടഞ്ഞ നടപടി ഹൈക്കോടതി ഈ മാസം 21 വരെ നീട്ടി. അതേസമയം കേസിൽ രാഹുൽ മാങ്കൂട്ടത്തിൽ നൽകിയ മുൻകൂർ ജാമ്യ ഹർജിയിൽ പരാതിക്കാരിക്കും കക്ഷി ചേരാൻ ഹൈക്കോടതി അനുമതി നൽകിയിട്ടുണ്ട്. ജസ്റ്റിസ് എ ബദറുദ്ദീൻ ആണ് പരാതിക്കാരിയെ കേസിൽ കക്ഷി ചെരാൻ അനുവദിച്ചത്.

രാഹുലിന് ജാമ്യം അനുവദിക്കുന്നത് തന്റെ ജീവന് അപകടമാണെന്ന് പരാതിക്കാരി അറിയിച്ചു. രാഹുലിന്‍റെ അനുയായികൾ ഇപ്പോൾ തന്നെ തനിക്കെതിരെ സൈബർ ആക്രമണം നടത്തുന്നുവെന്നും പരാതിക്കാരി ആരോപിക്കുന്നു. നേരത്തെ രാഹുലിനെതിരെ ഉളള കേസിൽ തിരുവനന്തപുരം ജില്ലാ കോടതി രാഹുലിന്റെ ജാമ്യാപേക്ഷ തള്ളിയിരുന്നു. ജില്ലാ കോടതി ജാമ്യാപേക്ഷ തള്ളിയതോടെ കോൺ​ഗ്രസിൽ നിന്ന് രാഹുലിനെ പുറത്താക്കുകയും ചെയ്തിരുന്നു. ബലാത്സം​ഗം ചെയ്തെന്നും നിർബന്ധിച്ച് ​ഗർഭഛിദ്രം നടത്തിച്ചെന്നുമാണ് കേസ് രാഹൽ മാങ്കൂട്ടത്തിൽ എംഎൽഎക്കെതിരെയുള്ള കേസ്.

കാഠ്മണ്ഡു: കലാപം ഒഴിഞ്ഞ ഇന്ത്യയുടെ അയൽ സംസ്ഥാനമായ നേപ്പാളിൽ അടുത്തിടെ പൊട്ടിപ്പുറപ്പെട്ട സംഘർഷങ്ങളെ രാജ്യം ​ഗൗരവത്തോടെയാണ് നോക്കിക്കണ്ടത്. പാകിസ്ഥാനും, ബം​ഗ്ലാദേശും, നേപ്പാളും, മ്യാന്മാറുമെല്ലാം അരക്ഷിതാവസ്ഥയിലേക്ക് നീളുമ്പോൾ ഇന്ത്യൻ അതിർത്തികളിൽ സുരക്ഷാ സേന കാവൽ ശക്തമാക്കുകയും ചെയ്തു. ബിഹാറിന്റെ അതിർത്തിയോട് ചേർന്നിരിക്കുന്ന നേപ്പാളിലെ ബിർഗഞ്ച് നഗരത്തിൽ കഴിഞ്ഞ ദിവസം അരങ്ങേറിയ സംഘർഷം വീണ്ടും ഇന്ത്യ ​ഗൗരവകരമായി തന്നെ ഉറ്റ് നോക്കുകയാണ്. ഒരു ടിക് ടോക്ക് വീഡിയോയുടെ പേരിൽ പുറപ്പെട്ട ലഹള കലാപത്തിലേക്ക് വഴി തുറക്കുമെന്ന ആശങ്കയാണ് നേപ്പാൾ ഭരണകൂടം ഉറ്റുനോക്കുന്നത്. ബം​ഗ്ലാദേശിൽ ന്യുനപ വേട്ട അരങ്ങേറുമ്പോൾ തന്നെ സമാനമായ രീതിയിൽ നേപ്പാളിൽ ടിക് ടോക്ക് വീഡിയോയുടെ പേരിൽ ന്യുനപക്ഷമായ മുസ്ലീം സമുദായത്തിന് നേരെ ആൾക്കൂട്ട വേട്ടയെന്നാണ് സൂചനകൾ.

ഹിന്ദു മതവിഭാഗത്തെ ലക്ഷ്യമിട്ട പരാമർശങ്ങൾ ഉൾപ്പെട്ട ഒരു ടിക്‌ടോക്ക് വീഡിയോ വ്യാപകമായി പ്രചരിച്ചതാണ് സംഭവങ്ങളുടെ തുടക്കം. ധനുഷ ജില്ലയിലെ കമല മുനിസിപ്പാലിറ്റിയിൽ നിന്നുള്ള രണ്ട് വിഭാഗങ്ങൾ തമ്മിലുള്ള തർക്കമാണ് ഞായറാഴ്ച ബിർഗഞ്ചിൽ സംഘർഷാവസ്ഥയ്ക്ക് കാരണമായതെന്ന് റിപ്പോർട്ടുകൾ പറയുന്നു. ധനുഷ ജില്ലയിലെ ജനക്പൂരിൽ, ഹൈദർ അൻസാരി, അമാനത് അൻസാരി എന്നീ രണ്ട് യുവാക്കൾ ടിക്‌ടോക്കിൽ അപ്‌ലോഡ് ചെയ്ത വീഡിയോ മതവികാരങ്ങളെ വ്രണപ്പെടുത്തിയതായി നാട്ടുകാർ ആരോപിച്ചു.

ഇതേ തുടർന്ന് ഇവരെ പോലീസ് കസ്റ്റഡിയിലെടുത്തു. എന്നാൽ ഇതുകൊണ്ട് മാത്രം പ്രശ്നങ്ങൾ അവസാനിച്ചില്ല. കമല മുനിസിപ്പാലിറ്റിയിലെ വാർഡ് 6-ൽപള്ളി (മസ്ജിദ്) തീവ്ര ഹിന്ദു അക്രമകാരികളുടെ നേതൃത്വത്തിൽ നശിപ്പിക്കപ്പെട്ടതോടെ സംഘർഷം വീണ്ടും രൂക്ഷമായി. മസ്ജിദ് നശിപ്പിച്ചതിനെതിരെ മുസ്ലീം സംഘടനകൾ തെരുവിലിറങ്ങി പ്രതിഷേധിക്കുകയും, ബിർഗഞ്ചിലും പരിസര പ്രദേശങ്ങളിലും ടയറുകൾ കത്തിച്ച് മുദ്രാവാക്യങ്ങൾ വിളിച്ച് റാലികൾ നടത്തുകയും ചെയ്തു. ധനുഷ പാർസ എന്നീ ജില്ലകളിൽ ആരംഭിച്ച കലാപം പിന്നീട് ടിക്‌ടോക്ക് വഴിയും വ്യാപിച്ചു. മതപരവും സാമുദായികവുമായ വികാരങ്ങളെ ബാധിക്കുന്ന വിഷയങ്ങളിലാണ് ഇരുവിഭാഗങ്ങളും പ്രതിഷേധങ്ങൾ നടത്തുന്നത്.

ഇതോടെ ജില്ലാ ഭരണകൂടം കർഫ്യൂ ഉത്തരവ് പുറപ്പെടുവിക്കുകയും ചെയ്തു. മതപരമായ സംഘർഷങ്ങൾ കണക്കിലെടുത്ത് തിങ്കളാഴ്ച ഉച്ചയ്ക്ക് ശേഷം ജില്ലയിലെ ചില ഭാഗങ്ങളിൽ നിരോധനാജ്ഞ പ്രഖ്യാപിച്ചതായി വാർത്താ ഏജൻസി റിപ്പോർട്ട്നി ചെയ്യുന്നത്.

പാർസ ജില്ലയിലെ ജില്ലാ ഭരണ ഓഫീസ് തിങ്കളാഴ്ച വൈകുന്നേരം 6 മണി മുതൽ ചൊവ്വാഴ്ച രാവിലെ 8 മണി വരെ കർഫ്യൂ പ്രഖ്യാപിച്ചു. എന്നാൽ സ്ഥിതി നിയന്ത്രണാതീതമാവുകയും ഭീഷണിസാഹചര്യം തുടരുമെന്നതിനാൽ കർഫ്യൂ ഉച്ചയ്ക്ക് 1 മണി വരെ നീട്ടുകയായിരുന്നു. നിരോധനാജ്ഞ അവസാനിക്കാനിരിക്കെ, DAO വീണ്ടും കർഫ്യൂ ചൊവ്വാഴ്ച വൈകുന്നേരം 6 മണി വരെ നീട്ടി. പാർസ ജില്ലയിലെ ബിർഗഞ്ച് മെട്രോപൊളിറ്റൻ സിറ്റിയിലെ നാല് മേഖലകളിലാണ് കർഫ്യൂ ഏർപ്പെടുത്തിയിരിക്കുന്നത്:
കർഫ്യൂ പരിധിക്കുള്ളിൽ ആളുകൾ സഞ്ചരിക്കുന്നതും, ഏതുതരം കൂട്ടായ്മകളും, പ്രദക്ഷിണങ്ങളും, പ്രകടനങ്ങളും, യോഗങ്ങളും, ഉപരോധങ്ങളും നടത്തുന്നതും കർശനമായി നിരോധിക്കുന്നതായി ഉത്തരവിൽ പറയുന്നു.

ഡൽഹി: മന്നം സമാധിയിൽ പുഷ്‌പാർച്ചന നടത്താൻ അനുവദിച്ചില്ലെന്ന് ബം​ഗാൾ ​ഗവർണർ സിവി ആനന്ദബോസ്. എല്ലാ നായന്മാർക്കും അവകാശപ്പെട്ടതാണ് മന്നത്ത് സ്മാരകമെന്ന് സിവി ആനന്ദബോസ് പറഞ്ഞു. ഒരാൾക്ക് മാത്രമാണോ കുത്തകാവകാശം എന്ന് ചോദിച്ച ആനന്ദബോസ് എൻഎസ്എസ് നേതൃത്വത്തിനെതിരെ കടുത്ത വിമർശനം ഉന്നയിച്ചു.

ഗവർണറായി ചുമതലയേൽക്കുന്നതിന് മുമ്പായി പുഷ്പാർച്ചനയ്ക്ക് എത്തിയപ്പോഴാണ് അവഗണിച്ചതെന്നാണ് ​ആനന്ദബോസ് പറയുന്നത്. താനൊരു കരയോഗം നായരെന്നും സിവി ആനന്ദബോസ് പറയുന്നു. ഗേറ്റ്കീപ്പറെ കാണാനല്ല പെരുന്നയിൽ എത്തിയതെന്ന് അദ്ദേഹം പറഞ്ഞു. ദില്ലിയിൽ മന്നത്തിൻ്റെ സ്‌മാരകം നിർമിക്കാനായി ഒരുമാസത്തെ ശമ്പളം സംഭാവന നൽകുമെന്നും ബംഗാൾ ഗവർണർ സിവി ആനന്ദബോസ് പറഞ്ഞു.

cv ananda bose nss issue

തിരുവനന്തപുരം: ഏഷ്യാനെറ്റ് ന്യൂസിലെ മുൻഷി പരമ്പരയിലൂടെ പ്രശസ്തനായ തിരുമല സ്വദേശി മുൻഷി ഹരി എന്നറിയപ്പെട്ട എൻ എസ് ഹരീന്ദ്രകുമാർ അന്തരിച്ചു. 52 വയസായിരുന്നു. യാത്ര കഴിഞ്ഞ് തിരുവനന്തപുരം ഇലിപ്പോടുള്ള വീട്ടിലേക്ക് നടന്നു പോകവേ റോഡരികിൽ കുഴഞ്ഞു വീഴുകയായിരുന്നു. തുടർന്ന് മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
മൃതദേഹം ഇപ്പോൾ പോസ്റ്റ് മോർട്ടം നടപടികൾക്കായി തിരുവനന്തപുരം മെഡിക്കൽകോളേജിലെ മോർച്ചറിയിൽ സൂക്ഷിച്ചിരിക്കുകയാണ്.

രാഷ്ട്രപതിയുടെ അവാർഡ് ഉൾപ്പെടെ കരസ്ഥമാക്കിയ ഹരി തിരുവനന്തപുരത്തെ സാംസ്‌കാരിക രംഗത്ത് സജീവ സാന്നിധ്യമായിരുന്നു.

munshi hari passed away

തൃശൂർ: റെയിൽവേ സ്റ്റേഷനിൽ പാർക്കിങ്ങിലുണ്ടായ തീപിടിത്തം പ്രത്യേകസംഘം അന്വേഷിക്കും. ഗുരുതര വീഴ്ചയെന്ന നിഗമനത്തിലാണ് പൊലീസ്. റെയിൽവേ ലൈനിൽ നിന്നും തീപ്പൊരി വീണ് തീ പടർന്നെന്നാണ് പ്രാഥമിക നിഗമനം. തീപിടിത്തത്തിൽ അറുന്നൂറിലധികം ബൈക്കുകളാണ് കത്തിനശിച്ചത്.

തീപിടിത്തം പ്രത്യേകസംഘം അന്വേഷിക്കുമെന്ന് സംസ്ഥാന പൊലീസ് മേധാവി റാവാഡ ചന്ദ്രശേഖർ പറഞ്ഞു. തീപിടിത്തമുണ്ടായ സ്ഥലത്ത് സന്ദർശനം നടത്തിയ ശേഷമായിരുന്നു പ്രതികരണം. മറ്റു ദുരൂഹതകൾ ഈ ഘട്ടത്തിൽ സംശയിക്കുന്നില്ലെന്നും സംസ്ഥാന പോലീസ് മേധാവി പറഞ്ഞു. അതേസമയം പൊലീസിനോട് അടിയന്തര റിപ്പോർട്ട് തേടിയെന്ന് സ്ഥലത്ത് എത്തിയ മന്ത്രി കെ രാജൻ പറഞ്ഞു.

സംഭവത്തിൽ റെയിൽവേ പ്രാഥമിക അന്വേഷണം പൂർത്തിയാക്കി. പാർക്ക് ചെയ്തിരുന്ന ഒരു ഇരുചക്ര വാഹനത്തിൽ നിന്ന് മറ്റു വാഹനങ്ങളിലേക്ക് തീ പിടിച്ചതാകാമെന്നാണ് റെയിൽവേയുടെ പ്രാഥമിക നി​ഗമനം. തീപിടുത്തത്തിന്റെ കാരണം ഇതുവരെ കണ്ടെത്താനായിട്ടില്ല. അപകടമുണ്ടായപ്പോൾ തന്നെ ആളപായ ഒഴിവാക്കാൻ നടപടി സ്വീകരിച്ചെന്നും റെയിൽവേയുടെ വിശദീകരണം.

ന്യൂഡൽഹി: വിമാനയാത്രക്കാരുടെ സുരക്ഷ മുൻനിർത്തി പവർ ബാങ്കുകളുടെ ഉപയോഗത്തിന് കർശന നിയന്ത്രണമേർപ്പെടുത്തി ഏവിയേഷൻ റെഗുലേറ്ററായ ഡിജിസിഎ (Directorate General of Civil Aviation). വിമാനത്തിനുള്ളിൽ പവർ ബാങ്ക് ഉപയോഗിക്കുന്നതും അവ ചാർജ് ചെയ്യുന്നതും തടഞ്ഞുകൊണ്ടുള്ള പുതിയ മാർഗനിർദ്ദേശങ്ങളാണ് പുറത്തിറക്കിയിരിക്കുന്നത്.

പ്രധാന നിയന്ത്രണങ്ങൾ:

• ഉപയോഗത്തിന് അനുമതിയില്ല: വിമാനത്തിനകത്ത് ഇരുന്നുകൊണ്ട് പവർ ബാങ്ക് വഴി മൊബൈൽ ഫോണുകളോ മറ്റ് ഇലക്ട്രോണിക് ഉപകരണങ്ങളോ ചാർജ് ചെയ്യാൻ പാടില്ല.
• ചാർജിംഗ് നിരോധനം: വിമാനത്തിലെ ഇൻ-സീറ്റ് ചാർജിംഗ് പോയിന്റുകൾ ഉപയോഗിച്ച് പവർ ബാങ്കുകൾ ചാർജ് ചെയ്യുന്നതും ഡിജിസിഎ വിലക്കി.
• ഹാൻഡ് ലഗേജ് മാത്രം: പവർ ബാങ്കുകൾ ഒരിക്കലും ‘ചെക്ക്-ഇൻ’ ബാഗുകളിൽ വെക്കാൻ പാടില്ല. ഇവ ഹാൻഡ് ലഗേജിൽ മാത്രമേ കരുതാൻ പാടുള്ളൂ.
• സൂക്ഷിക്കേണ്ട രീതി: പവർ ബാങ്കുകൾ സീറ്റിന് മുകളിലെ ഓവർഹെഡ് ബിന്നുകളിൽ വെക്കുന്നതിന് പകരം യാത്രക്കാരുടെ കൈവശമോ സീറ്റിന് താഴെയുള്ള ബാഗിലോ സൂക്ഷിക്കണം.

എന്തുകൊണ്ട് ഈ തീരുമാനം?

ലിഥിയം ബാറ്ററി ഉപയോഗിച്ച് പ്രവർത്തിക്കുന്ന പവർ ബാങ്കുകൾ അമിതമായി ചൂടാകാനും (Thermal Runaway) അതുവഴി തീപിടുത്തമുണ്ടാകാനുമുള്ള സാധ്യത കണക്കിലെടുത്താണ് ഈ തീരുമാനം. ഓവർഹെഡ് ബിന്നുകളിൽ വെക്കുന്ന ബാഗുകളിൽ തീപിടുത്തമുണ്ടായാൽ അത് പെട്ടെന്ന് തിരിച്ചറിയാൻ സാധിക്കില്ല എന്നത് വലിയ അപകടങ്ങൾക്ക് കാരണമായേക്കാം. പവർ ബാങ്കുകളിൽ നിന്ന് പുകയോ തീയോ വരുന്നത് ശ്രദ്ധയിൽപ്പെട്ടാൽ ഉടൻ തന്നെ വിമാന ജീവനക്കാരെ വിവരം അറിയിക്കണമെന്നും നിർദ്ദേശമുണ്ട്.

സുരക്ഷാ പരിശോധന കർശനമാക്കാൻ വിമാനക്കമ്പനികൾക്കും വിമാനത്താവള അധികൃതർക്കും ഡിജിസിഎ നിർദ്ദേശം നൽകി കഴിഞ്ഞു.