ഫ്രാങ്കോ മുളക്കലിനെ നാളെയും ചോദ്യം ചെയ്യും

പീഡനപരാതിയിൽ ഫ്രാങ്കോ മുളക്കലിന്റെ ഇന്നത്തെ 7 മണിക്കൂർ നീണ്ട ചോദ്യം ചെയ്യൽ പൂർത്തിയായി .അനേഷണസംഘത്തിന്റെ ചോദ്യം ചെയ്യൽ നാളെയും തുടരും .നാളെ രാവിലെ 11 മണിക്ക് അനേഷണസംഘത്തിന്റെ മുന്നിൽ ഹാജാരാകാനാണ് നിർദേശം .ഫ്രാങ്കോ മുളക്കൽ ചോദ്യം ചെയ്യലിനോട് സഹകരിക്കുനുണ്ടെന്ന് കോട്ടയം എസ് പി മാധ്യമങ്ങളോട് പറഞ്ഞു . ചോദ്യം ചെയ്യല്‍ പൂര്‍ത്തിയായശേഷമേ അടുത്ത തീരുമാനം ഉണ്ടാകൂവെന്ന് അദ്ദേഹം പറഞ്ഞു. നാളത്തെ ചോദ്യം ചെയ്യൽ നിർണായകമാണെന്നും പോലീസ് സൂചന നൽകി .ചേദ്യംചെയ്യലിന് ശേഷം പുറത്തുവന്ന ഫ്രാങ്കോ മുളക്കലിന്റെ വാഹനം AIYF പ്രവർത്തകർ തടയാൻ ശ്രമിച്ചു  .ബിഷപ്പിനെ അറസ്റ്റ് ചെയ്യാത്തതില്‍ പോലീസിനെതിരെയാണ് പ്രതിഷേധം നടത്തിയത് .

പരാതിയിൽ താൻ നിരപരാധിയാണെന്നും വ്യക്തി വൈരാഗ്യം മൂലമാണ് കന്യാസ്ത്രീ പരാതി നല്‍കിയതെന്നും ഫ്രാങ്കോ മുളക്കൽ ചോദ്യം ചെയ്യലിൽ ആവർത്തിച്ച് പറഞ്ഞതായാണ് റിപോർട്ടുകൾ .പീഡനം നടന്നുവെന്ന് പറയുന്ന ദിവസം ദിവസം കുറവിലങ്ങാട് മഠത്തില്‍ പോയിരുനെന്നും എന്നാൽ അവിടെ താമസിച്ചിട്ടില്ലെന്നും ഫ്രാങ്കോ മുളക്കൽ  ആവര്‍ത്തിച്ചു എന്നാണ് സൂചനകൾ