രജനി ആരാധകർ പ്രതീക്ഷയോടെ കാത്തിരിക്കുന്ന യെന്തിരൻ 2 ന്റെ ട്രെയിലർ എത്തി. ആക്ഷൻ രംഗങ്ങളും കണ്ണഞ്ചിപ്പിക്കുന്ന വിഷ്വൽ ഇഫക്ട്സുമായി ട്രെയിലർ സോഷ്യൽ ലോകത്ത് വൈറലായിക്കഴിഞ്ഞു. രജനീകാന്തും ആമി ജാക്സനുമാണ് പ്രധാനവേഷത്തിൽ എത്തുന്നത്.
400 കോടിയോളം മുതൽ മുടക്കിൽ ചിത്രീകരിച്ചിരിക്കുന്ന യെന്തിരൻ 2ന്റെ സൗണ്ട് ഡിസൈനിങ് റസൂല് പൂക്കുട്ടിയാണ് നിർവഹിച്ചിരിക്കുന്നത്. ബോളിവുഡ് താരം അക്ഷയ് കുമാറും ചിത്രത്തിൽ വേഷമിട്ടിട്ടുണ്ട്. ലൈക്ക പ്രൊഡക്ഷൻ ആണ് ചിത്രം നിർമ്മിച്ചിരിക്കുന്നത്. നവംബർ 29 ന് യെന്തിരൻ 2 തീയറ്ററുകളിൽ എത്തും. ലോകത്തിൻറെ വിവിധ ഭാഗങ്ങളിലായി 10,000 തിയേറ്ററുകളിലാണ് ചിത്രം പ്രദര്ശനത്തിനെത്തുക.
