ശ്രീദേവിയുടെ മൃതദേഹം ദുബായ് വിമാനതാവളത്തിലേക്ക്

ദുബായിൽ മരണമടഞ്ഞ നടി ശ്രീദേവിയുടെ  മൃതദേഹം എംബാം നടപടികൾക്ക് ശേഷം ദുബായ് വിമാനത്താവളത്തിലേക്കു കൊണ്ടുപോയി .  മൃതദേഹം വിട്ടുകിട്ടാനുള്ള  ക്ലിയറൻസ് സർട്ടിഫിക്കറ്റ് ലഭിച്ചതായി ഇന്ത്യൻ കോൺസുൽ  ഓഫ് പ്രസ്.

ഇന്നുതന്നെ  ശ്രീദേവിയുടെ മൃതദേഹം മുംബൈയിൽ എത്തിക്കും. ഇന്ത്യയിൽ എത്തിയാൽ മൃതദേഹം അന്ധേരിയിലെ വസതിക്കടുത്തുള്ള സെലിബ്രറ്റി സ്പോർട്സ് ക്ലബ്ബിൽ പൊതുദർശനത്തിനു വെയ്ക്കും.

ശ്രീദേവിയുടെ മരണവുമായി ബന്ധപ്പെട്ട് മൂന്ന് തവണ ഭർത്താവ് ബോണി കപൂറിനെ ദുബായ് പോലീസ് ചോദ്യം ചെയ്തിരുന്നു. ശ്രീദേവിയുടെ തലയിലേറ്റ ആഴത്തിലുള്ള മുറിവാണ് പോലീസിന് സംശയങ്ങൾക്ക് ഇട നൽകിയത്. ചോദ്യം ചെയ്യലിൽ അസ്വാഭാവികമായി എന്തെങ്കിലും കണ്ടാൽ മൃതദേഹം വീണ്ടും പോസ്റ്റ്മോർട്ടം ചെയ്യുമെന്നും റിപ്പോർട്ടുകളുണ്ടായിരുന്നു.

എന്നാൽ മുങ്ങി മരണമാണ് നടന്നതെന്നും മരണത്തിൽ അസ്വാഭാവികത ഒന്നുമില്ലെന്നും പരാതിയുണ്ടായാൽ വീണ്ടും കേസ് അന്വേഷിക്കുമെന്നും പ്രോസിക്യൂഷൻ അറിയിച്ചു.

admin:
Related Post