By admin 
കൊച്ചി: സംസ്ഥാനത്ത് സ്വർണ വിലയിൽ സമാനതകളില്ലാത്ത വർധനവ്. സ്വർണത്തിന്റെ ഇറക്കുമതി തീരുവ കേന്ദ്ര സർക്കാർ കുത്തനെ കൂട്ടിയതോടെ ഒറ്റയടിക്ക് പവന് 10,200 രൂപയാണ് ഉയർന്നത്. ഇതോടെ ബുധനാഴ്ച ഒരു പവൻ സ്വർണത്തിന്റെ വില 1,23,120 രൂപയായി. ഗ്രാമിന് 1,275 രൂപ വർധിച്ച് 15,390 രൂപയിലാണ് വ്യാപാരം പുരോഗമിക്കുന്നത്.
തീരുവ കൂട്ടാൻ കാരണം രൂപയുടെ മൂല്യത്തകർച്ച തടയുന്നതിനും രാജ്യത്തെ വിദേശനാണ്യ ശേഖരം സംരക്ഷിക്കുന്നതിനുമുള്ള അടിയന്തര നടപടികളുടെ ഭാഗമായാണ് സ്വർണത്തിന്റെ ഇറക്കുമതിക്ക് സർക്കാർ കർശന നിയന്ത്രണം ഏർപ്പെടുത്തിയത്. അസംസ്കൃത എണ്ണ, സ്വർണം എന്നിവയുടെ ഇറക്കുമതിക്കായി വൻതോതിൽ ഡോളർ ചെലവഴിക്കുന്നത് രാജ്യത്തെ വിദേശനാണ്യ ശേഖരത്തെ പ്രതികൂലമായി ബാധിക്കുന്നുണ്ടെന്ന വിലയിരുത്തലിന്റെ അടിസ്ഥാനത്തിലാണ് കേന്ദ്ര സർക്കാരിന്റെ ഈ അസാധാരണ നീക്കം.
- സ്വർണത്തിന് പുറമെ വെള്ളി ഉൾപ്പെടെയുള്ള മൂല്യം കൂടിയ ലോഹങ്ങളുടെയെല്ലാം ഇറക്കുമതി തീരുവ സെസ് ഉൾപ്പടെ 15 ശതമാനമായി ഉയർത്തിയിട്ടുണ്ട്.
- രാജ്യത്ത് സ്വർണം വാങ്ങുന്നത് പരമാവധി കുറയ്ക്കണമെന്ന് പ്രധാനമന്ത്രി നരേന്ദ്ര മോദി നേരത്തെ തന്നെ ജനങ്ങളോട് ആഹ്വാനം ചെയ്തിരുന്നു.
വിപണിയിലെ പ്രതികരണം ഇറക്കുമതിക്ക് കർശന നിയന്ത്രണങ്ങൾ വരാൻ സാധ്യതയുണ്ടെന്ന സൂചനകൾ പുറത്തുവന്നതിനെ തുടർന്ന് കഴിഞ്ഞ ദിവസങ്ങളിൽ സ്വർണക്കടകളിൽ അസാധാരണ തിരക്കാണ് അനുഭവപ്പെട്ടത്. അതേസമയം, വില റെക്കോർഡുകൾ ഭേദിച്ച് ഉയർന്ന സാഹചര്യത്തിൽ കൈവശമുള്ള സ്വർണം വിറ്റ് ലാഭമെടുക്കാൻ (Profit booking) നിക്ഷേപകർ ശ്രമിച്ചേക്കുമെന്നും വിപണി വിദഗ്ധർ വിലയിരുത്തുന്നു.
- Today’s Rate (13/05/2026)
- 22K 916 (1gm) – ₹ 15390
- 18K 750 (1gm) – ₹ 12710
- Silver (1gm) – ₹ 310