By admin 
പാലക്കാട്/പത്തനംതിട്ട: മൂന്നാമത്തെ ബലാത്സംഗ കേസിൽ പാലക്കാട് എംഎൽഎ രാഹുൽ മാങ്കൂട്ടത്തിലിനെ അറസ്റ്റ് ചെയ്തു. പാലക്കാട്ടെ കെപിഎം ഹോട്ടലിൽ നിന്ന് ഇന്നലെ അർദ്ധരാത്രിയോടെയാണ് പ്രത്യേക അന്വേഷണ സംഘം രാഹുലിനെ കസ്റ്റഡിയിലെടുത്തത്. തുടർന്ന് അദ്ദേഹത്തെ പത്തനംതിട്ട എ.ആർ ക്യാമ്പിലെത്തിച്ചു.
വനിതാ പോലീസടക്കം എട്ടംഗ സംഘമാണ് അതീവ രഹസ്യമായി പാലക്കാട്ടെത്തി രാഹുലിനെ കസ്റ്റഡിയിലെടുത്തത്. ഹോട്ടൽ മുറിയിൽ നിന്ന് പുറത്തിറങ്ങാൻ ആദ്യം വിസമ്മതിച്ചെങ്കിലും പിന്നീട് രാഹുൽ വഴങ്ങുകയായിരുന്നു.
നിലവിൽ രാഹുലിനെതിരെ രജിസ്റ്റർ ചെയ്യുന്ന മൂന്നാമത്തെ കേസാണിത്.
- ആദ്യ കേസ്: ഹൈക്കോടതി അറസ്റ്റ് തടഞ്ഞു.
- രണ്ടാം കേസ്: വിചാരണക്കോടതി മുൻകൂർ ജാമ്യം അനുവദിച്ചു.
- മൂന്നാം കേസ്: ഇപ്പോൾ അറസ്റ്റ് രേഖപ്പെടുത്തിയിരിക്കുന്നത് ഈ കേസിലാണ്.
രാഹുലിനെ വൈദ്യപരിശോധനയ്ക്കും തെളിവെടുപ്പിനുമായി കൊണ്ടുപോകുമെന്നാണ് വിവരം.