ബ്യൂട്ടിപാർലർ വെടിവെയ്പ്പിൽ നടിയും ബ്യൂട്ടി പാർലർ ഉടമസ്ഥയുമായ ലീന മരിയ പോൾ പോലീസിന് മൊഴി നൽകി. കൊച്ചി സ്വകാര്യ കേന്ദ്രത്തിൽ വെച്ചായിരുന്നു മൊഴിയെടുപ്പ്. ആക്രമണത്തിന് പിന്നിൽ ആരെന്നറിയിലെന്നും തനിക്ക് വധഭീഷണിയുണ്ടെന്നും പോലീസ് സംരക്ഷണം നൽകണമെന്നും ലീന മരിയ പോൾ പറഞ്ഞു.

താൽക്കാലിക കണ്ടക്ടർമാരെ പിരിച്ച് വിട്ടതിൽ കെഎസ്ആർടിസി പ്രതിസന്ധിയിൽ. ഇന്ന് സംസ്ഥാനത്ത് 815 സർവീസുകൾ മുടങ്ങി.തിരുവനന്തപുരം മേഖലയിൽ 300 സർവ്വീസും എറണാകുളം മേഖലയിൽ 360 ഉം മലബാർ മേഖലയിൽ 155 സർവ്വീസുമാണ് മുടങ്ങിയത്. അധിക സമയം ജോലി ചെയ്യാൻ സ്ഥിരമായി ജോലിയുള്ള ആരും തന്നെ തയാറാക്കുന്നില്ല. അധികവേതനം നൽകാമെന്ന് വാഗ്ധാനം ചെയ്തിട്ടും ആരും തന്നെ അധിക സമയം ജോലി ഏറ്റെടുക്കാതത് കെഎസ്ആർടിസിക്ക്  തിരിച്ചടിയായി. ഹൈക്കോടതി വിധിയുടെ അടിസ്ഥാനത്തിലാണ് കെഎസ്ആർടിസിയിലെ 3861 താൽക്കാലിക ജീവനക്കാരെ പിരിച്ച് വിട്ട് ഉത്തരവിറക്കിയത്.

വനിതാ മതലിനെതിരെ ആരോപവുമായി കെ.സി.ബി.സി.സമൂഹത്തെ ഭിന്നിപ്പിച്ചല്ല നവോത്ഥാന മൂല്യം ഉയർത്തേണ്ടതെന്നും സമൂഹത്തിൽ ചേരിതിരിവ്  ഉണ്ടാക്കുന്നതും ശരിയല്ലെന്നും കെ.സി.ബി.സി. നവോത്ഥാന പ്രചാരകരായി  ചിലരെ മാത്രം ചിത്രീകരിക്കുന്നത് തെറ്റായ സന്ദേശം നൽകുമെന്നും കെ.സി.ബി.സി വ്യക്തമാക്കി.

ലൈംഗിക പീഡന പരാധിയിൽ പി.കെ ശശി എംഎൽഎയ്ക്കെതിരെ കൂടുതൽ നടപടി ഒന്നും തന്നെയില്ല. സംസ്ഥാന കമ്മിറ്റിയുടെ നടപടി സി പി എം കേന്ദ്ര കമ്മിറ്റി ശരിവച്ചു. പി.കെ.ശശിയെ ആറ് മാസത്തേക്ക് സസ്പൻഡ് ചെയ്ത സംസ്ഥാന കമ്മിറ്റി നടപടിയാണ് കേന്ദ്ര കമ്മിറ്റി ശരിവച്ചത്. എന്നാൽ കേന്ദ്ര കമ്മിറ്റിയുടെ ഈ തീരുമാനത്തിൽ പ്രതികരിക്കാനില്ലന്ന് പരാതിക്കാരി വ്യക്തമാക്കി.

ശബരിമലയിലേക്ക് പോയ നാലംഗം ട്രറ്റൻസ്ജൻഡർ സംഘത്തെ എരുമേലിയിൽ വെച്ച് പോലീസ് തടഞ്ഞു.സ്ത്രീവേഷം മാറ്റണം എന്ന പോലീസിന്റ ആവശ്യം നിരസിച്ചതിലാണ് മടക്കി അയയച്ചത്. പോലീസ് വളരെ മോശമായി പെരുമാറിയെന്ന് പരാതി. ശബരിമല ദർശനത്തിന് സുരക്ഷ ആവശ്യപെട്ടപ്പോൾ മോശമായി പെരുമാറിയെന്ന് അനന്യ. ആൺവേഷം ധരിക്കാൻ നിർബന്ധിച്ചു അത് വഴങ്ങിയിട്ടും സുരക്ഷ ഒരുക്കിയില്ല. എരുമേലി ഡിവൈഎസ്പി മാസസ്സികമായി പീഡിപ്പിച്ചു എന്നും വനിതാ പോലീസ് ഉൾപ്പെടെ മോശമായി പെരുമാറിയെന്നും അനന്യ ആരോപിച്ചു.

ലോക്സഭ ഇലക്ഷനു മുന്നോടിയായി കെപി സിസി പുന:സംഘടനയ്ക്ക് ധാരണയായി. രാഷ്ട്രീയകാര്യസമിതി യോഗത്തിലാണ് ധാരണ.തിങ്കളാഴ്ച കെപിസിസി പ്രസിഡന്റ് രാഹുൽ ഗാന്ധിയെ കാണും. പുന:സംഘടനയ്ക്ക് പൊതുമാനദണ്ഡം നിശ്ചയിക്കും. കെപിസിസി ഭാരവാഹികളുടെ എണ്ണം കുറയ്ക്കാൻ തീരുമാനം. മാനദണ്ഡങ്ങൾ നിശ്ചയിച്ച ശേഷം നേതാക്കളുമായി കൂടുതൽ ചർച്ചയുണ്ടാകും. ചർച്ച ചെയ്യാൻ ഒരു ദിവസത്തെ രാഷ്ട്രീയ കാര്യസമിതി ചേരുന്നതായിരിക്കും.