ബിഗ്ബോസ് സീസണ്‍ 2 എന്ന ടെലിവിഷന്‍ റിയാലിറ്റി ഷോയിലൂടെ പ്രശസ്തനായ ഡോ. രജിത് കുമാര്‍ വെള്ളിത്തിരയിലേക്ക്. അഞ്ജലി പ്രൊഡക്ഷന്‍സിന്റെ പുതിയ സിനിമയായ അഞ്ജലിയിലാണ് രജിത് കുമാര്‍ കേന്ദ്രകഥാപാത്രമാകുന്നത്.
രജിത്തിനൊപ്പം ബിഗ്ബോസ് താരവും മോഡലുമായ പവന്‍ ജിനോ തോമസും പ്രധാന കഥാപാത്രത്തെ അവതരിപ്പിക്കും. ചിത്രത്തില്‍ മലയാള സിനിമയിലെ മുന്‍നിര താരങ്ങളും ഒന്നിക്കും. ആറ്റിങ്ങല്‍ സ്വദേശികളായ രഞ്ജിത് പിള്ള, മുഹമ്മദ് ഷാ എന്നിവര്‍ ചേര്‍ന്നാണ് ചിത്രം സംവിധാനം ചെയ്യുന്നത്. നിലവില്‍ അഞ്ജലി എന്റെര്‍റ്റൈന്മെന്റ്‌സ് രണ്ട് ചിത്രങ്ങള്‍ അണിയറയില്‍ ഒരുങ്ങി കഴിഞ്ഞു. അതില്‍ പ്രശസ്ത സംവിധായകന്‍ വി.കെ കരീം അണിയിച്ചൊരുക്കിയ താമര അടുത്തമാസം റിലീസിനു ഒരുങ്ങുകയാണ്.