കെഎസ്ആർടിസി ബസിന്റെ ചില്ല് തകർത്തത് എന്‍റെ ഭാര്യയല്ല; വ്യാജ പ്രചാരണമെന്ന് വി വസീഫ്

തിരുവനന്തപുരം: കെഎസ്ആർടിസി ബസിന്റെ ചില്ല് തകർത്തത് തന്റെ ഭാര്യയാണെന്ന രീതിയിൽ സോഷ്യൽ മീഡിയയിൽ പ്രചരിക്കുന്ന വാർത്തകൾ വ്യാജമാണെന്ന് ഡിവൈഎഫ്ഐ സംസ്ഥാന പ്രസിഡന്റ് വി വസീഫ് . കോൺഗ്രസ്, ലീഗ്, ബിജെപി ഹാൻഡിലുകളിലൂടെയാണ് ഈ രീതിയിലുള്ള നുണപ്രചാരണങ്ങൾ വ്യാപകമായി നടക്കുന്നതെന്നും അദ്ദേഹം ആരോപിച്ചു .

ഇത്തരം വ്യാജ പ്രചാരണങ്ങൾക്കെതിരെ ശക്തമായ നിയമനടപടികൾ സ്വീകരിക്കുമെന്നും വസീഫ് വ്യക്തമാക്കി.പൊതുജനങ്ങൾക്കിടയിൽ തെറ്റിദ്ധാരണ പരത്താൻ ലക്ഷ്യമിട്ടുള്ള ഇത്തരം നുണപ്രചാരണങ്ങൾ അവസാനിപ്പിക്കാൻ യുഡിഎഫും ബിജെപിയും തയ്യാറാകണമെന്ന് അദ്ദേഹം ആവശ്യപ്പെട്ടു

പലരും സത്യാവസ്ഥ അറിയാതെ തനിക്ക് വ്യക്തിപരമായി സന്ദേശങ്ങൾ അയക്കുന്നുണ്ടെന്നും വസീഫ് പറഞ്ഞു.ഇത്തരം വ്യാജ പ്രൊഫൈലുകൾക്ക് പിന്നിൽ ആരാണെന്നും, അവ നിയന്ത്രിക്കുന്നത് ആരാണെന്നും ഉള്ള കാര്യങ്ങൾ അതീവ ഗൗരവത്തോടെ അന്വേഷിക്കേണ്ടതുണ്ടെന്നും അദ്ദേഹം കൂട്ടിച്ചേർത്തു