തൃശൂർ: ഗായിക സിത്താര കൃഷ്ണകുമാറിന്റെ കാർ അപകടത്തിൽപ്പെട്ടു.വെള്ളിയാഴ്ച്ച രാവിലെ തൃശൂർ പൂങ്കുന്നത്ത് വച്ചായിരുന്നു അപകടം. റോഡിൽ നിന്നും തെന്നി നീങ്ങിയ കാർ ടെലിഫോൺ പോസ്റ്റിലേക്ക് ഇടിച്ചുകയറുകയായിരുന്നു. ഇതോടെ പോസ്റ്റ് വാഹനത്തിനു മുകളിലേക്ക് മറിഞ്ഞുവീണു.
ഇടിയുടെ ആഘാതത്തിൽ കാറിന്റെ മുൻ‌ഭാഗം പൂർണ്ണമായും തകർന്നിട്ടുണ്ട്.
സിത്താര തന്നെയണ് അപകട സമയത്ത് കാർ ഓടിച്ചിരുന്നത്. ആപകടത്തിൽ ആർക്കും പരിക്കേറ്റിട്ടില്ല. അപകടത്തെ തുടർന്ന് മറ്റൊരു വാഹനത്തിൽ സിത്താര യാത്ര തുടരുകയായിരുന്നു.
