നടി ശ്രീദേവി മരിച്ചത് അപകടം മൂലമെന്ന് ദുബായ് പോലീസ്. ശ്രീദേവി ഹോട്ടലിലെ ബാത്ത് ടബിൽ ബോധരഹിതയായി വീണ് മുങ്ങി മരിക്കുകയായിരുന്നുവെന്നും ശ്വാസകോശത്തിൽ വെള്ളം കയറിയതാണ് മരണത്തിന് കാരണമെന്ന് പരിശോധനയിൽ വ്യക്തമായതായും രക്തത്തിൽ മദ്യത്തിന്റെ അംശം ഉള്ളതായും പോലീസ് റിപ്പോർട്ട്.
അപകട മരണമാണെന്ന് വ്യക്തമായതോടെ ദുബായ് പോലീസ് ശ്രീദേവിയുടെ പാസ്പോർട്ട് റദ്ദാക്കി മരണ സർട്ടിഫിക്കറ്റ് നൽകാനുള്ള നടപടി തുടങ്ങി. നടപടി ക്രമങ്ങൾ പൂർത്തിയായാൽ ഇന്ന് രാത്രി തന്നെ മൃതദേഹം ഇന്ത്യയിലേക്ക് കൊണ്ടുവരാനാണ് തീരുമാനം.
ശനിയാഴ്ച രാത്രിയാണ് ദുബായിലെ ആഡംബര ഹോട്ടലിന്റെ ബാത്ത് ടബിൽ ശ്രീദേവിയെ മരിച്ച നിലയിൽ കണ്ടെത്തിയത്. ഭർത്താവ് ബോണി കപൂറും അവർക്കൊപ്പമുണ്ടായിരുന്നു.
