വൺ ടു ടോക്സ്- സ്റ്റാർ ആൻഡ് സക്സസ് അവാർഡ് 2025 പ്രഖ്യാപിച്ചു

കൊച്ചി: സിനിമാ ലോകത്തെ മൺമറഞ്ഞ അതുല്യ പ്രതിഭകളുടെ സ്മരണയിൽ വൺ ടു ടോക്സ് ഏർപ്പെടുത്തിയിരിക്കുന്ന സ്റ്റാർ ആൻഡ് സക്സസ് അവാർഡ് 2025 പ്രഖ്യാപിച്ചു. മോഹൻലാൽ, കല്യാണി പ്രിയദർശൻ എന്നിവർ മികച്ച നടനും നടിയ്ക്കുമുള്ള അവാർഡ് കരസ്ഥമാക്കി. തരുൺ മൂർത്തി സംവിധാനം ചെയ്ത തുടരും മികച്ച ചിത്രമായി. മികച്ച സംവിധായകനുൾപ്പെടെ ഏഴ് അവാർഡുകളാണ് തുടരും സിനിമ കരസ്ഥമാക്കിയത്. മികച്ച സംവിധായകൻ- ഷാഫി മെമ്മോറിയൽ പുരസ്ക്കാരം (തരുൺ മൂർത്തി- തുടരും), മികച്ച നടൻ – ശ്രീനിവാസൻ മെമ്മോറിയൽ പുരസ്ക്കാരം (മോഹൻലാൽ -തുടരും). മികച്ച നടി-കെപിഎസി ലളിത മെമ്മോറിയൽ പുരസ്ക്കാരം ( കല്യാണി പ്രിയദർശൻ (ലോക), മികച്ച സ്വഭാവ നടൻ -നവാസ് ബക്കർ മെമ്മോറിയൽ പുരസ്ക്കാരം- പ്രകാശ് വർമ്മ (തുടരും), മികച്ച സ്വഭാവ നടി – കൽപ്പന മെമ്മോറിയൽ പുരസ്ക്കാരം- സെറിൽ ഷിഹാബ് (ഇത്തിരി നേരം, രേഖാചിത്രം), മികച്ച സംഗീതസംവിധാനം – എസ്.പി വെങ്കിടേഷ് മെമ്മോറിയൽ പുരസ്കാരം- ജെയ്‌സ് ബിജോയ് – മിന്നൽവള (നരിവേട്ട), കൺമണിപ്പൂവേ (തുടരും), മികച്ച ഗാനരചന- ഗിരീഷ് പുത്തഞ്ചേരി മെമ്മോറിയൽ പുരസ്ക്കാരം കൈതപ്രം ദാമോദരൻ നമ്പൂതിരി (മിന്നൽ വള നരിവേട്ട), മികച്ച തിരക്കഥാകൃത്ത് സച്ചി മെമ്മോറിയൽ പുരസ്ക്കാരം ബാഹുൽ രമേഷ് -എക്കോ, മികച്ച ഛായാഗ്രഹണം – ഷാജി എൻ കരുൺ മെമ്മോറിയൽ പുരസ്ക്കാരം നിമിഷ് രവി (ലോക), മികച്ച എഡിറ്റർ – ഹരിഹരപുത്രൻ മെമ്മോറിയൽ പുരസ്ക്കാരം ചമൻ ചാക്കോ (ഓഫീസർ ഓൺ ഡ്യൂട്ടി, ലോക), മികച്ച കലാസംവിധാനം – സാബു പ്രവദ മെമ്മോറിയൽ പുരസ്ക്കാരം വിനീഷ് ബംഗ്ലൻ (ലോക), മികച്ച ഹാസ്യതാരം ഇന്നസെന്റ് മെമ്മോറിയൽ പുരസ്ക്കാരം ഷറഫുദ്ധീൻ (പടക്കളം), മികച്ച ഗായകൻ പി.ജയചന്ദ്രൻ മെമ്മോറിയൽ പുരസ്ക്കാരം എം.ജി ശ്രീകുമാർ (കൺമണിപ്പൂവേ തുടരും), മികച്ച ഗായിക-വാണി ജയറാം മെമ്മോറിയൽ പുരസ്ക്കാരം കെ.എസ് ചിത്ര-നെഞ്ചിൽ പണ്ടേ നോവായ് (പൊൻമാൻ), മികച്ച ബാലതാരം – തരുണി സച്‌ദേവ് മെമ്മോറിയൽ പുരസ്ക്കാരം ദുർഗാ സി വിനോദ് (ലോക) എന്നിങ്ങനെയാണ് പുരസ്കാരങ്ങൾ. മെയ് 24ന് എറണാകുളം കടവന്ത്രയിലുള്ള രാജീവ് ഗാന്ധി ഇന്റോർ സ്റ്റേഡിയത്തിൽ വൈകീട്ട് 6 മണിക്ക് ആരംഭിക്കുന്ന മെഗാ ഷോയിൽ പുരസ്ക്കാരങ്ങൾ വിതരണം ചെയ്യും. വാർത്താ സമ്മേളനത്തിൽ ഇടവേള ബാബു, കൈലാഷ്, ടിനി ടോം, ഹൈദരലി എന്നിവർ പങ്കെടുത്തു.