By admin 
തമിഴ്നാട് രാഷ്ട്രീയത്തിൽ ആകാംക്ഷയേറിയ നിമിഷങ്ങൾ. തമിഴക വെട്രി കഴകം (TVK) അധ്യക്ഷൻ വിജയ് തമിഴ്നാട് മുഖ്യമന്ത്രിയായി നാളെ സത്യപ്രതിജ്ഞ ചെയ്തേക്കുമെന്ന് റിപ്പോർട്ടുകൾ. ഗവർണർ ആർ.വി. അർലേക്കറുമായി വിജയ് നടത്തിയ നിർണ്ണായക കൂടിക്കാഴ്ചയ്ക്ക് പിന്നാലെയാണ് ഈ വിവരം പുറത്തുവരുന്നത്.
സത്യപ്രതിജ്ഞ: നാളെ ഉച്ചയ്ക്ക് സത്യപ്രതിജ്ഞാ ചടങ്ങുകൾ നടക്കുമെന്നാണ് ഗവർണറുടെ ഓഫീസുമായി ബന്ധപ്പെട്ട വൃത്തങ്ങൾ നൽകുന്ന സൂചന.
പിന്തുണ ഉറപ്പിച്ചു: വി.സി.കെ (VCK), മുസ്ലിം ലീഗ് (IUML) എന്നീ പാർട്ടികളുടെ നിരുപാധിക പിന്തുണ ലഭിച്ചതോടെ വിജയ് ഭൂരിപക്ഷം തെളിയിച്ചു കഴിഞ്ഞു.
കേരളത്തിലേക്കുള്ള യാത്ര റദ്ദാക്കി ചെന്നൈയിൽ തുടരുന്ന ഗവർണർ, ഉടൻ തന്നെ വിജയിയെ സർക്കാർ രൂപീകരിക്കാൻ ഔദ്യോഗികമായി ക്ഷണിക്കുമെന്നാണ് കരുതപ്പെടുന്നത്.
സി.വി. ഷണ്മുഖത്തിന്റെ നേതൃത്വത്തിൽ അണ്ണാ ഡി.എം.കെയിലെ ഒരു വിഭാഗം എം.എൽ.എമാർ പിന്തുണയുമായി എത്തിയതും വിജയിയുടെ നീക്കങ്ങൾക്ക് കരുത്തേകി.
തമിഴ് സിനിമയിലെ സൂപ്പർതാരത്തിൽ നിന്ന് തമിഴ്നാടിന്റെ ഭരണത്തലവനിലേക്കുള്ള വിജയിന്റെ ചുവടുവെപ്പ് ദക്ഷിണേന്ത്യൻ രാഷ്ട്രീയത്തിൽ വലിയ ചലനങ്ങൾ സൃഷ്ടിക്കുമെന്ന് ഉറപ്പാണ്.