തിരുവനന്തപുരം: സംസ്ഥാനത്ത്  ഞായറാഴ്ചകളില്‍ ഏര്‍പ്പെടുത്തിയിരുന്ന സമ്പൂര്‍ണ്ണ ലോക്ക്ഡൗണ്‍ ഒഴിവാക്കി. മുഖ്യമന്ത്രിയുടെ ഓഫീസാണ് ഇക്കാര്യം അറിയിച്ചത്.

വിദേശത്ത് നിന്നും മറ്റും മടങ്ങി വരുന്നവര്‍ക്ക് ഞായറാഴ്ചത്തെ സമ്പൂര്‍ണ്ണ ലോക്ക്ഡൗണ്‍ പ്രയാസമുണ്ടാക്കുന്നുവെന്ന വിലയിരുത്തലിനെ തുടര്‍ന്നാണിത്.

അതേസമയം കണ്ടെയന്‍മെന്റ് സോണുകളിലേയും റെഡ്സോണുകളിലേയും നിയന്ത്രണം കര്‍ശനമാക്കാനും തീരുമാനിച്ചിട്ടുണ്ട്.

കൊച്ചി: കുട്ടികളെക്കൊണ്ട് നഗ്‌നശരീരത്തില്‍ ചിത്രം വരപ്പിച്ച് വീഡിയോ പ്രചരിപ്പിച്ചെന്ന കേസില്‍ പ്രതിയായ രഹ്ന ഫാത്തിമ ഒളിവില്‍. രഹ്ന ഫാത്തിമയെ അറസ്റ്റ് ചെയ്യാനായി കൊച്ചി പനമ്പിള്ളിനഗറിലെ വീട്ടിലെത്തിയ പോലീസ് സംഘത്തിന് ഇവരെ കണ്ടെത്താനായില്ല. വ്യാഴാഴ്ച ഉച്ചയോടെയാണ് പോലീസ് സംഘം രഹ്ന ഫാത്തിമയുടെ വീട്ടില്‍ എത്തിയത്. തുടര്‍ന്ന് ക്വാര്‍ട്ടേഴ്സില്‍ റെയ്ഡും നടത്തി.
‘ബോഡി ആന്‍ഡ് പൊളിറ്റിക്‌സ്’ എന്ന തലക്കെട്ടില്‍ കഴിഞ്ഞ ദിവസമാണ് യുട്യൂബിലും ഫെയ്‌സ്ബുക്കിലും രഹ്ന വീഡിയോ പോസ്റ്റ് ചെയ്തത്. പ്രായപൂര്‍ത്തിയാകാത്ത മകനും മകളും ചേര്‍ന്ന് രഹ്നയുടെ നഗ്നദേഹത്ത് ചിത്രം വരയ്ക്കുന്നതാണ് വീഡിയോ. സ്ത്രീ ശരീരവും ലൈംഗികതയും സംബന്ധിച്ച പഠനം വീട്ടില്‍നിന്ന് തുടങ്ങിയാലേ സമൂഹത്തില്‍ മാറ്റം കൊണ്ടുവരാന്‍ കഴിയൂ എന്ന കുറിപ്പോടെയായിരുന്നു പോസ്റ്റ്.

നൊവാക് ജോക്കോവിച്ചിനും ഭാര്യയ്ക്കും കോവിഡ്
ബെല്‍ഗ്രേഡ്: ലോക ഒന്നാം നമ്പര്‍ ടെന്നീസ് താരം നൊവാക് ജോക്കോവിച്ചിന് കോവിഡ്. ജോക്കോവിച്ച് സംഘടിപ്പിച്ച ചാരിറ്റി ടെന്നീസ് ടൂര്‍ണമെന്റില്‍ പങ്കെടുത്ത മൂന്നു താരങ്ങള്‍ക്ക് നേരത്തെ കോവിഡ് സ്ഥിരീകരിച്ചിരുന്നു. ഇതിന് പിന്നാലെയാണ് ജോക്കോവിച്ചിന് രോഗം സ്ഥിരീകരിച്ചത്. ജോക്കോവിച്ചിന്റെ ഭാര്യ ജെലീനയുടെ പരിശോധനാഫലവും പോസിറ്റീവാണ്.

‘ക്രൊയേഷ്യയിലെ സദറിലെ ചാരിറ്റി മത്സരത്തില്‍ പങ്കെടുത്ത ശേഷം ബെല്‍ഗ്രേഡിലെത്തിയ ഉടനെത്തന്നെ ഞങ്ങള്‍ പരിശോധനയ്ക്ക് വിധേയരായി. എന്റേയും ജെലീനയുടേയും ഫലം പോസിറ്റീവാണ്. മക്കളുടേത് നെഗറ്റീവാണ്. ചാരിറ്റി ടൂര്‍ണമെന്റ് സംഘടിപ്പിച്ചത് നല്ല ഉദ്ദേശത്തോടെയാണ്. അത് ഇങ്ങനെ ആയിത്തീരുമെന്ന് പ്രതീക്ഷിച്ചില്ല.’ സെര്‍ബിയന്‍ താരം വാര്‍ത്താ കുറിപ്പില്‍ വ്യക്തമാക്കി.

നേരത്തെ ക്രൊയേഷ്യന്‍ താരം ബോര്‍ന കോറിച്ച്, ബള്‍ഗേറിയയുടെ ഗ്രിഗര്‍ ദിമിത്രോവ്, സെര്‍ബിയയുടെ വിക്ടര്‍ ട്രോയിസ്‌ക്കി എന്നിവര്‍ക്കാണ് കോവിഡ് ബാധിച്ചിരുന്നത്. ഗ്രിഗര്‍ ദിമിത്രോവിന് കോവിഡ് സ്ഥിരീകരിച്ചതിനു പിന്നാലെ ടൂര്‍ണമെന്റിന്റെ ഫൈനല്‍ റദ്ദാക്കിയിരുന്നു.

സെര്‍ബിയയിലെ സെന്‍ട്രല്‍ ബെല്‍ഗ്രേഡിലെ ജോക്കോവിച്ച് ടെന്നീസ് കോംപ്ലക്‌സിലും ക്രൊയേഷ്യയിലെ സദറിലുമായി നടന്ന ടൂര്‍ണമെന്റില്‍ നിരവധി താരങ്ങള്‍ പങ്കെടുത്തിരുന്നു.

സാമൂഹിക അകലം പാലിക്കാതെ ടൂര്‍ണമെന്റ് സംഘടിപ്പിച്ചതിനെ തുടര്‍ന്ന് വിമര്‍ശനവുമുയര്‍ന്നിരുന്നു. ജോക്കോവിച്ചിന് പുറമെ പ്രമുഖ താരങ്ങളായ ഡൊമിനിക് തീം, അലക്‌സാണ്ടര്‍ സ്വരേവ് എന്നിവരും ടൂര്‍ണമെന്റില്‍ പങ്കെടുത്തിരുന്നു.

മലയാളത്തില്‍ ഒരുകാലത്ത് നായികയായി തിളങ്ങിയ നടിയാണ് ഭാമ. നിവേദ്യം എന്ന സിനിമയിലൂടെ വെള്ളിത്തിരയിലെത്തി പ്രേക്ഷകരുടെ പ്രിയ നടിയായി മാറിയ താരമാണ് ഭാമ.  ഭാമയുടെ ഫോട്ടോകള്‍ ഓണ്‍ലൈനില്‍ തരംഗമാകാറുണ്ട്. ഇപ്പോഴിതാ വിവാഹ നിശ്ചയത്തിന്റെ ഫോട്ടോയാണ് ഭാമ ഷെയര്‍ ചെയ്തിരിക്കുന്നത്. വിവാഹ നിശ്ചയത്തിന്റെ ചടങ്ങിനിടെ എടുത്ത  ഫോട്ടോയാണ് ഇത്.

ഒരു വര്‍ഷമാകുന്നു വിവാഹ നിശ്ചയത്തിന് എന്ന് ക്യാപ്ഷനായി എഴുതിയിട്ടുണ്ട്. വ്യവസായിയായ അരുണുമായി ജനുവരി 3നാണ് ഭാമ വിവാഹിതയായത്. ചെന്നിത്തല സ്വദേശിയായ ജഗദീശ്വരന്റെയും ജയശ്രീയുടെയും മകനാണ് അരുണ്‍. അരുണിനൊപ്പമുള്ള ഫോട്ടോകള്‍ ഭാമ പങ്കുവയ്ക്കാറുണ്ട്. ഇപ്പോള്‍ ഭാമ സിനിമയില്‍ സജീവമല്ല. അമ്പതോളം സിനിമകളില്‍ ഭാമ വേഷമിട്ടിട്ടുണ്ട്.

നടന്‍ സുശാന്തിന്റെ മരണത്തിന് ശേഷം വരുന്ന വാര്‍ത്തകള്‍ ബോളിവുഡിലെ മറ്റൊരു ലോകത്തെ വെളിപ്പെടുത്തുന്നതാണ്. ബോളിവുഡിലെ സ്വജനപക്ഷവാദത്തെ കുറിച്ചും ബോളിവുഡ് ഭരിക്കുന്ന പ്രത്യേക സംഘത്തെ കുറിച്ചുമുള്ള വെളിപ്പെടുത്തലുകള്‍ ഓരോ ദിവസം വന്നുകൊണ്ടിരിക്കുകയാണ്. ഇപ്പോഴിതാ ബോളിവുഡ് ഗായകനാനായ സോനു നിഗം ബോളിവുഡ് സംഗീതത്തെ ഭരിക്കുന്ന മാഫിയകളെ കുറിച്ച് പറയുകയാണ്.

ഭാവിയില്‍ സംഗീതമേഖലയില്‍ നിന്നുമൊരു ആത്മഹത്യയെക്കുറിച്ച് ജനങ്ങള്‍ കേള്‍ക്കും. പ്രധാനമായും ബോളിവുഡില്‍ രണ്ട് മാഫിയകളാണ് എല്ലാം തീരുമാനിക്കുന്നത്. അവര്‍ക്ക് പ്രത്യേക അധികാരങ്ങള്‍ ഉണ്ടെന്നും അവരുടെ സ്വാധീനവുമുപയോഗിച്ച് ആരൊക്കെ പാടണം പാടരുത് എന്ന് നിശ്ചയിക്കും എന്നും സോനു പറയുന്നു. അവരുടെ ലക്ഷ്യം പണം മാത്രമാണ് ഗായകരുടെ കഴിവ് അവര്‍ക്ക് വിഷമയല്ല. വളരെ ചെറിയ പ്രായത്തില്‍ തന്നെ ഗായകനായി വന്നതിനാല്‍ അധികം മത്സരങ്ങളൊന്നും ഇല്ലാതെ തനിക്ക് തുടരാന്‍ സാധിച്ചു. എന്നാല്‍ ഇന്ന് സ്ഥിതിയാകെ മാറിയിരിക്കുന്നു അദ്ദേഹം പറയുന്നു.

ഗായകന്‍ അര്‍ജിത്ത് സിങ്ങിന് ഉണ്ടായ ദുരനുഭവമാണ് സോനു നിഗം ഈ വിഷയത്തില്‍ ഉദാഹരണമായി ഉന്നയിക്കുന്നത്. സല്‍മാന്‍ അഭിനയിച്ച സുല്‍ത്താന്‍ എന്ന സിനിമയില്‍ അര്‍ജിത്ത് ആലപിച്ച ഗാനം മാറ്റം സംഗീത സംവിധായകന് മേല്‍ സമ്മര്‍ദ്ദമുണ്ടായി എന്നാണ് സോനു ഉന്നയിക്കുന്ന ആരോപണം. അതിന് പിന്നില്‍ ആരുടെയെങ്കിലും പേര് പറയാതെയാണ് സോനു ആരോപണം ഉന്നയിക്കുന്നത്. അനുഭവസമ്ബത്തുള്ള ഗായകരുടെ അനുഭവം ഇതാണെങ്കില്‍ പുതുമുഖങ്ങളുടെ അവസ്ഥയെക്കുറിച്ച് ആലോചിച്ചു നോക്കൂ എന്നും അദ്ദേഹം പറയുന്നു.

ബോളിവുഡ് സിനിമകളില്‍ പാടുന്നതിന് പ്രതിഫലം കിട്ടാറില്ല എന്ന വെളിപ്പെടുത്തലുമായി നേഹ കക്കര്‍ എന്ന ബോളിവുഡ് ഗായിക രംഗത്ത് വന്നിരുന്നു. പാട്ട് ഹിറ്റായാല്‍ പിന്നീട് ഗായകര്‍ക്ക് ഷോയില്‍ പാടാന്‍ അവസരങ്ങള്‍ ലഭിക്കും.അവിടെ നിന്നും പണം സമ്ബാദിക്കാമല്ലോ എന്ന നിലപാടാണ് ബോളിവുഡിലെന്നും ഗായിക വ്യക്തമാക്കിയിരുന്നു.

English summary : Two mafias rule Bollywood music; Sonu Nigam with revelation

തിരുവനന്തപുരം: സംസ്ഥാനത്ത് ഞായറാഴ്ച സമ്പൂര്‍ണ ലോക് ഡൗണ്‍ ഇല്ലെന്ന് സര്‍ക്കാര്‍. പ്രവേശന പരീക്ഷകള്‍ നടക്കുന്ന സാഹചര്യത്തില്‍ ക്രമീകരണങ്ങള്‍ നടത്തുന്നതിനാണ് ഇളവ് അനുവദിച്ചത്. മറ്റ് ദിവസങ്ങളിലെ നിയന്ത്രണങ്ങള്‍ മാത്രമാകും ഞായറാഴ്ച ഉണ്ടാവുകയെന്നും അധികൃതര്‍ അറിയിച്ചു. കോവിഡ് വ്യാപന നിയന്ത്രണത്തിന്റെ ഭാഗമായാണ് ഞായറാഴ്ച ദിവസങ്ങളില്‍ സമ്പൂര്‍ണ ലോക് ഡൗണ്‍ നടപ്പാക്കാന്‍ സര്‍ക്കാര്‍ ഉത്തരവിട്ടത്. കഴിഞ്ഞ ഞായറാഴ്ച ആരാധനാലയങ്ങളില്‍ പോകുന്നവര്‍ക്കും പരീക്ഷ എഴുതുന്നവര്‍ക്കും പരീക്ഷ നടത്തിപ്പുകാര്‍ക്കും വേണ്ടി സമ്പൂര്‍ണ ലോക്ഡൗണില്‍ ഇളവ് അനുവദിച്ചിരുന്നു.

Englissh Summary : Covid19 No complete lockdown on Sunday