കണ്ണൂരിൽ ബോംബ് സ്ഫോടനം; സി.പി.എം പ്രവർത്തകന് ​ഗുരുതര പരിക്ക്

കണ്ണൂർ: കണ്ണൂരിൽ ബോംബ് സ്ഫോടനത്തിൽ സി.പി.എം പ്രവർത്തകന്റെ കൈപ്പത്തി തകർന്നു. പിണറായി വെണ്ടുട്ടായിൽ ആണ് സ്‌ഫോടനം. ബോംബ് നിർമ്മാണത്തിനിടയിലാണ് സ്ഫോടനം സംഭവിച്ചത്. സി.പി.എം പ്രവർത്തകനായ വിപിൻരാജിന്റെ കൈപ്പത്തിയാണ് അറ്റത്. ഇയാളെ ​ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. ഇന്ന് ഉച്ചക്ക് രണ്ടുമണിയോടെയായിരുന്നു സ്‌ഫോടനം. വിപിൻരാജിന്റെ വീടിന് സമീപത്ത് വെച്ച് ബോംബ് നിർമ്മിക്കുന്നതിനിടെയാണ് സ്‌ഫോടനം നടന്നത്. നിരവധി ക്രിമിനൽ കേസുകളിൽ പ്രതിയാണ് വിപിൻ രാജെന്ന് പോലീസ് പറയുന്നു.

bomb blast in kannur