By admin 
പുണെ: വയനാട്ടിലെ ചൂരൽമലയിലും മുണ്ടക്കൈയിലും ഉണ്ടായ ദാരുണമായ ഉരുൾപൊട്ടൽ സംഭവത്തിൽ ആഴത്തിൽ വേദനിക്കുന്നതായി പ്രശസ്ത പരിസ്ഥിതി പ്രവർത്തകൻ മാധവ് ഗാഡ്ഗിൽ പ്രതികരിച്ചു. കേരളത്തിൽ അടുത്ത കാലത്തായി നിരന്തരം ഉണ്ടാകുന്ന ഇത്തരം ദുരന്തങ്ങളെക്കുറിച്ച് ചൊവ്വാഴ്ച രാവിലെ മാധ്യമങ്ങളോട് പ്രതികരിക്കവെ അദ്ദേഹം പറഞ്ഞു, “ഈ ദുരന്തം എന്നെ വല്ലാതെ ബാധിച്ചിരിക്കുന്നു. ഇപ്പോൾ ഈ വിഷയത്തെക്കുറിച്ച് കൂടുതൽ വിശദമായി സംസാരിക്കാൻ എനിക്ക് കഴിയുന്നില്ല.”
കേരളത്തിലെ അനിയന്ത്രിത നിര്മാണങ്ങള്ക്കെതിരേ മുന്നറിയിപ്പ് നല്കുന്ന 13 വര്ഷം പഴക്കമുള്ള ഗാഡ്ഗില് കമ്മിറ്റി റിപ്പോര്ട്ട് പിന്നീട് പലപ്പോഴും ശ്രദ്ധിക്കപ്പെടുന്നത് ഇത്തരം ദുരന്തങ്ങള് ഉണ്ടാകുമ്പോള് മാത്രമാണ്. 2011-ല് സര്ക്കാരിന് സമര്പ്പിച്ച റിപ്പോര്ട്ടില് ഇപ്പോള് ദുരന്തം നടന്ന മേപ്പാടിയിലെ പരിസ്ഥിതിവിരുദ്ധ പ്രവര്ത്തനങ്ങള്ക്കെതിരേയും പ്രത്യേക മുന്നറിയിപ്പുണ്ടായിരുന്നു