By admin 
തിരുവനന്തപുരം: മേയർ ആര്യാ രാജേന്ദ്രനുമായുള്ള തർക്കത്തെ തുടർന്ന് വാർത്തകളിൽ ഇടംപിടിച്ച കെഎസ്ആർടിസി ഡ്രൈവർ യദു കൃഷ്ണൻ ഇപ്പോൾ പുതിയ വേഷത്തിൽ. ഉപജീവനത്തിനായി സ്വിഗ്ഗി ഡെലിവറി ബോയിയായി ജോലി ചെയ്യുകയാണ് യദു.
ദേശീയ പണിമുടക്ക് ദിവസത്തിൽ ജോലിക്കിറങ്ങിയപ്പോഴാണ് യദു മാധ്യമങ്ങളുടെ ശ്രദ്ധയിൽപ്പെട്ടത്. കഴിഞ്ഞ ഒരു മാസമായി താൻ സ്വിഗ്ഗിയിൽ ജോലി ചെയ്യുന്നുണ്ടെന്ന് അദ്ദേഹം പറഞ്ഞു. ബസ് ഓടിക്കുന്നതിനിടെ നിരന്തരം ഉദ്യോഗസ്ഥരിൽ നിന്ന് ബുദ്ധിമുട്ടുകൾ നേരിടേണ്ടി വന്നതാണ് പുതിയ മേഖലയിലേക്ക് തിരിയാൻ കാരണമെന്നും യദു വ്യക്തമാക്കി.
“ബസ് ഓടിക്കുമ്പോൾ നിരന്തരം പരിശോധനകളും മറ്റുമായി ടാർഗെറ്റ് ചെയ്യപ്പെടുകയായിരുന്നു. കേസ് നിലനിൽക്കുന്നതിനാൽ കൂടുതൽ പ്രശ്നങ്ങൾ ഒഴിവാക്കാനാണ് തൽക്കാലം മാറിനിൽക്കുന്നത്. എന്നാൽ ബസ് ഡ്രൈവിംഗ് തന്നെയാണ് തന്റെ പാഷൻ,” യദു പറഞ്ഞു.
ഏത് ജോലിയായാലും ചെയ്യാനുള്ള മനസ്സ് മതി. ഒരിടത്ത് തടസ്സമുണ്ടായാൽ അടുത്ത ജോലി നോക്കും, അല്ലാതെ തളർന്നിരിക്കില്ലെന്നും അദ്ദേഹം കൂട്ടിച്ചേർത്തു. കെഎസ്ആർടിസിയിലെ ശമ്പളത്തേക്കാൾ മികച്ച വരുമാനം ഇപ്പോൾ ലഭിക്കുന്നുണ്ടെന്നും, ഫുൾ ടൈം ഓടിയാൽ ദിവസം 2000 രൂപയോളം നേടാനാകുന്നുണ്ടെന്നും യദു പറഞ്ഞു.
Pic Source : News18