കേരളത്തിൽ പ്രിന്റഡ് ലൈസൻസും ആർ‌സി ബുക്കും നിർത്തുന്നതിനുള്ള സർക്കാരിന്റെ തീരുമാനം ഏറെ ചർച്ചയാകുന്നു. ഡിജിറ്റൽ യുഗത്തിലേക്ക് മാറുന്നതിന്റെ ഭാഗമായി, പരമ്പരാഗത രേഖകളിൽ നിന്ന് മാറി ഡിജിറ്റൽ സേവനങ്ങളിലേക്ക് ശ്രദ്ധ കേന്ദ്രീകരിക്കുന്നതിന്റെ ഭാഗമായാണ് ഈ തീരുമാനമെടുത്തിരിക്കുന്നത്.

പ്രധാനപ്പെട്ട കാര്യങ്ങൾ:

• ആധുനികവൽക്കരണം: പ്രിന്റിംഗ് രേഖകളിൽ നിന്ന് മാറി ഡിജിറ്റൽ സേവനങ്ങളിലേക്ക് മാറുന്നത് സർക്കാരിന്റെ ആധുനികവൽക്കരണ ശ്രമങ്ങളുടെ ഭാഗമാണ്.
• സുരക്ഷിതമായ സംരക്ഷണം: ഡിജിറ്റൽ രേഖകൾ കൂടുതൽ സുരക്ഷിതമായി സൂക്ഷിക്കാൻ സഹായിക്കും. ഡിജി ലോക്കറിൽ സൂക്ഷിക്കുന്ന രേഖകൾ എപ്പോൾ വേണമെങ്കിലും ആവശ്യക്കാർക്ക് ആക്സസ് ചെയ്യാം.
• സമയ ലാഭം: ഓഫീസുകൾ കറങ്ങി നടക്കേണ്ട ആവശ്യമില്ലാതെ ഓൺലൈനായി തന്നെ എല്ലാ സേവനങ്ങളും ലഭ്യമാക്കും.
• പരിസ്ഥിതി സൗഹൃദം: പേപ്പർ ഉപയോഗം കുറയ്ക്കുന്നതിലൂടെ പരിസ്ഥിതി സംരക്ഷണത്തിനും സഹായിക്കും.

എങ്ങനെയാണ് ഡിജിറ്റൽ രേഖകൾ ലഭിക്കുക?

• ആധാർ കാർഡ് പോലെ: ആധാർ കാർഡ് ഡൗൺലോഡ് ചെയ്യുന്നതുപോലെ തന്നെ ലൈസൻസും ആർ‌സി ബുക്കും ഡൗൺലോഡ് ചെയ്യാം.
• ഡിജി ലോക്കർ: ഡൗൺലോഡ് ചെയ്ത രേഖകൾ ഡിജി ലോക്കറിൽ സൂക്ഷിക്കാം.
• പരിശോധന: വാഹന പരിശോധനയോ മറ്റ് ഔദ്യോഗിക ആവശ്യങ്ങൾക്കോ ആവശ്യമെങ്കിൽ ഡിജി ലോക്കറിലെ രേഖകൾ ഹാജരാക്കിയാൽ മതി.

മറ്റ് സംസ്ഥാനങ്ങളും ഈ മാതൃക സ്വീകരിച്ചു

കേരളം മാത്രമല്ല, ഇന്ത്യയിലെ മറ്റ് ചില സംസ്ഥാനങ്ങളും ഇത്തരത്തിലുള്ള ഡിജിറ്റൽ സേവനങ്ങൾ നടപ്പിലാക്കിയിട്ടുണ്ട്. ഈ തീരുമാനത്തോടെ കേരളം ഈ പട്ടികയിലേക്ക് ഇടം നേടിയിരിക്കുന്നു.

തീവ്രമായ വയറുവേദനിയെ തുടർന്ന് നടൻ രജനീകാന്തിനെ അപ്പോളോ ആശുപത്രിയിൽ പ്രവേശിപ്പിച്ചു.73 വയസുള്ള രജനീകാന്തിനെ തിങ്കളാഴ്ച രാത്രി ആശുപത്രിയിൽ പ്രവേശിപ്പിച്ചതായി റിപ്പോർട്ടുകൾ പറയുന്നു.നിലവില്‍ ആരോഗ്യം തൃപ്തികരമാണെന്നും ഒരു ദേശീയ മാധ്യമം റിപ്പോര്‍ട്ട് ചെയ്തിട്ടുണ്ട്.

രജനികാന്തിന്റെ ആരോഗ്യനിലയിൽ അശ്കങ്കവേണ്ടെന്ന് തമിഴ്നാട് ആരോഗ്യമന്ത്രി പറഞ്ഞു .ഡോ. സായി സതീഷ് എന്ന ഇന്റർവെൻഷണൽ കാർഡിയോളജിസ്റ്റിന്റെ നിരീക്ഷണത്തിലാണ് രജനീകാന്ത്.നേരത്തെ നിശ്ചയിച്ചിരുന്ന എലക്ടീവ് പ്രൊസീജിയറിന് അദ്ദേഹത്തെ വിധേയനാക്കുമെന്ന് വൃത്തങ്ങൾ സ്ഥിരീകരിച്ചു.

തിരുവനന്തപുരം, സെപ്റ്റംബർ 30: നാളെ ഒക്ടോബർ 1 മുതൽ രണ്ട് ദിവസത്തെ മദ്യവിൽപ്പന നിരോധനം കേരളത്തിൽ ഏർപ്പെടുത്തുന്നു. സംസ്ഥാനത്തെ എല്ലാ ബെവ്‌കോ ഔട്ട്ലെറ്റുകളും ബാറുകളും ഈ കാലയളവിൽ അടച്ചിരിക്കും.

നാളെ എല്ലാ മാസത്തെയും പോലെ ഡ്രൈ ഡേ ആയി ആചരിക്കുന്നതിനും മറ്റന്നാൾ ഗാന്ധി ജയന്തി ആയതിനാലുമാണ് ഈ തീരുമാനം. ഇതോടെയാണ് തുടർച്ചയായ രണ്ട് ദിവസം അടച്ചിടൽ ഉണ്ടാവുന്നത്.

കൂടാതെ, ഇന്ന് വൈകീട്ട് ബെവ്‌കോ ഔട്ട്ലെറ്റുകൾ സാധാരണയേക്കാൾ നേരത്തെ അടയ്ക്കും. സ്റ്റോക്ക് എടുക്കുന്നതിന്റെ ഭാഗമായാണ് ഈ നടപടി. എന്നാൽ ബാറുകളിൽ ഇന്ന് രാത്രി 11 മണി വരെ മദ്യം ലഭിക്കും.

മദ്യ ശാലകൾ വീണ്ടും തുറക്കുന്നത് വ്യാഴാഴ്ച ഒക്ടോബർ 3 ആയിരിക്കും.

വേണി പ്രൊഡക്ഷൻസിൻ്റെ ബാനറിൽ എസ്. ചിദംബരകൃഷ്ണൻ നിർമ്മിച്ച് രഞ്ജിത്ത് ജി.വി രചനയും സംവിധാനവും നിർവ്വഹിക്കുന്ന ” നേരറിയും നേരത്ത് ” എന്ന ചിത്രം പ്രമേയമാക്കുന്നത് സാമൂഹികമായി രണ്ടു തലങ്ങളിൽ ജീവിക്കുന്ന കുടുംബങ്ങളിലെ അംഗങ്ങളായ സണ്ണിയും അപർണയും തമ്മിലുള്ള തീവ്രപ്രണയവും തുടർന്നുണ്ടാകുന്ന സങ്കീർണ്ണങ്ങളായ സംഭവവികാസങ്ങളമാണ്. ചിത്രത്തിൻ്റെ ചിത്രീകരണം പൂജാ ചടങ്ങുകളോടെ തിരുവനന്തപുരത്ത് തുടങ്ങി.

അഭിറാം രാധാകൃഷ്ണനും ഫറാ ഷിബ്‌ലയുമാണ് ലീഡ് കഥാപാത്രങ്ങളെ അവതരിപ്പിക്കുന്നത്. കൂടാതെ സ്വാതിദാസ് പ്രഭു, രാജേഷ് അഴിക്കോടൻ, കല സുബ്രമണ്യൻ എന്നിവരും കഥാപാത്രങ്ങളാകുന്നു.

ബാനർ – വേണി പ്രൊഡക്ഷൻസ്, രചന, സംവിധാനം – രഞ്ജിത്ത് ജി. വി, നിർമ്മാണം – എസ്. ചിദംബരകൃഷ്ണൻ, ഛായാഗ്രഹണം – ഉദയൻ അമ്പാടി, എഡിറ്റിംഗ് – മനു ഷാജു, ഗാനരചന – സന്തോഷ് വർമ്മ, സംഗീതം – ടി.എസ്. വിഷ്ണു, പ്രൊഡക്ഷൻ കൺട്രോളർ -കല്ലാർ അനിൽ, ചീഫ് അസ്സോസിയേറ്റ് ഡയറക്ടർ -ജിനി സുധാകരൻ, അസ്സോസിയേറ്റ് ഡയറക്ടർ – അരുൺ ഉടുമ്പ്ഞ്ചോല, കല- അജയ്. ജി അമ്പലത്തറ, കോസ്റ്റ്യും – റാണ പ്രതാപ്, ചമയം – അനിൽ നേമം, സ്റ്റിൽസ് – നൗഷാദ് കണ്ണൂർ, ഡിസൈൻസ് – പ്രമേഷ് പ്രഭാകർ, പിആർഓ – അജയ് തുണ്ടത്തിൽ.

ന്യൂഡൽഹി, സെപ്റ്റംബർ 30, 2024: ബലാത്സംഗ കേസിൽ പ്രതിയായ മലയാളം അഭിനേതാവ് സിദ്ദിഖിന് സുപ്രീം കോടതി ഇടക്കാല ജാമ്യം അനുവദിച്ചു. രണ്ടാഴ്ചത്തേക്ക് അറസ്റ്റ് തടഞ്ഞുകൊണ്ടാണ് ജാമ്യം അനുവദിച്ചിരിക്കുന്നത്.

കേരള ഹൈക്കോടതി സിദ്ദിഖിന്റെ മുൻകൂർ ജാമ്യാപേക്ഷ തള്ളിയതിനെ തുടർന്നാണ് അദ്ദേഹം സുപ്രീം കോടതിയെ സമീപിച്ചത്. പോലീസിൽ ഒരു അഭിനേത്രി നൽകിയ പരാതിയിൽ സിദ്ദിഖ് പ്രതിയാണ്.

കേസ് രജിസ്റ്റർ ചെയ്തതിന് ശേഷം സിദ്ദിഖ് ഒളിവിലാണ്. സുപ്രീം കോടതിയുടെ തീരുമാനം അദ്ദേഹത്തിന് വലിയ ആശ്വാസമായിരിക്കും. എന്നാൽ, പാസ്പോർട്ട് ഏർപ്പെടുത്തൽ, അന്വേഷണത്തിൽ സഹകരിക്കൽ തുടങ്ങിയ കർശന വ്യവസ്ഥകൾ കോടതി വിധിച്ചിട്ടുണ്ട്

യാത്രക്കാരായ മുതിർന്ന സ്ത്രീകളും കൈക്കുഞ്ഞുങ്ങളുള്ള അമ്മമാരും ആവശ്യപ്പെടുന്ന സ്ഥലത്ത് രാത്രിസമയത്ത് ബസ് നിർത്തിക്കൊടുക്കണമെന്ന് ഗതാഗതമന്ത്രി കെ.ബി. ഗണേഷ് കുമാർ. അതുകൊണ്ടൊന്നും ഒരു നഷ്ടവും വരാനില്ല. നിർത്തില്ല എന്ന പിടിവാശികൾ വേണ്ടാ. ആരും നിങ്ങളുടെ പേരിൽ നടപടിയെടുക്കില്ല. അങ്ങനെ നടപടിയെടുത്താൽ എന്നെ സമീപിച്ചാൽ മതി, പരിഹരിക്കാം. യാത്രക്കാരെ സ്‌നേഹത്തോടെ, സമാധാനത്തോടെ സുരക്ഷിതരായി കൊണ്ടുചെന്ന് എത്തിക്കേണ്ട ഉത്തരവാദിത്വം നമുക്കുണ്ട് -കെ.എസ്.ആർ.ടി.സി ജീവനക്കാരോടായി മന്ത്രി പറഞ്ഞു.

പാലക്കാട്, എറണാകുളം കെ.എസ്.ആർ.ടി.സി. ബസ് സ്റ്റാൻഡുകളിൽ ശീതീകരിച്ച വിശ്രമ കേന്ദ്രങ്ങൾ ഉടൻ ആരംഭിക്കുമെന്ന് ഗതാഗതമന്ത്രി കെ.ബി. ഗണേഷ് കുമാർ അറിയിച്ചു. നിലവിൽ തിരുവനന്തപുരത്ത് ശീതീകരിച്ച വിശ്രമമുറി ഉണ്ട്. കോഴിക്കോടിനു പിന്നാലെ അങ്കമാലിയിലും ശീതീകരിച്ച വിശ്രമമുറി വരുമെന്നും അദ്ദേഹം കൂട്ടിച്ചേർത്തു.

കെ.എസ്.ആർ.ടി.സി.യുടെ 93 ഡിപ്പോകളും അടുത്ത മൂന്ന് മാസത്തിനകം ലാഭത്തിലാക്കുമെന്ന് മന്ത്രി അറിയിച്ചു. ലാഭത്തിലാക്കാൻ സാധിക്കാത്തവ ലാഭവും നഷ്ടവും ഇല്ലാത്ത രീതിയിലെങ്കിലും ആക്കിയെടുക്കും. ഇതിനുള്ള നടപടികൾ കൈക്കൊണ്ടു കഴിഞ്ഞു. ഇതുപ്രകാരം ഡിപ്പോകൾക്ക് കൂടുതൽ അധികാരം ലഭിച്ചിട്ടുണ്ട്. നിലവിൽ 15 ഡിപ്പോകൾ ഒഴികെ ബാക്കിയുള്ളതെല്ലാം ലാഭത്തിലും ലാഭവും നഷ്ടവും ഇല്ലാത്ത രീതിയിലുമായിക്കഴിഞ്ഞതായും മന്ത്രി അറിയിച്ചു.

കൊച്ചി: ബ്ലാക്മെയിൽ ചെയ്തുവെന്ന് ചൂണ്ടിക്കാട്ടി നടനും സംവിധായകനുമായ ബാലചന്ദ്ര മേനോൻ അഭിഭാഷകനെതിരെ നൽകിയ പരാതിയിൽ പ്രതികരിക്കാനില്ലെന്ന് നടി. ആലുവ സ്വദേശിയായ നടിയും അഭിഭാഷകനും ബ്ലാക്മെയിൽ ചെയ്തുവെന്ന് ബാലചന്ദ്രമേനോൻ സംസ്ഥാന പൊലീസ് മേധാവിക്ക് പരാതി നൽകിയിരുന്നു. താൻ നൽകിയ പരാതികളിൽ വ്യക്തമായ തെളിവുകളുണ്ടെന്നും നടി വ്യക്തമാക്കി.

അഡ്വക്കേറ്റ് സന്ദീപ് എന്നാണ് പരിചയപ്പെടുത്തിയത്. 3 ലൈംഗിക പീഡനക്കേസുകൾ താങ്കൾക്കെതിരെ വരുന്നു എന്നൊരു മുന്നറിയിപ്പ് നൽകി. ആ ഫോൺകോൾ അപ്പോൾ തന്നെ കട്ട് ചെയ്തു. എന്നാൽ അടുത്ത ദിവസം തന്നെ ഈ നടി, അതായത് മുകേഷിനും മണിയൻപിള്ള രാജുവിനും എതിരെ പരാതി പറഞ്ഞിട്ടുള്ള നടി സമൂഹമാധ്യമത്തിൽ തൻറെയടക്കം ഫോട്ടോ ഷെയർ ചെയ്തുകൊണ്ട് കമിംഗ് സൂൺ എന്ന് പറഞ്ഞ് ലൈംഗിക ആരോപണങ്ങൾ സൂചിപ്പിക്കുന്ന ചില പോസ്റ്റുകളിട്ടുവെന്നും ബാലചന്ദ്രമേനോൻ പരാതിയിൽ ചൂണ്ടിക്കാട്ടി.ആലുവ സ്വദേശിയായിട്ടുള്ള നടിയും ഇവരുടെ അഭിഭാഷകനുമാണ് പണം ലക്ഷ്യമിട്ട് തനിക്കെതിരെ ഗൂഢാലോചന നടത്തുന്നുവെന്ന് മുഖ്യമന്ത്രിക്കും സംസ്ഥാന പൊലീസ് മേധാവിക്കും നൽകിയ പരാതിയിൽ ബാലചന്ദ്രമേനോൻ പറയുന്നത്. കഴിഞ്ഞ സെപ്റ്റംബർ 13ാം തീയതി തനിക്കൊരു ഫോൺകോൾ വന്നിരുന്നു.

There is no response to the complaint filed by Balachandra Menon; The accused actress

എഴുപതാമത് നെഹ്റു ട്രോഫി വള്ളംകളിയിൽ തുടർച്ചയായി അഞ്ചാം വർഷവും കപ്പ് സ്വന്തമാക്കി കാരിച്ചാൽ ചുണ്ടൻ. ആവേശോജ്ജ്വലമായ മത്സരത്തിന് ശേഷമാണ് കാരിച്ചാൽ ചുണ്ടൻ വീണ്ടും കപ്പ് സ്വന്തമാക്കിയത്. ഇഞ്ചോടിഞ്ച് പോരാട്ടമാണ് അവസാന ടീമുകൾ തമ്മിൽ നടന്നത്. അതേസമയം അഞ്ചു വർഷമായി കപ്പ് നേടുന്ന ആദ്യക്ലബ്ബായി മാറി ചരിത്രം കുറിച്ചിരിക്കുകയാണ് പള്ളാത്തുരുത്തി ബോട്ട്ക്ലബ്ബ്.

മത്സരം വയനാട് ദുരന്തത്തെ തുടർന്ന് മാറ്റിവെച്ച എഴുപതാമത് നെഹ്റു ട്രോഫി വള്ളംകളി മത്സരമാണ് ഇന്ന് നടന്നത്. ഓഗസ്റ്റ് 10ന് നടക്കേണ്ട വള്ളംകളി മത്സരം ഒന്നര മാസത്തോളം വൈകിയാണ് നടത്തിയത്. 19 ചുണ്ടൻ വള്ളങ്ങൾ അടക്കം 72 കളിവള്ളങ്ങളാണ് മത്സരത്തിൽ പങ്കെടുത്തത്. ഉച്ചയ്ക്ക് രണ്ടേ കാലിന് ടൂറിസം മന്ത്രി പിഎ മുഹമ്മദ് റിയാസ് പതാക ഉയര്‍ത്തിയതോടെയാണ് നെഹ്റു ട്രോഫി വള്ളം കളിക്ക് ഔദ്യോഗിക തുടക്കമായത്.

3.24ഓടെയാണ് ചുണ്ടൻ വള്ളങ്ങളുടെ ഹീറ്റ്സ് മത്സരം ആരംഭിച്ചത്. വൈകിട്ടാണ് ജലരാജക്കന്മാരെ കണ്ടെത്താനുള്ള ഫൈനൽ മത്സരം ആരംഭിച്ചത്. അഞ്ച് ഹീറ്റ്സ് മത്സരങ്ങളിലായി 19ചുണ്ടൻ വള്ളങ്ങളാണ് മാറ്റുരച്ചത്. ഹീറ്റ്സ് മത്സരത്തില്‍ ഏറ്റവും കുറഞ്ഞ സമയത്തിനുള്ളിൽ ഫിനിഷ് ചെയ്ത നാലു ടീമുകളാണ് ഫൈനലിന് യോഗ്യത നേടിയത്. കാരിച്ചാൽ (4:14:35),വിയപുരം (4:22:58), നിരണം (4:23:00),നടുഭാഗം (4:23:31) എന്നീ ചുണ്ടൻ വള്ളങ്ങളാണ് ഫൈനലിൽ മത്സരിച്ചത്.

Karichal chundan won Nehuru trophy vallamkali