By admin 
സംസ്ഥാനത്ത് കൊറോണ ജാഗ്രതാ നിര്ദ്ദേശം പുറപ്പെടുവിച്ചതിനെ തുടര്ന്ന് മഞ്ജു വാര്യര്-ബിജുമേനോന് ചിത്രം ലളിതം സുന്ദരത്തിന്റെ ഷൂട്ടിംഗ് നിര്ത്തിവച്ചു. നടന് മധു വാര്യര് സംവിധാനം ചെയ്യുന്ന ചിത്രത്തിന്റെ നിര്മ്മിക്കുന്നത് നടി
മഞ്ജു വാര്യര് ആണ്. ജാഗ്രതാ നിര്ദ്ദേശത്തെ തുടര്ന്ന് നേരത്തെ മമ്മൂട്ടി ചിത്രം ‘ദി പ്രീസ്റ്റിന്റെ ചിത്രീകരണവും നിര്ത്തി വച്ചിരുന്നു.
മഞ്ജു വാര്യരുടെ സഹോദരനും നടനുമായ മധു വാര്യര് ആദ്യമായി സംവിധാനം ചെയ്യുന്ന ചിത്രമാണ് ലളിതം സുന്ദരം. മഞ്ജു വാര്യര് നിര്മ്മിക്കുന്ന ആദ്യ കൊമേര്ഷ്യല് ചിത്രം കൂടിയാണിത്. ഇന്നലെകള് ഇല്ലാതെ, കുടമാറ്റം, കൃഷ്ണഗുഡിയില് ഒരു പ്രണയകാലത്ത്, പ്രണയവര്ണങ്ങള്, പത്രം, കണ്ണെഴുതി പൊട്ടും തൊട്ട് തുടങ്ങിയ ചിത്രങ്ങള്ക്ക് ശേഷം ലളിതം സുന്ദരത്തിലൂടെ മഞ്ജു വാര്യരും ബിജു മേനോനും വീണ്ടും ഒന്നിക്കുകയാണ്.
പ്രമോദ് മോഹന് ആണ് ചിത്രത്തിന് തിരക്കഥയും ഒരുക്കിയിരിക്കുന്നത്. ചിത്രത്തില് ദിലീഷ് പോത്തന്, സൈജു കുറുപ്പ്, രഘുനാഥ് പലേരി, സറീന വഹാബ്, ദീപ്തി സതി എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. പി സുകുമാരാണ് ഛായാഗ്രഹണം. സംഗീതം ബിജിബാല്.