തിരുവനന്തപുരം: സംസ്ഥാനത്ത് തുടർച്ചയായി ആറാം ദിവസവും ഇന്ധന വില കുറഞ്ഞു. പെട്രോളിന് 16 പൈസയും ഡീസലിന് അഞ്ച് പൈസയുമാണ് കുറഞ്ഞത്. രാജ്യാന്തര വിപണിയിൽ എണ്ണവില കുറയുന്നതിനാലാണ് ഇന്ത്യയിലും ഇന്ധന വിലയിൽ നേരിയ തോതിൽ കുറവ് വരുന്നത്.
ഇന്ന് തിരുവനന്തപുരത്ത് പെട്രോളിന് 81.10 രൂപയും ഡീസലിന് 73.81 രൂപയുമാണ് വില. കൊച്ചിയിൽ പെട്രോളിന് 80.64 രൂപയും ഡീസലിന് 72.61 രൂപയും കോഴിക്കോട് പെട്രോളിന് 80.17 രൂപയും ഡീസലിന് 73.14 രൂപയുമാണ് വില.
