കോവിഷീൽഡ് വാക്സിന്റെ ആദ്യ ലോഡ് പുണെ സിറം ഇൻസ്റ്റിറ്റ്യൂട്ടിൽ നിന്ന് പുറപ്പെട്ടു. ശീതീകരിച്ച മൂന്ന് ട്രക്കുകളിലായാണ് ആദ്യ ലോഡ് വാക്സിൻ ചൊവ്വാഴ്ച പുലർച്ചെ അഞ്ച് മണിയോടെ പുണെ വിമാനത്താവളത്തിലേക്ക് പുറപ്പെട്ടത്.പ്രത്യേക പൂജകൾക്ക് ശേഷമാണ് വാക്സിൻ വഹിച്ചുള്ള ട്രക്കുകൾ യാത്ര ആരംഭിച്ചത്. 

പുണെ വിമാനത്താവളത്തിൽ നിന്ന് പ്രത്യേക കാർഗോ വിമാനത്തിലാണ് വാക്സിൻ കയറ്റി അയക്കുന്നത്. ചൊവ്വാഴ്ച മാത്രം എട്ട് വിമാനങ്ങളിലായി രാജ്യത്തെ 13 ഇടത്തേക്ക് വാക്സിൻ എത്തിക്കും. ഡൽഹി, അഹമ്മദാബാദ്, കൊൽക്കത്ത, ചെന്നൈ, ബെംഗളൂരു, ഹൈദരാബാദ്, വിജയവാഡ, ലക്നൗ തുടങ്ങിയ ഇടങ്ങളിലേക്കാണ് ആദ്യം വാക്സിനെത്തുക

English Summary : Commencement of distribution of Covid vaccine to different parts of the country

തിരുവനന്തപുരം: സംസ്ഥാനത്ത് ബുധനാഴ്ച മുതല്‍ തിയേറ്ററുകള്‍ തുറന്ന് പ്രവര്‍ത്തിക്കും. ഫിലിം ചേമ്പര്‍ ഓഫ് കോമേഴ്സിന്റേതാണ് തീരുമാനം. വിജയ് ചിത്രം മാസ്റ്ററാണ് ആദ്യം തിയേറ്ററുകളിലെത്തുന്ന സിനിമ.
തങ്ങളുടെ ആവശ്യങ്ങള്‍ സര്‍ക്കാര്‍ അംഗീകരിച്ചു. എല്ലാ തര്‍ക്കവും അവസാനിച്ചു. സര്‍ക്കാരിന് നന്ദിയുണ്ടെന്നും ഫിലിം ചേമ്പര്‍ പ്രതിനിധികള്‍ പറഞ്ഞു. മലയാള സിനിമകള്‍ മുന്‍ഗണനാ ക്രമത്തിലാകും റിലീസ് ചെയ്യുക.
വിതരണക്കാരുടെ കുടിശിക നല്‍കാന്‍ തീയറ്റര്‍ ഉടമകള്‍ സമയം നിശ്ചയിച്ചു. സെന്‍സര്‍ പൂര്‍ത്തിയായ 11 ചിത്രങ്ങളുടെ റിലീസ് വിതരണക്കാര്‍ നിശ്ചയിക്കും.

ജനുവരി മുതല്‍ മാര്‍ച്ച് വരെയുള്ള സിനിമാ തിയേറ്ററുകളുടെ വിനോദ നികുതി ഒഴിവാക്കാന്‍ സംസ്ഥാന സര്‍ക്കാര്‍ ഇന്ന് തീരുമാനിച്ചിരുന്നു. മുഖ്യമന്ത്രി പിണറായി വിജയന്റെ അധ്യക്ഷതയില്‍ ചേര്‍ന്ന യോഗത്തിലാണ് തീരുമാനം.
തിയേറ്ററുകള്‍ അടഞ്ഞുകിടന്ന പത്തുമാസത്തെ വൈദ്യുതി ഫിക്‌സഡ് ചാര്‍ജ്ജ് 50 ശതമാനമാക്കി കുറയ്ക്കുാനും തീരുമാനിച്ചു. ബാക്കി ഗഡുക്കളായി അടയ്ക്കാന്‍ അനുവദിക്കും. 2020 മാര്‍ച്ച് 31നുള്ളില്‍ തിയേറ്ററുകള്‍ തദ്ദേശസ്ഥാപനങ്ങളില്‍ ഒടുക്കേണ്ട വസ്തുനികുതി മാസഗഡുക്കളായി അടക്കാം.

പ്രൊഷണല്‍ നികുതിയുടെ കാര്യത്തില്‍ തീരുമാനമെടുക്കാന്‍ സംസ്ഥാന സര്‍ക്കാരിന് സാധിക്കില്ല. തദ്ദേശസ്വയംഭരണം, ഇലക്ട്രിക്കല്‍ ഇന്‍സ്‌പെക്ടറേറ്റ്, ഫിലിംസ് ഡിവിഷന്‍, ബില്‍ഡിംഗ് ഫിറ്റ്‌നസ്, ആരോഗ്യം, ഫയര്‍ഫോഴ്‌സ് എന്നിവയുമായി ബന്ധപ്പെട്ട വിവിധ ലൈസന്‍സുകളുടെ കാലാവധി മാര്‍ച്ച് 31 വരെ ദീര്‍ഘിപ്പിക്കാനും തീരുമാനിച്ചു.

English Summary : Theaters will be open from Wednesday; Master the first picture

കൊച്ചി:വിനോദ നികുതിയിലടക്കം ഇളവുകള്‍ പ്രഖ്യാപിച്ച് സിനിമാ മേഖലയ്ക്ക് ആശ്വാസം പകര്‍ന്ന നടപടിയില്‍ മുഖ്യമന്ത്രിക്കും സര്‍ക്കാരിനും നന്ദി അറിയിച്ച് താരങ്ങള്‍. 2021 ജനുവരി മുതല്‍ മാര്‍്ച്ച് വരെയുള്ള സിനിമാ തിയറ്ററുകളുടെ വിനോദ നികുതി ഒഴിവാക്കാനാണ് സര്‍ക്കാര്‍ തീരുമാനിച്ചത്.

‘മലയാള സിനിമയ്ക്ക് ഊര്‍ജ്ജം പകരുന്ന ഇളവുകള്‍ പ്രഖ്യാപിച്ച ബഹുമാനപ്പെട്ട കേരള മുഖ്യമന്ത്രി ശ്രീ.പിണറായി വിജയന് സ്‌നേഹാദരങ്ങള്‍’ എന്നാണ് മോഹന്‍ലാല്‍ ഫെയ്‌സ്ബുക്കില്‍ പങ്കുവച്ച കുറിപ്പ്. പിന്നാലെ നിരവധി താരങ്ങളും സിനിമാ പ്രവര്‍ത്തകരും സര്‍ക്കാര്‍ നടപടിയെ പ്രശംസിച്ച് എത്തിയിട്ടുണ്ട്. പൃഥ്വിരാജ്, റിമാ കല്ലിങ്കല്‍, കുഞ്ചാക്കോ ബോബന്‍, ടൊവിനോ തോമസ്, മഞ്ജു വാര്യര്‍, ദിലീപ് തുടങ്ങിയവരാണ് പുതിയ ഉണര്‍വ്വ് നല്‍കുന്ന തീരുമാനത്തിന് നന്ദി അറിയിച്ചത്.

തിയറ്ററുകള് അടഞ്ഞുകിടന്ന പത്തുമാസത്തെ വൈദ്യുതി ഫിക്‌സഡ് ചാര്ജ്ജ് 50 ശതമാനമാക്കി കുറയ്ക്കും. ബാക്കി ഗഡുക്കളായി അടയ്ക്കാന് അനുവദിക്കും. 2020 മാര്‍ച്ച് 31നുള്ളില്‍ തിയറ്ററുകള് തദ്ദേശസ്ഥാപനങ്ങളില്‍ ഒടുക്കേണ്ട വസ്തുനികുതി മാസഗഡുക്കളായി അടക്കാം. പ്രൊഷണല്‍ നികുതിയുടെ കാര്യത്തില്‍ തീരുമാനമെടുക്കാന്‍ സംസ്ഥാന സര്‍ക്കാരിന് സാധിക്കില്ല. തദ്ദേശസ്വയംഭരണം, ഇലക്ട്രിക്കല്‍ ഇന്‌സ്‌പെക്ടറേറ്റ്, ഫിലിംസ് ഡിവിഷന്‍, ബില്ഡിംഗ് ഫിറ്റ്‌നസ്, ആരോഗ്യം, ഫയര്‍ഫോഴ്‌സ് എന്നിവയുമായി ബന്ധപ്പെട്ട വിവിധ ലൈസന്‍സുകളുടെ കാലാവധി മാര്ച്ച് 31 വരെ ദീര്‍ഘിപ്പിക്കാനും തീരുമാനിച്ചു.

English Summary : Concessions to the film sector; The actors thanked the Chief Minister and the government

ചെന്നൈ: രാഷ്ട്രീയത്തിലേക്കില്ലെന്ന നിലപാട് ആവര്‍ത്തിച്ച് തമിഴ് സൂപ്പര്‍ സ്റ്റാര്‍ രജനീകാന്ത്. രാഷ്ട്രീയ പ്രവേശം ആവശ്യപ്പെട്ട് ആരാധകര്‍ തെരുവില്‍ സമരം നടത്തിക്കൊണ്ടിരിക്കെയാണ് നടന്റെ വിശദീകരണം. ‘എന്തു കൊണ്ട് രാഷ്ട്രീയത്തില്‍ ഇറങ്ങുന്നില്ല എന്ന് നേരത്തെ വ്യക്തമാക്കിയതായണ്. എന്റെ തീരുമാനം അറിയിച്ചു കഴിഞ്ഞു’ – ആരാധകര്‍ക്ക് അയച്ച കത്തില്‍ രജനി വ്യക്തമാക്കി.

വാ തലൈവാ വാ (വരൂ, നേതാവേ വരൂ), ഇപ്പോ ഇല്ലൈനാ എപ്പോവും ഇല്ലൈ (ഇപ്പോഴില്ലെങ്കില്‍ ഒരിക്കലുമില്ല) എന്നിങ്ങനെയുള്ള ബാനര്‍ ഉയര്‍ത്തിപ്പിടിച്ചായിരുന്നു കഴിഞ്ഞ ദിവസങ്ങളില്‍ ആരാധകരുടെ പ്രതിഷേധം. ഇനി തനിക്കു വേണ്ടി ആരും തെരുവില്‍ ഇറങ്ങരുത് എന്നും താരം അഭ്യര്‍ത്ഥിച്ചു.

രജനിയുടെ രാഷ്ട്രീയപ്രവേശം ആവശ്യപ്പെട്ട് ആരാധകരുടെ നിരാഹാരം; ലക്ഷങ്ങള്‍ തെരുവില്‍

2020 ഡിസംബര്‍ 31ന് രാഷ്ട്രീയപ്പാര്‍ട്ടി പ്രഖ്യാപിക്കും എന്നാണ് രജനീകാന്ത് അറിയിച്ചിരുന്നത്. എന്നാല്‍ ആരോഗ്യ കാരണങ്ങളാല്‍ സജീവ രാഷ്ട്രീയത്തിലേക്കില്ലെന്ന് താരം വ്യക്തമാക്കിയിരുന്നു.

English Summary : Rajini is adamant that he will not enter politics

കൊച്ചി: സംസ്ഥാനത്ത് തിയേറ്ററുകള്‍ തുറക്കാന്‍ ധാരണയായി. മുഖ്യമന്ത്രിയുമായി പ്രൊഡ്യൂസേഴ്സ് അസോസിയേഷന്‍ പ്രസിഡന്റ് രഞ്ജിത്ത്, ജനറല്‍ സെക്രട്ടറി ആന്റോ ജോസഫ്, ഹംസ, ഫിലിം ചേംബര്‍ പ്രസിഡന്റ് വിജയ കുമാര്‍, ഫിയോക്ക് ജനറല്‍ സെക്രട്ടറി ബോബി എന്നിവര്‍ നടത്തിയ കൂടികാഴ്ചയിലാണ് ധാരണയായത്.

ഇന്ന് വൈകിട്ട് കൊച്ചിയില്‍ വെച്ച് നിര്‍മ്മാതാക്കളുടെ സംഘടന അടിയന്തര യോഗം വിളിച്ചിട്ടുണ്ട്. നിലവില്‍ റിലീസ് ചെയ്യാനിരിക്കുന്ന ചിത്രങ്ങളുടെ 80 നിര്‍മ്മാതാക്കളെയാണ് യോഗത്തില്‍ വിളിച്ചിരിക്കുന്നത്. സിനിമകള്‍ മുന്‍ഗണന അടിസ്ഥാനത്തില്‍ റിലീസ് ചെയ്യുന്ന കാര്യങ്ങള്‍ ഇവരുമായി ചര്‍ച്ച ചെയ്യും. തിയേറ്റര്‍ തുറക്കുന്ന തീയതിയും യോഗത്തിന് ശേഷം പ്രഖ്യാപിക്കും.

നിര്‍മ്മാതാക്കളുടെയും തിയേറ്റര്‍ ഉടമകളുടെയും ഉപാധികള്‍ മുഖ്യമന്ത്രി അംഗീകരിച്ചതിനാലാണ് ഈ തീരുമാനം. വിനോദ നികുതി ഒഴിവാക്കണമെന്ന ആവശ്യവും മുന്നോട്ടുവെച്ചിരുന്നു. വിനോദ നികുതി ഒഴിവാക്കിയാല്‍ 50 ശതമാനം സീറ്റിങ് മൂലമുണ്ടാകുന്ന നഷ്ടം മറിക്കടക്കാനാകും. തീയേറ്റര്‍ ഉടമകള്‍ക്ക് ലൈസന്‍സ് പുതുക്കാന്‍ സാവകാശവും നല്‍കിയിട്ടുണ്ട്.

അതേസമയം, സെക്കന്‍ഡ് ഷോ അനുവദിക്കാന്‍ സാധിക്കില്ലെന്ന് മുഖ്യമന്ത്രി പറഞ്ഞു. ഇതോടെ ജനുവരി 13-ന് പുറത്തിറങ്ങുന്ന വിജയ് ചിത്രം മാസ്റ്ററിന് കേരളത്തില്‍ റിലീസ് ചെയ്യാനാകും.

English Summary : Theaters will open

തിരുവനന്തപുരം: മലയാള ചലച്ചിത്ര മേഖലയെ ദേശീയതലത്തിൽ എത്തിച്ച തിരുവനന്തപുരത്തിന്റെ സ്വന്തം സംവിധായകനാണ് പ്രിയദർശനെന്ന് നഗരസഭ മേയർ ആര്യാ രാജേന്ദ്രൻ അഭിപ്രായപ്പെട്ടു. പ്രേം നസീർ സുഹൃത് സമിതിയുടെ പുരസ്കാരം സംവിധായകൻ പ്രിയദർശനു നൽകി സംസാരിക്കുകയായിരുന്നു മേയർ ആര്യ. കൈകൊണ്ടു തൊട്ട  സിനിമകളെല്ലാം വൻ വിജയമായിരുന്നു. ചരിത്രമായിരുന്ന കാലാപാനിയും ഇപ്പോൾ മരയ്ക്കാർ അറബിക്കടലിന്റെ സിംഹം തുടങ്ങിയ ചിത്രങ്ങൾ പൂർത്തീകരിച്ചു നാട്ടിൽ മടങ്ങി എത്തിയ പ്രിയദർശന്റെ വീട്ടിലായിരുന്നു ഇന്നലെ രാവിലെ ചടങ്ങ് നടന്നത്. ഹോളിവുഡിലും ബോളിവുഡിലുമെല്ലാം  പ്രിയദർശൻ പോയെങ്കിലും ഇപ്പോഴും തിരുവനന്തപുരത്തിന്റെ സ്വന്തം സംവിധായകനാണ്. തിരുവനന്തപുരം നഗര വികസനത്തിന് വേണ്ടിയും  വൃത്തിയാക്കുന്നതിനും തിരുവനന്തപുരം നഗരസഭ മുന്നോട്ടുവയ്ക്കുന്ന പദ്ധതികൾക്ക് ചലച്ചിത്ര സംവിധായകൻ പ്രിയദർശൻ മേയർക്ക് പൂർണ്ണ പിന്തുണ നൽകി. പ്രേം നസീർ പുരസ്കാരം മേയർ ആര്യയുടെ കയ്യിൽ നിന്ന് വാങ്ങുമ്പോൾ ഒരു മക്കളുടെ കയ്യിൽ നിന്നും അച്ഛൻ ഏറ്റുവാങ്ങുന്ന പുരസ്കാരമാണിതെന്ന്  പ്രിയദർശൻ പറഞ്ഞു. ചടങ്ങിൽ പ്രേം നസീർ സുഹൃത് സമിതി പ്രസിഡന്റ് പനച്ചമൂട് ഷാജഹാൻ, സെക്രട്ടറി തെക്കൻസ്റ്റാർ ബാദുഷ, ഇൻഡോ അറബ് ഫ്രണ്ട്ഷിപ്പ് സെന്റർ കോർഡിനേറ്റർ എം.മുഹമ്മദ് മാഹീൻ, ചലച്ചിത്രാസ്വാദന സംഘം കൺവീനർ ഷാനവാസ് തുടങ്ങിയവർ പങ്കെടുത്തു.

English Summary : Priyadarshan Thiruvananthapuram’s own director: Mayor