By admin 
തിരുവനന്തപുരം: ഫുട്ബോൾ ഇതിഹാസം ലയണൽ മെസിയും അർജന്റീന ദേശീയ ഫുട്ബോൾ ടീമും കേരളത്തിലെത്തുന്നു. നവംബർ 10 മുതൽ 18 വരെയുള്ള ദിവസങ്ങളിൽ അർജന്റീന ടീം കേരളത്തിൽ അന്താരാഷ്ട്ര സൗഹൃദ മത്സരം കളിക്കുമെന്ന് അർജന്റീന ഫുട്ബോൾ അസോസിയേഷനും കേരള കായിക മന്ത്രി വി. അബ്ദുറഹ്മാനും സ്ഥിരീകരിച്ചു.തിരുവനന്തപുരം ഗ്രീൻഫീൽഡ് സ്റ്റേഡിയത്തിലായിരിക്കും മത്സരം എന്നാണ് റിപ്പോര്ട്ട്.
ഫിഫയുടെ സൗഹൃദ മത്സരങ്ങൾക്കായാണ് മെസിയുടെ നേതൃത്വത്തിൽ അർജന്റീന ടീം കേരളത്തിലെത്തുന്നത്. ഖത്തർ ലോകകപ്പിൽ കിരീടം നേടിയ ടീമിന്റെ സന്ദർശനം കേരളത്തിലെ ഫുട്ബോൾ ആരാധകർക്ക് ആവേശകരമായ അനുഭവമാകും.
കേരള സർക്കാർ നേരത്തെ അർജന്റീന ഫുട്ബോൾ അസോസിയേഷനുമായി ചർച്ചകൾ നടത്തിയിരുന്നു. എന്നാൽ, കരാർ ലംഘനവുമായി ബന്ധപ്പെട്ട ചില വിവാദങ്ങൾ ഉയർന്നിരുന്നെങ്കിലും, ഇപ്പോൾ സന്ദർശനം ഔദ്യോഗികമായി സ്ഥിരീകരിച്ചിരിക്കുകയാണ്.
കേരളത്തിലെ ഫുട്ബോൾ പ്രേമികൾക്ക് ലോകത്തിലെ ഏറ്റവും മികച്ച താരങ്ങളിലൊരാളായ മെസിയെ നേരിൽ കാണാനുള്ള അവസരമാണ് ഈ സന്ദർശനം. മത്സരത്തിന്റെ വേദി, എതിരാളികൾ, ടിക്കറ്റ് വിതരണം തുടങ്ങിയ വിശദാംശങ്ങൾ ഉടൻ പ്രഖ്യാപിക്കുമെന്നാണ് റിപ്പോർട്ടുകൾ