സംസ്ഥാനത്തെ കാര്യക്ഷമമല്ലാത്ത കെട്ടിടങ്ങളുടെ പട്ടിക തേടി മുഖ്യമന്ത്രി. സ്കൂളുകളും ആശുപത്രികളും ഉൾപ്പെടെയുള്ള കെട്ടിടങ്ങളുടെ വിശദാംശങ്ങളാണ് സംസ്ഥാർ സർക്കാർ തേടിയത്. രണ്ടാഴ്ചക്കകം ഇക്കാര്യത്തിൽ റിപ്പോർട്ട് സമർപ്പിക്കാനാണ് മുഖ്യമന്ത്രി ദുരന്ത നിവാരണ വകുപ്പിനോട് ആവശ്യപ്പെട്ടത്. ഉന്നതതലയോഗത്തിലാണ് മുഖ്യമന്ത്രിയുടെ നിർദേശം

പൂർണമായും പൊളിച്ചുമാറ്റേണ്ട കെട്ടിടങ്ങൾ, അടിയന്തര അറ്റകുറ്റപ്പണികൾ നടത്തേണ്ടവ എന്നിവ വേർതിരിച്ച് വേണം പട്ടിക നൽകാൻ. സ്കൂൾ അവധി ദിവസം മുൻഗണന നൽകിവേണം വിദ്യാലയ കെട്ടിടങ്ങൾ പൊളിച്ചുമാറ്റാൻ. പൊളിച്ചുമാറ്റിയവ പുതുക്കിപ്പണിയുന്നതുവരെ ക്ലാസുകൾ നടത്താനുള്ള സംവിധാനം ഒരുക്കേണ്ടത് തദ്ദേശ സ്ഥാപനങ്ങളും പി ടി ഐയും വിദ്യാഭ്യാസ വകുപ്പും ചേർന്ന് ബദൽ സംവിധാനം ഒരുക്കണം.

സംസ്ഥാനത്തുടനീളം പ്രവർത്തിക്കുന്ന അൺ എയ്ഡഡ് സ്കൂൾ കെട്ടിടങ്ങളും സുരക്ഷാ പരിശോധന ഇതോടൊപ്പം നടത്താനും മുഖ്യമന്ത്രി നിർദേശിച്ചു. സ്കൂൾ കെട്ടിടങ്ങളും ആശുപത്രി കെട്ടിടങ്ങളുമാണ് പ്രധാനമായും പരിഗണിക്കുന്നതെങ്കിലും അപകടാവസ്ഥയിലുള്ള പൊതു കെട്ടിടങ്ങളുടെ വിശദാംശങ്ങൾ രേഖപ്പെടുത്താൻ സോഫ്റ്റ്വെയർ രൂപീകരിക്കാനും ധാരണയായി.

ഇലക്ട്രിക് മേഖലയിലെ കാര്യങ്ങൾ പരിശോധിച്ച് റിപ്പോർട്ട സമർപ്പിക്കാൻ ചീഫി ഇലട്രിക്കൽ ഓഫീസർ, തദ്ദേശ സ്വയംഭരണം പൊതുമരാമത്ത് വകുപ്പ് ഇലട്രിക്കൽ എഞ്ചിനീയർമാർ എന്നിവരുൾപ്പെടുന്ന സംഘം നിരന്തരം പരിശോധന നടത്തി റിപ്പോർട്ട് നൽകണമെന്നും മുഖ്യമന്ത്രിയുടെ നിർദേശത്തിലുണ്ട്.

സംസ്ഥാനത്ത് അടുത്തിടെയുണ്ടായ അപകടത്തിന്റെ പശ്ചാത്തലത്തിൽ കൂടിയാണ് തീരുമാനം. സർക്കാർ തലത്തിൽ നിന്ന് അടിയന്തര ഇടപെടൽ നടത്തുന്നതിന്റെ ഭാഗമായാണ് ഇത്തരത്തിലുള്ള ഇടപെടലുകൾ. മുഖ്യമന്ത്രിയുടെ അധ്യക്ഷതയിൽ ചേർന്ന യോഗത്തിൽ റവന്യൂ മന്ത്രി കെ രാജൻ, ധനമന്ത്രി കെ എൻ ബാലഗോപാൽ, പൊതുമരാമത്ത് മന്ത്രി പി എ മുഹമ്മദ് റിയാസ്, വിദ്യാഭ്യാസ മന്ത്രി വി ശിവൻകുട്ടി ആരോഗ്യമന്ത്രി വീണാ ജോർജ് എന്നിവർ പങ്കെടുത്തു. ചീഫ് സെക്രട്ടറി എ ജയതിലകും ജില്ലാ കലക്ടർമാരും യോഗത്തിൽ പങ്കെടുത്തു.

ഈ മഴക്കാലത്തിന് മുൻപ് തന്നെ കാര്യക്ഷമമല്ലാത്ത കെട്ടിടങ്ങൾ പുതുക്കിപ്പണിയാനുള്ള നടപടികൾ തുടങ്ങണമെന്നാണ് സർക്കാർ തീരുമാനും അതിന് മുൻപ് തന്നെ അടിയന്തര റിപ്പോർട്ട് തേടിയത് ഈ സാഹചര്യത്തിലാണ്. സംസ്ഥാനത്തെ എല്ലാ സ്കൂൾ കെട്ടിടങ്ങളുടേയും ആശുപത്രി, ഡിസ്പെൻസറി എന്നിവയുടെയും കാര്യക്ഷമത ഉറപ്പാക്കാൻ സർക്കാർ പദ്ധതി തയ്യാറാക്കുന്നത്.

kerala school fitness certificate

ന്യൂഡൽഹി: ട്രംപിന്റെ ഭീഷണിക്ക് ചെവി കൊടുക്കാതെ രാജ്യം. ഇന്ത്യ-റഷ്യ സംയുക്ത പദ്ധതിയായ ബ്രഹ്മോസ് മിസൈലുകൾക്ക് വിപുലമായ ഓർഡറുകൾ നൽകി ഇന്ത്യൻ കരസേനയും നാവികസേനയും. :ഓപ്പറേഷൻ സിന്ദൂർ തിരിച്ചടിയിൽ ഇന്ത്യയുടെ ക്രൂയിസ് മിസൈലായ ബ്രഹ്മോസ് വഴി പാകിസ്ഥാന് നൽകിയത് കനത്ത പ്രവരമായിരുന്നു. പാക് തീവ്രവാദ കേന്ദ്രങ്ങളും സൈനികത്താവളങ്ങളും ആക്രമിച്ചത് കരയിൽ നിന്ന് കരയിലേക്ക് ലക്ഷ്യം സ്ഥാനം നിർണയിച്ച് തൊടുക്കുന്ന ബ്രഹ്മോസ് മിസൈലിലൂടെയാണ്. റഷ്യയുടെ പങ്കാളിത്തത്തോടെ ഇന്ത്യ നിർമ്മിക്കുന്ന ബ്രഹ്മോസിനായി കര, നാവികസേനഹകൾ ബൃഹത്തായ ഓർഡറുകളാണ് നൽകിയിരിക്കുന്നത്. കര, വ്യോമയുദ്ധങ്ങളിൽ നിന്ന് മാറി, സൈനിക നാശങ്ങൾ കുറയ്ക്കുന്ന ടെക്നോളജി സാധ്യതകൾ യുദ്ധതന്ത്രമായി പ്രയോ​ഗിക്കുകയാണ് ഇതിലൂടെ രാജ്യം. ഓപ്പറേഷൻ സിന്ദൂരിൽ ഇന്ത്യക്ക് സഹായമായത് റഡാർ കരുത്തും ബ്രഹ്മോസ് വഴിയുള്ള പ്രഹരവുമായിരുന്നു. പാക് വ്യോമതാവളങ്ങൾ അടക്കം തകർത്ത തിരിച്ചടിയിൽ ചൈനയുടെ മിസൈൽ വേഥാ സംവിധാനങ്ങൾ പോലും കാര്യക്ഷമായി പ്രവർത്തിച്ചിരുന്നില്ല.

ഇന്ത്യൻ നാവികസേനയുടെ യുദ്ധക്കപ്പലുകൾക്കായി ധാരാളം ബ്രഹ്മോസ് മിസൈലുകൾ വാങ്ങുന്നതിനും ഇന്ത്യൻ വ്യോമസേനയ്ക്കായി ഈ ആയുധങ്ങളുടെ കര, വ്യോമ പതിപ്പുകൾ ഉടൻ വാങ്ങുന്നതിനും ഉന്നതതല പ്രതിരോധ മന്ത്രാലയ യോഗം അനുമതി നൽകുമെന്ന് പ്രതിരോധ വകുപ്പിന്റെ പ്രസ്താവന. നാല് ദിവസത്തെ പോരാട്ടത്തിൽ പാകിസ്ഥാൻ വ്യോമതാവളങ്ങളെയും ആർമി കന്റോൺമെന്റുകളെയും ആക്രമിക്കാൻ മിസൈലുകൾ വലിയ തോതിൽ ഉപയോഗിച്ചു.നാവികസേന തങ്ങളുടെ വീർ-ക്ലാസ് യുദ്ധക്കപ്പലുകൾ സജ്ജമാക്കാൻ മിസൈലുകൾ ഉപയോഗിക്കുമ്പോൾ, ഇന്ത്യൻ വ്യോമസേന റഷ്യൻ ഉത്ഭവമുള്ള സു-30 എം.കെ.ഐ യുദ്ധവിമാനങ്ങളും അതിലേക്ക് ബ്ഹ്മോസ് പതിപ്പ് ഇറക്കാനുമാണ് ആലോചന.

ഓപ്പറേഷൻ സിന്ദൂരിൽ, തദ്ദേശീയ ആയുധങ്ങളുടെ കഴിവുകൾ ലോകം കണ്ടു. നമ്മുടെ വ്യോമ പ്രതിരോധ സംവിധാനങ്ങൾ, മിസൈലുകൾ, ഡ്രോണുകൾ എന്നിവ ‘ആത്മനിർഭർ ഭാരതിന്റെ’, പ്രത്യേകിച്ച് ബ്രഹ്മോസ് മിസൈലുകളുടെ ശക്തി തെളിയിച്ചിട്ടുണ്ടെന്നായിരുന്നു പ്രധാനമന്ത്രി നരേന്ദ്രമോദിയുടെ വിശദീകരണം. പ്രതിരോധ വകുപ്പിനേയും ഡി.ആർ.ഡി.ഒ അടക്കമുള്ള സംവിധാനങ്ങളെയും പ്രധാനമന്ത്രി പ്രശംസിച്ചിരുന്നു. ഇന്ത്യ ആക്രമണം നടത്തിയപ്പോൾ, അതിൽ ജെയ്‌ഷെ മുഹമ്മദിന്റെ ഭീകര ആസ്ഥാനവും പാകിസ്ഥാനിലെ പഞ്ചാബ് പ്രവിശ്യയിലെ ലഷ്‌കർ ഇ തൊയ്ബയും ഉൾപ്പെടുന്നു, ഇന്ത്യൻ വ്യോമസേനയുടെ പ്രധാന ആയുധം ബ്രഹ്മോസ് മിസൈലായിരുന്നു, അത് വളരെ കൃത്യതയോടെ ലക്ഷ്യങ്ങൾ ആക്രമിച്ചു എന്നാണ് പിന്നാലെ സൈന്യത്തിന്റെ വിശദീകരണവും എത്തിയത്. ഇതിന് പിന്നാലെയാണ് സൈന്യത്തെ മോഡിഫൈ ചെയ്ത് കൊണ്ട് സാങ്കേതിക വിദ്യയുദ്ധ രം​ഗത്തേക്ക് കൂടുതലായി കൊണ്ടുവരാൻ ശ്രമിക്കുന്നത്.

മുൻകാലങ്ങളിൽ നിന്ന് വിഭിന്നമായി ശത്രുരാജ്യവും യുദ്ധകോപ്പുകൾ സജ്ജമാക്കുന്നുണ്ട്. സാങ്കേതികവിദ്യയെ ആശ്രയിച്ചായിരുന്നു ഓപ്പറേഷൻ സിന്ദൂരിൽ പാകിസ്ഥാന്റെ തിരിച്ചടിയും. ഇതിന് ഉപയോ​ഗിച്ചതാകട്ടെ തുർക്കി നിർമ്മിത ഡ്രോണുകളും. സൈന്യത്തെ സാങ്കേതികപരമായി മാറ്റത്തിന് വിധേയമാക്കുന്നതാണ് പുതിയ പദ്ധതി. ഇന്ത്യയ്ക്ക് 25 ശതമാനം നികുതിയും, റഷ്യയോട് സഹകരിക്കുന്നതിന് പത്ത് ശതമാനം പിഴചുങ്കവും അമേരിക്കൻ ഭരണകൂടം പ്രഖ്യാപിച്ചപ്പോൾ ഇന്ത്യ-റഷ്യ സൈനിക കോമ്പോ ആയ ബ്രഹ്മോസ് ട്രംപിന് തലവേദനയാകും.

brahmos missile production increase

വാഷിങ് ടൺ ഡി.സി : ഇലോൺ മസ്കിന്റെ ശമ്പളം 29 ബില്യനായി ഉയർത്തി ടെസ്ല. നിലവിൽ കമ്പനിയുടെ സി.ഇ.ഒയാണ് ഇലോൺ മസ്ക്. ശമ്പള വർധനവുമായി ബന്ധപ്പെട്ട നിയമപോരാട്ടത്തിന് ഒടുവിലാണ് ടെസ്ല നിർണായക തീരുമാനമെടുക്കുന്നത്. 29 ബില്യൺ ഡോളറിന്റെ പുതിയ ശമ്പള പാക്കേജ് മസ്കിന് അനുവദിച്ചെന്ന് അന്താരാഷ്ട്ര മാധ്യമമായ റോയിട്ടേഴ്സ് റിപ്പോർട്ട് ചെയ്യുന്നത്. കമ്പനിയെ നയിക്കുന്നതിനും ടെസ്ലയുടെ വിപണി നേട്ടത്തിലും മസ്കിന്റെ പങ്ക് സുപ്രധാനമാണ്. അതിനാൽ തന്നെ 96 ശതമാനം ഓഹരികളും കൂടി വാ​ഗ്ദാനം ചെയ്താണ് ടെസ്ല മുന്നോട്ടുവരുന്നത്. മുൻ ശമ്പള കരാറുമായി ബന്ധപ്പെട്ട് മസ്ക് നിയമപരമായ പ്രശ്നങ്ങൾ നേരിടുന്ന സാഹചര്യത്തിലാണ് പുതിയ ശമ്പള പരിഷ്കരണം.

ടെസ്‌ലയുടെ ഏകദേശം13% ഓഹരിയും ഇതിനകം മസ്‌കിന്റെ കൈവശമാണുള്ളത്. പുതിയ ശമ്പളമാറ്റം വഴി കാലക്രമേണ അദ്ദേഹത്തിന് കൂടുതൽ ഓഹരികൾ സമാഹരിക്കാൻ കഴിയുമെന്നും സൂചന ഉയരുന്നു. കമ്പനിയെ ട്രാക്കിൽ നിലനിർത്തുന്നതിന് മസ്കിന്റെ സാന്നിധ്യം പ്രധാനമാണെന്ന് നിക്ഷേപകരും കരുതുന്നത്.

കമ്പനി ഉത്പ്പാദനതത്തിലും വിപണനത്തിലും നേട്ടം കൈവരിച്ചാൽ 50 ബില്യൺ ഡോളറിന്റെ വലിയ ശമ്പള പാക്കേജ് ടെസ്‌ല മസ്കിന് 2018ൽ വാഗ്ദാനം ചെയ്തിരുന്നത്. എന്നാൽ ഈ വർഷം ആദ്യം, ഡെലവെയറിലെ ഒരു കോടതി ആ കരാർ റദ്ദാക്കി. ഇതോടെ മസ്ക് കോടതിയെ സമീപച്ചത്. എന്നാൽ കരാർ റദ്ദാക്കിയ വിധിയോട് മസ്‌ക് യോജിച്ചില്ല. ജഡ്ജി നിരവധി നിയമപരമായ തെറ്റുകൾ വരുത്തിയെന്ന് ചൂണ്ടിക്കാട്ടി മാർച്ചിൽ അദ്ദേഹം കോടതി നടപടിക്കെതിരെ അപ്പീൽ നൽകിയത്. പിന്നാലെ, മസ്‌കിന്റെ നഷ്ടപരിഹാരം എങ്ങനെ കൈകാര്യം ചെയ്യണമെന്ന് പരിശോധിക്കാൻ ടെസ്‌ല പ്രത്യേക കമ്മിറ്റി രൂപീകരിച്ചു. പുതിയ ഓഹരി വാ​ഗ്ദാനം നൽകുന്നത് മസ്‌ക് കമ്പനിയിൽ ശ്രദ്ധ കേന്ദ്രീകരിക്കുന്നുവെന്ന് ഉറപ്പാക്കാനാണ് ടെസ്‌ല പ്രതികരിക്കുന്നത്.

ന്യൂഡൽഹി: അമേരിക്കയിലെ സാൻ ഫ്രാൻസിസ്കോയിൽ നിന്ന് ന്യൂഡൽഹിയിലേക്ക് എത്തിയ എയർ ഇന്ത്യ വിമാനത്തിൽ പാറ്റ ശല്യം. യാത്രക്കാർ പരാതിപ്പെട്ടതോടെ അപൂർ വിശദീകരണവുമായി രം​ഗത്തെത്തിയിക്കുകയാണ് അധികൃതർ. സാൻ ഫ്രാൻസിസ്കോയിൽ നിന്ന് കൊൽക്കത്ത വഴി മുംബൈയിലേക്ക് പറന്ന
AI180 വിമാനത്തിലാണ് പാറ്റ കാരണം പുതിയ വിവാദമുണ്ടായിരിക്കുന്നത്. സാൻ ഫ്രാൻസിസ്കോയിൽ നിന്ന് കൊൽക്കത്തിയിലേക്ക് വിമാനം അടുത്തപ്പോഴാണ് രണ്ട് യാത്രികർ ജീവനക്കാരോട് ബുദ്ധിമുട്ട് വ്യക്തമാക്കിയത്. ഉടൻ തന്നെ എയർ ഇന്ത്യയുടെ ക്യാബിൻ ക്രൂ അം​ഗങ്ങൾ ഇടപെടുകയായിരുന്നു.

തുടർ യാത്രയ്ക്കായി യാത്രക്കാരെ ഒരേ ക്യാബിനിലെ മറ്റ് സീറ്റുകളിലേക്ക് മാറ്റി.കൊൽക്കത്തയിൽ നിശ്ചയിച്ചിരുന്ന ഇന്ധന സ്റ്റോപ്പിനിടെ പരിശോധനയും ശുചീകരണ പ്രവർത്തനവും നടത്തിയാണ് വിമാനം മുംബൈയിലേക്ക് പറന്നത്. “കൊൽക്കത്തയിൽ വിമാനത്തിന്റെ ഷെഡ്യൂൾ ചെയ്ത ഇന്ധന സ്റ്റോപ്പ് സമയത്ത്, ഞങ്ങളുടെ ഗ്രൗണ്ട് ക്രൂ പ്രശ്നം പരിഹരിക്കുന്നതിനായി ഒരു ആഴത്തിലുള്ള ശുചീകരണ പ്രക്രിയ ഉടനടി നടത്തി. തുടർന്ന് അതേ വിമാനം മുംബൈയിലേക്ക് കൃത്യസമയത്ത് പുറപ്പെട്ടുവെന്നും എയർ ഇന്ത്യ പ്രസ്താവനയിലൂടെ അറിയിച്ചു.

എയർ ഇന്ത്യ തെറ്റ് സമ്മതിചക്കുകയും സംഭവത്തിൽ ക്ഷമാപണം നടത്തുകയും ചെയ്തു. വിമാനം ശുചീകരിക്കുന്നതിനിടയിൽ പാറ്റകൾ സീറ്റുകളിലേക്ക് പറന്നടത്തുതാകാം എന്നാണ് സംഭവത്തിൽ എയർ ഇന്ത്യയുടെ നിലാപാട്. ഇത് നിസാരവൽക്കരിക്കുന്ന സമീപനമെന്നാണ് വിമർശനം. സംഭവത്തെക്കുറിച്ച് അന്വേഷിക്കാൻ ഉത്തരവിട്ടിട്ടുണ്ട്, ഉറവിടവും കാരണവും കണ്ടെത്താനും, ആവർത്തനം തടയുന്നതിനുള്ള നടപടികൾ കൂടുതൽ നടപ്പിലാക്കാനും ഉത്തരവിട്ടിട്ടുണ്ട്. അ​ഹമ്മദാബാദ് വിമാന ദുരന്തത്തിന് ശേഷം എയർ ഇന്ത്യ വിമാനങ്ങളിൽ പരിശോധനകൾ കർശനമാക്കിയിരുന്നു. കാലപ്പഴക്കം ചെന്ന വിമാന സർവീസുകൾ പരിശോധിച്ച് മാത്രമേ സർവീസ് നടത്തുകയുള്ളു എന്ന് എയർ ഇന്ത്യ അറിയിച്ചത്. ഡ്രീംലൈനർ വിമാന അപകടത്തിന് ശേഷം പൈലറ്റുമാർ കൂട്ട അവധിയെടുത്ത ഘട്ടത്തിലാണ് എയർ ഇന്ത്യക്കെതിരെ നിരന്തരം ആരോപണം ഉയരുന്നത്. കഴിഞ്ഞ ദിവസം ഡൽഹി വിമാനത്താവളത്തിൽ ഉയർന്ന ഊഷ്മാവിനെ തുടർന്ന് വിമാനത്തിന്റെ ടേക്ക് ഓഫ് നിർത്തിവച്ചിരുന്നു.

ന്യൂഡല്‍ഹി: മുന്‍ ജാര്‍ഖണ്ഡ് മുഖ്യമന്ത്രിയും ജാര്‍ഖണ്ഡ് മുക്തി മോര്‍ച്ച നേതാവുമായ ഷിബു സോറന്‍(81) അന്തരിച്ചു. ഡല്‍ഹിയിലെ ഗംഗാ റാം ആശുപത്രിയില്‍ ചികിത്സയിലായിരുന്നു. ആരോഗ്യനില മോശമായതിനെ തുടര്‍ന്ന് വെന്റിലേറ്റര്‍ സംവിധാനത്തില്‍ തുടരുകയായിരുന്നു. കിഡ്‌നി സംബന്ധമായ അസുഖത്തെ തുടര്‍ന്ന് ജൂണ്‍ അവസാന വാരമാണ് ഷിബു സോറനെ ആശുപത്രിയില്‍ പ്രവേശിപ്പിച്ചത്. ജാര്‍ഖണ്ഡ് മുക്തി മോര്‍ച്ച സ്ഥാപകനാണ്. കഴിഞ്ഞ 38 വര്‍ഷമായി പാര്‍ട്ടിയെനയിച്ചു.

18-ാം വയസ്സിൽ സന്താൽ നവ്യൂവക് സംഘം രൂപീകരിച്ചുകൊണ്ടാണ് രാഷ്ട്രീയത്തിലേക്ക് കടന്നു വന്നത്. ആദ്യം 2005 ൽ 10 ദിവസം (മാർച്ച് 2 മുതൽ മാർച്ച് 12 വരെ), പിന്നീട് 2008 മുതൽ 2009 വരെയും, വീണ്ടും 2009 മുതൽ 2010 വരെയും ജാര്‍ഖണ്ഡ് മുഖ്യമന്ത്രി ആയിരുന്നു. 1980 മുതൽ 1984 വരെയും, 1989 മുതൽ 1998 വരെയും, 2002 മുതൽ 2019 വരെയും സോറൻ പാർലമെന്റ് അംഗമായിരുന്നു. 2004 മുതൽ 2005 വരെയും, 2006 ൽ കേന്ദ്ര മന്ത്രിസഭയിൽ കൽക്കരി മന്ത്രിയായും അദ്ദേഹം മൂന്ന് തവണ സേവനമനുഷ്ഠിച്ചു

തിരുവനന്തപുരം: പട്ടികജാതി വിഭാഗത്തില്‍ നിന്ന് സിനിമയെടുക്കാന്‍ വരുന്നവര്‍ക്ക് ആദ്യം പരിശീലനം നൽകണമെന്ന് സംവിധായകൻ അടൂർ ​ഗോപാലകൃഷ്ണൻ. സംസ്ഥാന സർക്കാർ സംഘടിപ്പിച്ച സിനിമ കോൺക്ലേവിലായിരുന്നു ദളിത് വിരുദ്ധ- സ്ത്രീവിരുദ്ധവുമായ അധിക്ഷേപം അഴിച്ചുവിട്ടത്. ചലച്ചിത്ര വികസന കോര്‍പ്പറേഷന്‍ വെറുതേ പണം മുടക്കരുതെന്നും ഒന്നരക്കോടി രൂപ നല്‍കുന്നത് വളരെ കൂടുതലാണും അടൂർ വേദിയിൽ പരസ്യമായി തുറന്നടിച്ചുയ. പലരും ചെയ്തത് നിലവാരമില്ലാത്ത സിനിമകളാണെന്നും അടൂര്‍ വേദിയിൽ കുറ്റപ്പെടുത്തി.

അടൂർ പ്രസം​ഗം തുടർന്നതോടെ സദസിൽ നിന്നും പ്രതിഷേധവും ബഹളവും ഉയർന്നു. സംസ്ഥാന സർക്കാർ സംഘടിപ്പിച്ച സിനിമാ വികസനവുമായി ബന്ധപ്പെട്ട കോൺക്ലേവിൽ അടൂർ നടത്തിയ പ്രസ്താവന വീണ്ടും വിവാദത്തിൽ നിറയുകയാണ്. സംസ്ഥാന സര്‌ക്കാരിന് കീഴിലുള്ള സംസ്ഥാന ചലച്ചിത്ര വികസന കോർപ്പറേഷന്റെ ധനസഹായത്താൽ പണം നൽകി സിനിമ നിർമ്മിക്കുമ്പോൾ സിനിമയ്ക്ക് നിലവാരമുണ്ടോയെന്ന് പരിശോധിക്കണമെന്നായിരുന്നു വിമർശനം. പലരും ചെയ്ത സിനിമകൾ അത്തരത്തിൽ തന്നെ നിലവാരമില്ലാത്തതാണെന്നും അടൂർ പ്രതികരിച്ചു.

പ്രസം​ഗം തുടർന്നതോടെ വേദിയിലുണ്ടായിരുന്ന സിനിമാ പ്രവര്‍ത്തക പ്രതിഷേധമുയര്‍ത്തി. സംവിധായകനായ ഡോ. ബിജുവിനെ ഉള്‍പ്പെടെ ചൂണ്ടിക്കൊണ്ടാണ് അവര്‍ അടൂരിന് മറുപടി പറയാന്‍ ശ്രമിച്ചത്. സംഭവത്തിൽ അടൂരിനെ വിമർശിച്ച് സണ്ണി.എം കപ്പിക്കാട് അടക്കമുള്ള ദളിത് ആക്ടിവിസ്റ്റുകൾ രം​ഗത്തെത്തി. അടൂരിന്റെ മനസിൽ നിന്ന് തമ്പുരാൻ മനോഭാവം ഇപ്പോഴും മാറിയിട്ടില്ലെന്ന് സണ്ണി എം.കപ്പിക്കാട് കുറ്റപ്പെടുത്തുന്നു. കെ.ആർ നാരായണൻ ഇൻസ്റ്റിറ്റ്യൂട്ടിൽ നടന്നത് അനാവശ്യ സമരമായിരുന്നെന്നും അടൂര്‌ വേദിയിൽ തുറന്നടിച്ചിരുന്നു.

adoor gopalakrishnan controversy speech