അറ്റ്ലസ് രാമചന്ദ്രന്റെ മോചനത്തിന് വഴിതെളിഞ്ഞു

കേന്ദ്ര വിദേശകാര്യ മന്ത്രാലയത്തിന്റെ ഇടപെടലിനെത്തുടർന്ന് ജ്വല്ലറി ഉടമ അറ്റ്ലസ് രാമചന്ദ്രന്റെ ജയിൽ മോചനത്തിന് വഴിയൊരുങ്ങുന്നു. യു എ ഇ  ലെ 22 ബാങ്കുകൾ നൽകിയ കേസ് ഉടൻ പിൻവലിക്കും, തുടർന്ന് രാമചന്ദ്രൻ ജയിൽ മോചിതനാകും. രാമചന്ദ്രന്റെ ഭാര്യ ഇന്ദിര നേരിട്ട് ബിജെപി നേതൃത്തത്തിനു നൽകിയ പരാതിയെ തുടർന്നാണ് കേന്ദ്ര വിദേശകാര്യ മന്ത്രാലയo പ്രശ്നത്തിൽ ഇടപെട്ടത്.

ജയിൽ മോചിതനായാലും അറ്റ്ലസ് രാമചന്ദ്രന് യുഎഇ വിട്ടുപോകാൻ അനുമതി ഇല്ല. യുഎഇ താമസിച്ചുകൊണ്ടുതന്നെ ബാങ്കുകളുടെ കടം വീട്ടണം. ആയിരം കോടി രൂപയുടെ വായ്പ തിരിച്ചടവ് മുടങ്ങിയതിനെ തുടർന്നാണ് അറ്റ്ലസ് രാമചന്ദ്രനെ ജയിലിൽ അടച്ചത്.