പ്രധാനമന്ത്രി നരേന്ദ്ര മോദിക്ക് കോണ്‍ഗ്രസ് പാര്‍ട്ടിയുടെ വക വാലന്റൈന്‍സ് ഡേ സന്ദേശം. “സ്‌നേഹം പരത്തൂ, തട്ടിപ്പുകളല്ല” എന്ന് തുടങ്ങുന്ന വാചകങ്ങളോടെ പാര്‍ട്ടിയുടെ ഔദ്യോഗിക ട്വിറ്റര്‍ അകൗണ്ടിലാണ് മോദിയെ പരിഹസിച്ചും വിമര്‍ശിച്ചും ഒരു മിനിട്ടുള്ള വീഡിയോ പോസ്റ്റ് ചെയ്തിരിക്കുന്നത്. പ്രിയപ്പെട്ട മോദി, ഞങ്ങളുടെ വക ഒരു ഹാപ്പി വാലന്റൈന്‍സ് ഡേ എന്നു പറഞ്ഞാണ് മോദിയെ പരിഹസിച്ചുകൊണ്ട് ബാക്കി പറയുന്നത്. കെട്ടിപിടുത്തം കുറച്ച് കൂടുതല്‍ ജോലി ചെയ്യൂ, ഓരോ ബന്ധത്തിലും കൊടുക്കുന്ന വാക്ക് പാലിക്കാന്‍ ശ്രമിക്കണo, എന്നിങ്ങനെ വീഡിയോയിൽ മോദിയെ കളിയാക്കുന്നുണ്ട് കോണ്‍ഗ്രസ്.
എന്നാൽ കോണ്‍ഗ്രസിന്റെ ഈ വാലന്റൈന്‍സ് ഡേ സന്ദേശങ്ങളോട് ബിജെപി ഇതുവരെ പ്രതികരിച്ചിട്ടില്ല.