തൃപ്തി ദേശായിക്ക് പ്രത്യേക സുരക്ഷയില്ല എല്ലാവർക്കുമുള്ള പരിഗണന മാത്രം

അയ്യപ്പദർശനത്തിനായി കേരളത്തിൽ എത്തുന്ന ഭൂ മാത ബ്രിഗേഡ് നേതാവ് തൃപ്തി ദേശായിക്ക് പ്രത്യേകമായി ഒരു സൗകര്യങ്ങളും ഒരുക്കില്ലെന്നും എല്ലാ തീർത്ഥാടകർക്കുമുള്ള പരിരക്ഷ മാത്രമെ നടപ്പാക്കുകയുള്ളു എന്നും പോലീസ് വ്യക്തമാക്കി. ശനിയാഴ്ച ദർശനം നടത്താൻ നാളെ കൊച്ചിയിൽ എത്താനാണ് തൃപ്തി ദേശായിയുടെ തീരുമാനം. ആറു സ്ത്രീകൾക്കൊപ്പം ദർശനത്തിനെത്തുന്ന തനിക്ക് സുരക്ഷ, താമസം, ഭക്ഷണം, യാത്ര തുടങ്ങിയവ സർക്കാർ ഒരുക്കണമെന്നും ചെലവുകൾ വഹിക്കണമെന്നും ചൂണ്ടിക്കാട്ടി സംസ്ഥാന സർക്കാരിന് ഇവർ കത്തയിച്ചിരുന്നു. സമാന്ന സന്ദേശം പ്രധാനമന്ത്രി, മഹാരാഷ്ട്ര മുഖ്യമന്ത്രി , സംസ്ഥാന പോലീസ് മേധാവി എന്നിവർക്കും തൃപ്തി ദേശായി അയയ്ച്ചിട്ടുണ്ട്.