എറണാകുളം മഹാരാജാസ് കോളജിൽ എസ്എഫ്ഐ പ്രവർത്തകൻ ഇടുക്കി വട്ടവട സ്വദേശി അഭിമന്യുവിന്റെ കൊലപാതകവുമായി ബന്ധപെട്ട് എസ്ഡിപിഐ പ്രവർത്തകരായ മൂന്നുപേരെ പോലീസ് കസ്റ്റഡിയിൽ എടുത്തു. ബിലാല്, ഫറൂഖ്, റിയാസ് എന്നിവരാണ് പോലീസ് കസ്റ്റഡിയിൽ എടുത്തിരിക്കുന്നത് .അക്രമത്തിനിടെ അഭിമന്യുവിന്റെ കൂടെയുണ്ടായിരുന്ന അർജുന് എന്ന വിദ്യാര്ഥിക്കും ഗുരുതരമായി പരിക്കേറ്റിട്ടുണ്ട് .
തിങ്കളാഴ്ച കോളേജില് ഡിഗ്രി ഒന്നാം വര്ഷ വിദ്യാര്ത്ഥികളുടെ പ്രവേശനം പ്രമാണിച്ച് പോസ്റ്റര് ഒട്ടിക്കുന്നതുമായി ബന്ധപ്പെട്ടുണ്ടായ തര്ക്കമാണ് കൊലപാതത്തിൽ എത്തിയത് .അര്ധരാത്രിയോടെയാണ് കൊലപാതകം നടന്നത്.കാമ്പസിലെ വിദ്യാര്ഥിയുടെ ആവശ്യ പ്രകാരമാരം പുറത്തു നിന്നുള്ളവര് എത്തിയാണ് കൊലപാതകം നടത്തിയതെന്നാണ് അന്വേഷണ സംഘം അനുമാനിക്കുന്നത്.
