തിരുവനന്തപുരം: സംസ്ഥാനത്ത് വിൽപ്പനയ്ക്ക് എത്തിയ അന്യസംസ്ഥാന ലോട്ടറികൾ ശുദ്ധതട്ടിപ്പാണെന്ന് തിരുവനന്തപുരത്ത് നടത്തിയ വാർത്താ സമ്മേളനത്തിൽ ധനമന്ത്രി തോമസ് ഐസക് പൊതുജനങ്ങൾക്ക് മുന്നറിയിപ്പ് നൽകി.
സംസ്ഥാന സർക്കാരിന്റെ അനുമതി നേടാതെയാണ് മിസോറാം ലോട്ടറി വിൽപ്പനയ്ക്ക് എത്തിച്ചിരിക്കുന്നത് എന്നും . ജിഎസ്ടി 28 ശതമാനവും പ്രിന്റിംഗ്, കമ്മീഷൻ, പരസ്യം തുടങ്ങിയവ എല്ലാം കൂടി കണക്കൂകൂട്ടിയാൽ 98 ശതമാനം ചിലവ് വരും. പിന്നെ എങ്ങനെ സമ്മാനം നൽകാൻ കഴിയുമെന്ന് മന്ത്രി വാർത്താസമ്മേളനത്തിൽ ചോദിച്ചു. ലോട്ടറി വകുപ്പ് അന്യസംസ്ഥാന ലോട്ടറികൾക്കെതിരെ ശക്തമായ നടപടി സ്വീകരിക്കുമെന്നും തോമസ് ഐസക് പറഞ്ഞു.
