തിയേറ്ററിൽ വിജയിച്ചു പ്രേക്ഷകമനസിൽ ഇടംപിടിച്ച ചിത്രമാണ് സുഡാനി ഫ്രം നൈജീരിയ. ചിത്രത്തിൽ അഭിനയിച്ച ആഫ്രിക്കൻ നടൻ സാമുവല്‍ റോബിന്‍സണ് ചിത്രത്തോടൊപ്പം മലയാളി മനസ്സിൽ ഇടംപിടിച്ചു.
ഇപ്പോൾ ചിത്രത്തിന്റെ നിർമ്മാതാക്കൾക്കെതിരെ ആരോപണവുമായി രംഗത്ത് വന്നിരിക്കുകയാണ് സാമുവൽ. തനിക്ക് അർഹമായ വേതനം നൽകിയില്ല എന്നതാണ് സാമുവലിന്റെ ആരോപണം. താൻ കറുത്ത വർഗക്കാരനായതുകൊണ്ടാണ് ഈ വിവേചനം കാണിച്ചെതെന്നാണ് സാമുവൽ തന്റെ ഫേസ്ബുക് പേജിൽ കുറിച്ചത്.
സൗബിൻ സാഹിർ നായകനായി എത്തുന്ന ആദ്യ സിനിമയാണ് സുഡാനി ഫ്രം നൈജീരിയ. സക്കറിയ സംവിധാനം ചെയ്ത ചിത്രം നിർമ്മിച്ചത് സമീർ താഹിറും ഷൈജു ഖാലിദും ആണ്.
സാമുവല്‍ റോബിന്‍സണ്ന്റെ ഫേസ്ബുക് പോസ്റ്റിന് അനുകൂലിച്ചും പ്രതികൂലിച്ചും ധാരാളം കമ്മന്റുകൾ വരുന്നുണ്ട്.