തിരക്കേറിയ ദേശീയപാതയിൽ ടൊയോട്ട ഫോർച്യൂണറും ഹോണ്ട സിറ്റിയും തമ്മിൽ വേഗപ്പോര്. അവസാനം തെന്നിനീങ്ങി അപകടത്തിൽപ്പെട്ട് വാഹനങ്ങളും. അമിത വേഗത്തിലായതു കൊണ്ടുതന്നെ വാഹനങ്ങളുടെ നിയന്ത്രണം നഷ്ടപ്പെട്ടു. ഫോർച്യൂണർ, ഹോണ്ട സിറ്റിയിൽ ഇടിക്കുകയും ഇരുവാഹനങ്ങളും നനഞ്ഞു കിടന്ന ദേശീയപാതയിലൂടെ ഏറെ ദൂരം തെന്നിനീങ്ങുകയും ചെയ്തു. രണ്ടു വാഹനങ്ങളും ഡിവൈഡറിൽ ഇടിക്കുന്നതും വിഡിയോയിൽ കാണുവാൻ കഴിയും. അപകടത്തിൽ ആർക്കും തന്നെയും സാരമായ പരിക്കുകൾ ഇല്ല എന്നതാണ് ആശ്വാസകരം.
ഡിവൈഡറിൽ ഇടിച്ചതിന്റെ ഫലമായി രണ്ടുവാഹനങ്ങൾക്കും കേടുപാടുകളുണ്ടായിട്ടുണ്ട്. എസ്യുവിയുടെ മുൻബമ്പർ പൂർണമായും തകർന്നു. സിറ്റിയുടെ മുൻബമ്പറിന്റെ ഇടതു ഭാഗം ഇടിയുടെ ആഘാതത്തിൽ തെറിച്ചു പോയി. ഇതൊഴിച്ചു നിർത്തിയാൽ വാഹനത്തിനു മറ്റുകേടുപാടുകൾ ഒന്നും തന്നെയില്ലെന്നു മാത്രമല്ല, യാത്രികർക്കു ആർക്കും തന്നെയും പരിക്കുകളുമില്ല.
Fortuner and Honda City with speed battle on the national highway; video
