By admin 
തിരുവനന്തപുരം: പുതിയ നേതൃചുമതലകളിലേക്ക് കടക്കുന്നതിന് മുന്നോടിയായി മുതിർന്ന കോൺഗ്രസ് നേതാവും മുൻ സ്പീക്കറുമായിരുന്ന അന്തരിച്ച ജി. കാർത്തികേയന്റെ വസതി സന്ദർശിക്കാനെത്തിയ വി.ഡി സതീശൻ വികാരാധീനനായി. തിരുവനന്തപുരം ശാസ്തമംഗലത്തുള്ള വീട്ടിലെത്തിയ അദ്ദേഹം കാർത്തികേയന്റെ ഭാര്യ എം.ടി സുലേഖ, മകനും മുൻ എം.എൽ.എയുമായ കെ.എസ് ശബരീനാഥൻ എന്നിവരുമായി സംസാരിക്കുന്നതിനിടെയാണ് കണ്ണീരണിഞ്ഞത്.
സതീശനെ ആശ്വസിപ്പിച്ചുകൊണ്ട് ‘ചീഫ് മിനിസ്റ്റർ കരയാൻ പാടില്ല’ എന്നാണ് കുടുംബാംഗങ്ങൾ സ്നേഹത്തോടെ പറഞ്ഞത്. കേരള രാഷ്ട്രീയത്തിൽ തിരുത്തൽ ശക്തിയായിരുന്ന ജി. കാർത്തികേയനുമായി വ്യക്തിപരമായും രാഷ്ട്രീയപരമായും ഏറെ അടുത്ത ബന്ധമായിരുന്നു വി.ഡി സതീശനുണ്ടായിരുന്നത്. പുതിയ പദവിയിലേക്ക് എത്തുമ്പോൾ തന്റെ പ്രിയപ്പെട്ട നേതാവ് ഒപ്പമില്ലല്ലോ എന്ന ഓർമ്മകളാകാം അദ്ദേഹത്തിന്റെ കണ്ണുകളെ ഈറനണിയിച്ചത്. പുതിയ തുടക്കത്തിന് പൂർണ്ണ പിന്തുണയും അനുഗ്രഹങ്ങളും നൽകിയാണ് കാർത്തികേയന്റെ കുടുംബം അദ്ദേഹത്തെ യാത്രയാക്കിയത്.
VDS Visit to Late G. Karthikeyan’s Residence