പെരിയ: പെരിയയില്‍ വീട്ടമ്മയെ പ്ലാവിന്‍ കൊമ്പില്‍ തൂങ്ങിമരിച്ച നിലയില്‍ കണ്ടെത്തി. പെരിയ പുക്കളത്തെ കൃഷ്ണന്റെ ഭാര്യ പി സുന്ദരി(62)യാണ് മരിച്ചത്. വ്യാഴാഴ്ച പുലര്‍ച്ചെ മൂന്ന് മണിയോടെ വീടിന് സമീപത്തെ പ്ലാവില്‍ സുന്ദരിയെ തൂങ്ങിയ നിലയില്‍ കണ്ടെത്തുകയായിരുന്നു.

ഉടന്‍ തന്നെ ബന്ധുക്കള്‍ ആസ്പത്രിയില്‍ പ്രവേശിച്ചെങ്കിലും മരണം സംഭവിച്ചു. ബേക്കല്‍ പൊലീസ് ഇന്‍ക്വസ്റ്റ് നടത്തിയശേഷം മൃതദേഹം പോസ്റ്റുമോര്‍ട്ടത്തിനായി കാസര്‍കോട് ജനറല്‍ ആസ്പത്രിയിലേക്ക് മാറ്റി.

housewife death

ആലപ്പുഴ: കഞ്ചാവ് കേസിൽ യു പ്രതിഭ എംഎൽഎയുടെ മകൻ കനിവിനെ ഒഴിവാക്കി എക്സൈസ് കുറ്റപത്രം. കനിവിനെ ഒൻപതാം പ്രതിയായി FIR ഇട്ട കേസിലാണ് ഏഴുപേരെ ഒഴിവാക്കി കുറ്റപത്രം സമർപ്പിച്ചത്. എക്സൈസ് സമർപ്പിച്ച കുറ്റപത്രത്തിൽ ആകെ രണ്ട് പ്രതികൾ മാത്രമാണുള്ളത്. അമ്പലപ്പുഴ കോടതിയിലാണ് കുറ്റപത്രം സമർപ്പിച്ചത്.

ഡിസംബർ 28 നാണ് ആലപ്പുഴ തകഴിയിൽ നിന്ന് യു പ്രതിഭ എംഎൽഎയുടെ മകൻ കനിവ് ഉൾപ്പടെ ഒൻപത് പേരെ കഞ്ചാവ് ഉപയോഗിച്ച് കൊണ്ടിരിക്കെ കുട്ടനാട് എക്സൈസ് സംഘം പിടികൂടിയത്. കേസിൽ ഒൻപതാം പ്രതിയായിരുന്നു കനിവ്. കഞ്ചാവ് കൈവശം വച്ചതിനും പൊതു സ്ഥലത്ത് കഞ്ചാവ് ഉപയോഗിച്ചതിനുമായിരുന്നു കേസ്. ജാമ്യം കിട്ടുന്ന വകുപ്പുകളായതിനാൽ സ്റ്റേഷൻ ജാമ്യത്തിൽ വിടുകയും ചെയ്തിരുന്നു.

യു പ്രതിഭയുടെ മകൻ കനിവ് ഒൻപതാം പ്രതിയായി എഫ്ഐആർ ഇട്ട കേസിലാണ് കനിവ് ഉൾപ്പടെ ഏഴു പേരെ ഒഴിവാക്കി കുറ്റപത്രം സമർപ്പിച്ചിരിക്കുന്നത്. തെളിവുകളുടെ അഭാവത്തിൽ ഏഴു പേരെ ഒഴിവാക്കിയതായി എക്സൈസ് ഇടക്കാല റിപ്പോർട്ട് നേരത്തെ കോടതിയിൽ സമർപ്പിച്ചിരുന്നു.

u prathibha mla son case

കൊച്ചി: ആന ഇടഞ്ഞാൽ ഇനി ഉടമസ്ഥനും പാപ്പാനും വെട്ടിലാകും .ക്ഷേത്ര പരിപാടിക്കിടയിൽ ആന ഇടഞ്ഞാൽ ഉത്തരവാദിത്വം ഉടമസ്ഥനും പാപ്പാൻമാർക്കുമെന്ന് ഹൈക്കോടതി .ജസ്റ്റിസ് സി.പ്രദീപ് കുമാർ അധ്യഷനായ ബെഞ്ചാണ് ഉത്തരവിട്ടത്.2008 ൽ കോട്ടയം കുറ്റിക്കാട്ട് ക്ഷേത്രത്തിലെ ഉത്സവത്തിൽ ബാസ്റ്റിൻ വിനയശങ്കർ എന്ന ആനയുടെ ആക്രമണത്തിൽ മരിച്ച വിൻസെന്റിന്റെ കുടുംബാംഗങ്ങൾ ഗങ്ങൾ നൽകിയ ഹർജി പരിഗണിക്കുകയായിരുന്നു കോടതി.

elephant at festival

ജനസംഖ്യാ വര്‍ദ്ധനവും അതിന് ആനുപാതികമായ വികസന പ്രവര്‍ത്തനങ്ങളും നമുക്ക് ഒഴിവാക്കുവാന്‍ കഴിയില്ലെങ്കിലും  പരിസ്ഥിതിയെ മറന്നുകൊണ്ടുള്ള വികസനം നമ്മെ പിന്നോട്ട് നയിക്കും എന്ന് വനം മന്ത്രി എ.കെ. ശശീന്ദ്രന്‍.
ലോക പരസ്ഥിതിദിനാഘോഷ പരിപാടികളുടെ സംസ്ഥാനതല ഉദ്ഘാടനം പി.ടി.പി. നഗര്‍, അരണ്യം ഹാളില്‍ നിര്‍വ്വഹിച്ച് സംസാരിക്കുകയായിരുന്നു അദ്ദേഹം.
 പരിസ്ഥിതിദിനവുമായി ബന്ധപ്പെട്ട് ഓരോ വര്‍ഷവും വിവിധ പരിപാടികള്‍ സംഘടിപ്പിക്കാറുണ്ട്. എന്നാല്‍ നമ്മള്‍ ആശിച്ച നേട്ടം കൈവരിക്കാന്‍ കഴിഞ്ഞിട്ടില്ല എന്ന് മന്ത്രി പറഞ്ഞു.

‘സമയം തെറ്റിയെത്തുന്ന കാലവര്‍ഷം,  ഉരുള്‍പൊട്ടല്‍ തുടങ്ങിയ പ്രകൃതി പ്രതിഭാസങ്ങള്‍ ജീവന്റെ നിലനില്‍പ്പിനെ തന്നെ ചോദ്യം ചെയ്യുകയാണ്. പല സ്വാഭാവിക ആവാസവ്യവസ്ഥകളും ഇന്ന് വന്‍തോതിലുള്ള പ്ലാസ്റ്റിക് മലിനീകരണത്തിന് വിധേയമാണ്. നദികളിലൂടെ അവ കടലില്‍ എത്തി അവിടെ പ്ലാസ്റ്റിക് ദ്വീപുകള്‍ തന്നെ രൂപപ്പെട്ടിരിക്കുകയാണ്,’ അദ്ദേഹം പറഞ്ഞു.
കൂടാതെ മനുഷ്യ-വന്യജീവി സംഘര്‍ഷവുമായി ബന്ധപ്പെട്ട് വനം വകുപ്പ് ശക്തമായ നടപടികള്‍ സ്വീകരിച്ചുവരികയാണെന്നും എന്നാല്‍ ഇവയൊക്കെ മറികടക്കാനുള്ള പുതിയ മാര്‍ഗ്ഗങ്ങള്‍ വന്യജീവികള്‍ കൈക്കൊള്ളാറണ്ടെന്നും അദ്ദേഹം പറഞ്ഞു.
ചടങ്ങില്‍ വനം മന്ത്രി വകുപ്പിന്റെ 12 ഓണ്‍ലൈന്‍ സേവനങ്ങള്‍ അടങ്ങിയ ഇ-ഗവേണന്‍സ് ഡിജിറ്റല്‍ സ്യൂട്ട്റിലീസ് ചെയ്തു. വകുപ്പിന്റെ നേട്ടങ്ങളുടെ പുസ്തകം, അരണ്യം പരിസ്ഥിതിദിന പ്രത്യേക പതിപ്പ്, വിത്തൂട്ട് കൈപുസ്തകം, സോളാര്‍ ഫെൻസിംഗുമായിബന്ധപ്പെട്ട കൈപുസ്തകം എന്നിവയും അദ്ദേഹം പ്രകാശനം ചെയ്തു.

പ്ലാസ്റ്റിക്കിനെതിരായുള്ള പോരാട്ടം കൂട്ടായി നടത്തണമെന്ന് അദ്ധ്യക്ഷ പ്രസംഗത്തില്‍ വട്ടിയൂര്‍ക്കാവ് എം.എല്‍.എ. വി.കെ. പ്രശാന്ത് പറഞ്ഞു.
പരിസ്ഥതിദിനവുമായി ബന്ധപ്പെട്ട് കേരള സര്‍വ്വകലാശാല അക്വാട്ടിക് ബയോളജി & ഫിഷറീസ് വകുപ്പ് അസി. പ്രൊഫസര്‍ ഡോ. സുവര്‍ണ്ണാദേവി എസ്. വിഷയാവതരണം നടത്തി.
ചീഫ് വൈല്‍ഡ് ലൈഫ് വാര്‍ഡന്‍ പ്രമോദ്. ജി. കൃഷ്ണന്‍ പരിസ്ഥിതിദിന സന്ദേശം നല്‍കി.  അഡീ. പ്രിന്‍സിപ്പല്‍ ചീഫ് ഫോറസ്റ്റ് കണ്‍സര്‍വേറ്റര്‍മാരായ ഡോ.പി. പുകഴേന്തി, എല്‍. ചന്ദ്രശേഖര്‍, ജസ്റ്റിന്‍ മോഹന്‍, ഫോറസ്റ്റ് കണ്‍സര്‍വേറ്റര്‍ (എച്ച്.ആര്‍.ഡി.) ഡി.കെ. വിനോദ് കുമാര്‍ എന്നിവര്‍ പങ്കെടുത്തു.

കൊച്ചി: പ്രമുഖ ക്യാൻസർ ചികിത്സാ വിദഗ്ധൻ ഡോ. വി. പി. ഗംഗാധരന് ജീവന് ഭീഷണി. 8.25 ലക്ഷം രൂപ ബ്ലഡ് മണിയായി നൽകിയില്ലെങ്കിൽ ഡോക്ടറെയും കുടുംബത്തെയും കൊലപ്പെടുത്തുമെന്ന് ഭീഷണിക്കത്ത്. മുംബൈയിൽ നിന്ന് ‘സിറ്റിസൺ ഫോർ ജസ്റ്റിസ്’ എന്ന പേര് വ്യക്തമാക്കി അയച്ച കത്തിൽ, ഡോ. ഗംഗാധരന്റെ ചികിത്സാപ്പിഴവ് മൂലം ഒരു പെൺകുട്ടി മരിച്ചുവെന്നും, കുട്ടിയുടെ അമ്മ ആത്മഹത്യ ചെയ്തുവെന്നും ആരോപണം. പെൺകുട്ടിയുടെ പിതാവ് നീതിക്കായി തങ്ങളെ സമീപിച്ചതായും കത്തിൽ പറയുന്നു.

മേയ് 17-ന് തപാൽ മുഖേന ലഭിച്ച കത്തിനെ തുടർന്ന് ഡോ. ഗംഗാധരൻ മരട് പൊലീസിൽ പരാതി നൽകി. മരട് പൊലീസ് കേസ് രജിസ്റ്റർ ചെയ്ത് അന്വേഷണം തുടങ്ങി. കത്തിൽ നൽകിയ ക്യുആർ കോഡ് വഴി 8.25 ലക്ഷം രൂപ ബിറ്റ്കോയിനായി നൽകണമെന്നാണ് ആവശ്യപ്പെട്ടിരിക്കുന്നത്. പണം നൽകിയില്ലെങ്കിൽ ഡോക്ടറുടെയും കുടുംബത്തിന്റെയും ജീവൻ അപകടത്തിലാകുമെന്ന് കത്തിൽ ഭീഷണി.

കോഴിക്കോട്: കോഴിക്കോട് 14 കാരന് പത്താം ക്ലാസ് വിദ്യാർത്ഥികളുടെ ക്രൂരമമർദനം. പുതുപ്പാടി ഗവൺമെന്റ് ഹൈസ്‌കൂളിലെ 14 വയസ്സുള്ള വിദ്യാർത്ഥിയെ ചൊവ്വാഴ്ച സ്‌കൂൾ പരിസരത്ത് വെച്ച് പത്താം ക്ലാസ് വിദ്യാർത്ഥികൾ ചേർന്ന് ശാരീരികമായി ആക്രമിച്ചു. റിപ്പോർട്ട് പ്രകാരം 15 പേരടങ്ങുന്ന ഒരു സംഘം വിദ്യാർത്ഥികളാണ് കുട്ടിയെ ആക്രമിച്ചത്. തലയ്ക്കും കണ്ണിനും പരിക്കേറ്റ കുട്ടി ഇപ്പോൾ ചികിത്സയിലാണ്. സംഭവത്തിൽ താമരശ്ശേരി പോലീസ് അന്വേഷണം ആരംഭിച്ചു. അധ്യാപകർ കുട്ടിയെ ആശുപത്രിയിൽ എത്തിച്ചില്ലെന്നും സംഭവം നടന്ന് ഒരു മണിക്കൂർ കഴിഞ്ഞാണ് തന്നെ അറിയിച്ചതെന്നും കുട്ടിയുടെ പിതാവ് ആരോപിച്ചു. നാല് വിദ്യാർത്ഥികളെ സ്‌കൂളിൽ നിന്ന് രണ്ടാഴ്ചത്തേക്ക് സസ്‌പെൻഡ് ചെയ്തതായി പ്രധാനാധ്യാപകൻ പ്രതികരിച്ചു.

kozhikode student attacked by 10th class students

ന്യൂഡല്‍ഹി: കൂടുതല്‍ കേന്ദ്രങ്ങള്‍ ഓപ്പറേഷന്‍ സിന്ദൂരില്‍ ഇന്ത്യ തകര്‍ത്തതായി പാകിസ്താന്റെ ഔദ്യോഗിക രേഖ.ഇന്ത്യന്‍ സൈന്യം വെളിപ്പെടുത്തിയതിനേക്കാള്‍ കൂടുതലാണിത്. പെഷവാര്‍, ഝാങ്, സിന്ധിലെ ഹൈദരാബാദ്, പാക് പഞ്ചാബിലെ ഗുജറാത്ത്, ഭവല്‍നഗര്‍, അട്ടോക്ക്, ചോര്‍ എന്നീ ഏഴു സ്ഥലങ്ങള്‍ കൂടി ആക്രമിക്കപ്പെട്ടതായി പാക് രേഖയിലെ മാപ്പില്‍ വ്യക്തമാക്കുന്നു.

വ്യോമാക്രമണത്തിനു ശേഷം ഇന്ത്യന്‍ വ്യോമസേനയും ഡയറക്ടര്‍ ജനറല്‍ ഓഫ് മിലിട്ടറി ഓപ്പറേഷന്‍സും വാര്‍ത്താസമ്മേളനങ്ങളില്‍ പറഞ്ഞതില്‍ ഈ പ്രദേശങ്ങള്‍ ഉള്‍പ്പെട്ടിരുന്നില്ല. നേരത്തെ കരുതിയതിനേക്കാള്‍ കൂടുതല്‍ ഉള്ളിലേക്കു കടന്ന് ഇന്ത്യ ശക്തമായ പ്രഹരമേല്‍പ്പിച്ചെന്നാണു ഇതു വെളിപ്പെടുത്തുന്നത്. വെടിനിര്‍ത്തലിനു വേണ്ടി പാകിസ്താന്‍ ഇന്ത്യയെ സമീപിക്കാന്‍ കാരണമെന്തെന്ന് ഇതിലൂടെ വ്യക്തമാകുന്നതായും വിലയിരുത്തപ്പെടുന്നു. ഇന്ത്യക്കു വലിയ നാശന്ഷടങ്ങളുണ്ടാക്കിയെന്ന പാകിസ്താന്റെ അവകാശവാദവും പൊളിയുകയാണ്.

india pak war

കൊച്ചി: കാക്കനാട് ജയിലില്‍ ഗുണ്ടാനേതാക്കള്‍ക്ക് വെല്‍ഫെയര്‍ ഉദ്യോഗസ്ഥന്റെ വിരുന്ന്. തന്റെ റിട്ടയര്‍മെന്റ് പാര്‍ട്ടിയിലേക്ക് ജയിലിലെ വെല്‍ഫെയര്‍ ഉദ്യോഗസ്ഥന്‍ തന്നെയാണ് ഇവരെ ക്ഷണിച്ചത്.വിരുന്നിനെത്തിയ ഗുണ്ടകള്‍ ജയിലിലേക്ക് പോകുകയും വരികയും പരിപാടിയില്‍ പങ്കെടുക്കുകയും ചെയ്യന്നതിന്റെ റീല്‍സും എടുത്താണ് മടങ്ങിയതെന്നാണ് വിവരം. കൊച്ചിയിലെ മൂന്ന് ഗുണ്ടകളാണ് എത്തിയത്.

അതീവസുരക്ഷയുള്ള കാക്കനാട് ജയിലില്‍ കഴിഞ്ഞ 31 നായിരുന്നു ഉദ്യോഗസ്ഥന്റെ റിട്ടയര്‍മെന്റ് പരിപാടി. പോലീസിന് രഹസ്യവിരം കിട്ടിയതിന്റെ അടിസ്ഥാനത്തില്‍ രഹസ്യാന്വേഷണ വിഭാഗം ഈ സംഭവത്തില്‍ അന്വേഷണത്തിനൊരുങ്ങുകയാണെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
വെല്‍ഫെയര്‍ ഉദ്യോഗസ്ഥന്റെ ക്ഷണപ്രകാരമാണ് ഇവര്‍ ജയിലില്‍ എത്തിയതെന്നാണ് വിവരങ്ങള്‍. ജയിലില്‍ കഴിഞ്ഞ കുറേ വര്‍ഷമായി ജോലി ചെയ്തിരുന്ന ജീവനക്കാരനുമായി ഗുണ്ടാ നേതാക്കള്‍ക്ക് വലിയ ബന്ധമുണ്ടെന്നാണ് കരുതുന്നത്. തടവുകാര്‍ ഉള്ള ജയിലാണ് ഇത്. ഇതിനൊപ്പം ജയില്‍ വകുപ്പിന്റെയും അന്വേഷണം നടക്കുമെന്നാണ് വിവരം

Kakkanad jail authorities prepared a feast for the criminals

കൊച്ചി: രണ്ട് ദിവസം മുമ്പ് കൊച്ചി കായലിൽ കാണാതായ ടാൻസാനിയൻ നാവിക കേഡറ്റിന്റെ മൃതദേഹം ചൊവ്വാഴ്ച കണ്ടെത്തി. നാവിക താവളത്തിനും വെണ്ടുരുത്തി പാലത്തിനും ഇടയിലുള്ള തീരത്തിനടുത്താണ് 22 കാരനായ അബ്ദുൾ ഇബ്രാഹിമിന്റെ മൃതദേഹം കണ്ടെത്തിയതെന്ന് ഉന്നത വൃത്തങ്ങൾ സ്ഥിരീകരിച്ചു.

നാവികസേന ഇതുവരെ ഔദ്യോഗിക പ്രസ്താവനയൊന്നും പുറപ്പെടുവിച്ചിട്ടില്ല.കണ്ണൂരിലെ ഏഴിമല നാവിക അക്കാദമിയിലെ പരിശീലന സെഷനിൽ പങ്കെടുത്ത ശേഷം തിങ്കളാഴ്ച കൊച്ചിയിൽ നിന്ന് മടങ്ങേണ്ടിയിരുന്ന ഇബ്രാഹിം, സാഹസികമായി വെണ്ടുരുത്തി പാലത്തിൽ നിന്ന് ചാടിയതിനെ തുടർന്ന് ശക്തമായ ഒഴുക്കിൽപ്പെടുകയായിരുന്നു. മൃതദേഹം നാവിക താവളത്തിലെ ആശുപത്രിയിലേക്ക് മാറ്റി. മൃതദേഹം തിരിച്ചറിയുന്നതിനായി ഏഴിമല അക്കാദമിയിലെ ഒരു ഉദ്യോഗസ്ഥൻ ചൊവ്വാഴ്ച കൊച്ചിയിലെത്തും. ടാൻസാനിയൻ നയതന്ത്രജ്ഞരുമായി ഔദ്യോഗിക കൂടിയാലോചനകൾ നടത്തിയ ശേഷം ഇബ്രാഹിമിന്റെ മൃതദേഹം മാതൃരാജ്യത്തേക്ക് അയയ്ക്കുന്നതിനെക്കുറിച്ച് തീരുമാനമെടുക്കും.

കായലിൽ ഇബ്രാഹിമിനെ കാണാതായതായി റിപ്പോർട്ട് ലഭിച്ചതിനെത്തുടർന്ന് നാവികസേന തീവ്രമായ തിരച്ചിൽ ആരംഭിച്ചു. ഇന്ത്യയിലെ വിവിധ നാവിക താവളങ്ങളിൽ പരിശീലനം നേടിയ വിദേശ നാവിക കേഡറ്റുകളിൽ ഒരാളായിരുന്നു ഇബ്രാഹിം

tanzanian naval trainee missing kerala